ភ្នំពេញ៖ ធនាគារ វីង (ខេមបូឌា) ម.ក នៅតែបន្តបង្ហាញពីភាពខ្លាំង និងការរីកចម្រើនឥតឈប់ឈររបស់ខ្លួននៅលើឆាកអន្តរជាតិ ដោយទទួលបានពានរង្វាន់ដ៏មានកិត្យានុភាពចំនួន ២ បន្ថែមទៀតពីស្ថាប័ន Global Banking & Finance Review សម្រាប់ឆ្នាំ ២០២៦។

ពានរង្វាន់ទាំងពីរនេះរួមមាន៖
១. ពានរង្វាន់ជាម៉ាកយីហោធនាគារដែលរីកចម្រើនលឿនបំផុតប្រចាំកម្ពុជា ឆ្នាំ ២០២៦ (Fastest-Growing Banking Brand – Cambodia 2026)
២. ពានរង្វាន់ជាម៉ាកយីហោផ្តល់កម្ចីឌីជីថលល្អបំផុតប្រចាំកម្ពុជា ឆ្នាំ ២០២៦ (Best Digital Lending Brand – Cambodia 2026)

ជោគជ័យនេះបានឆ្លុះបញ្ចាំងពីការប្តេជ្ញាចិត្តរបស់ធនាគារ វីង ក្នុងការពង្រីកសេវាកម្មហិរញ្ញវត្ថុឌីជីថលឱ្យកាន់តែមានភាពងាយស្រួល សុវត្ថិភាព និងឆ្លើយតបទៅនឹងតម្រូវការជាក់ស្តែងរបស់ប្រជាជនកម្ពុជានៅទូទាំងប្រទេស។
លោកបណ្ឌិត ឌីមីត្រូ ខូលេកកូ អគ្គនាយក ធនាគារ វីង អគ្គនាយកប្រតិបត្តិ (CEO) នៃ Wing Bank បានមានប្រសាសន៍ថា“នៅ Wing Bank យើងតែងតែផ្តោតលើការកសាងធនាគារមួយដែលរីកចម្រើនរួមជាមួយកម្ពុជា និងឆ្លើយតបយ៉ាងពិតប្រាកដទៅនឹងតម្រូវការប្រចាំថ្ងៃរបស់ប្រជាជន។ ការទទួលស្គាល់នេះបង្ហាញពីទំនុកចិត្តរបស់អតិថិជន ដៃគូ និងភាគីពាក់ព័ន្ធទាំងអស់ ដែលជួយពង្រឹងការប្តេជ្ញាចិត្តរយៈពេលវែងរបស់យើងក្នុងការរីកចម្រើនដោយមានទំនួលខុសត្រូវ ការពង្រីកការចូលដំណើរការតាមរយៈឥណទានឌីជីថល និងធ្វើឱ្យសេវាធនាគារកាន់តែងាយស្រួល មានសុវត្ថិភាព និងមានភាពងាយស្រួលប្រើសម្រាប់មនុស្សគ្រប់រូប។”

សមិទ្ធផលគួរឱ្យកត់សម្គាល់ក្នុងឆ្នាំ ២០២៥ :

-ការរីកចម្រើនយ៉ាងរហ័ស៖ ធនាគារ វីង បានបម្រើអតិថិជនចំនួន ១៥ លាននាក់ និងដំណើរការប្រតិបត្តិការចំនួន ៦១០ លានដង ដែលមានតម្លៃសរុបប្រមាណ ៥៥ ពាន់លានដុល្លារអាមេរិក។
-សេវាកម្មកម្ចីឌីជីថល៖ ធនាគារបានផ្តល់សេវាកម្ចីឌីជីថលដល់អតិថិជនចំនួន ១,៧ លាននាក់ ជាមួយនឹងទំហំទឹកប្រាក់បញ្ចេញចំនួន ៣៤៩ លានដុល្លារអាមេរិក ដើម្បីជួយសម្រួលដល់តម្រូវការហិរញ្ញវត្ថុបន្ទាន់ និងការធ្វើអាជីវកម្មខ្នាតតូច។
-ទីតាំងក្នុងវិស័យធនាគារ៖ យោងតាមរបាយការណ៍របស់ធនាគារជាតិនៃកម្ពុជាឆ្នាំ ២០២៤ ធនាគារ វីង បានជាប់ចំណាត់ថ្នាក់ក្នុងចំណោមធនាគារពាណិជ្ជកំពូលទាំង ៥ នៅក្នុងប្រទេស បើគិតលើទំហំទ្រព្យសកម្ម ប្រាក់បញ្ញើ និងកម្ចី។
តាមរយៈប្រព័ន្ធអេកូឡូស៊ីឌីជីថលដ៏រឹងមាំ ធនាគារ វីង នៅតែបន្តវិនិយោគលើបច្ចេកវិទ្យា និងសន្តិសុខ ដើម្បីធានាថាការប្រើប្រាស់សេវាធនាគារមានភាពសាមញ្ញ និងផ្តល់ផលប្រយោជន៍ពិតប្រាកដដល់សហគ្រិន គ្រួសារ និងអាជីវកម្មនានា ស្របពេលដែលសេដ្ឋកិច្ចឌីជីថលរបស់កម្ពុជាកំពុងមានការរីកចម្រើន៕
👉ស្វែងយល់បន្ថែមអំពីពានរង្វាន់របស់ Wing Bank តាមរយៈលីង: https://www.wingbank.com.kh/km/awards/wing-bank-awarded-best-digital-lending-fastestgrowing-banking-brand-2026