មនុស្សឆ្លាតមិនធ្វើរឿងទាំងអស់នេះជាដាច់ខាត
មនុស្សឆ្លាតមិនមែនសំដៅទៅលើការឆ្លាតផ្នែកសិក្សាឬការងារតែប៉ុណ្ណោះទេ តែអ្នកទាំងអស់នោះឆ្លាតក្នុងការរៀបចំជីវិតគេឲ្យភាពប្រសើរឡើងនិងមានតម្លៃបំផុត ហើយពួកគេនឹងមិនធ្វើរឿងទាំង៦ខាងក្រោមនេះជាដាច់ខាត៖
១) ពួកគេមិនឲ្យអតីតកាលបំផ្លាញបច្ចុប្បន្នកាលរបស់ពួកគេនោះទេ៖ ពួកគេមិនឲ្យភាពបរាជ័យមានឥទ្ធិពលខ្លាំងពេកសម្រាប់ពួកគេនោះទេព្រោះគេដឹងថាបរាជ័យគឺជាស្ពានសម្រាប់ភាពជោគជ័យ។ ពួកគេនឹងមិនងាយបោះបង់ក្ដីសង្ឃឹមរបស់ពួកគេជាដាច់ខាត ហើយពួកគេមិនសូវបារម្ភពីអតីតកាលប៉ុន្មានទេ ព្រោះពួកគេដឹងថាវាមិនអាចជួយអ្វីបាននោះឡើយ។
២) ពួកគេគិតអ្វីដែលវិជ្ជមាន៖ មិនថាពួកគេស្ថិតនៅក្នុងកាលៈទេសៈណាក៏ដោយ ពួកគេតែងតែមានគំនិតវិជ្ជមានជានិច្ចដែលជាហេតុធ្វើឲ្យជីវិតរបស់ពួកគេមានតែសេចក្ដីសុខនិងភាពសប្បាយរីករាយ តែនេះមិនមានន័យថាពួកគេមិនដែលជួបលំបាកនោះទេ គ្រាន់តែពួកគេចេះមើលពិភពលោកនៅក្នុងផ្លូវល្អ។
៣) ពួកគេមិនរត់គេចពីបញ្ហានោះទេ៖ មាននរណាម្នាក់អាចគេចពីបញ្ហាបានរហូតនោះទេមិនថា បញ្ហាគ្រួសារ បញ្ហាផ្ទាល់ខ្លួន បញ្ហាលុយកាក់ ឬបញ្ហាសុខភាពនោះទេ។ សម្រាប់មនុស្សឆ្លាតវិញគឺពួកគេនឹងក្រោកឈរហើយប្រឈមមុខនឹងបញ្ហានោះដោយភាពក្លាហាន ព្រោះគេចាត់ទុកពេលវេលាលំបាកជាឱកាសសម្រាប់អភិវឌ្ឍខ្លួនជានិច្ច។
៤) ពួកគេមិនសូវខ្វល់ពីអ្វីដែលអ្នកដទៃគិតចំពោះគេនោះទេ៖ មនុស្សឆ្លាតនឹងមិនឲ្យគំនិតអវិជ្ជមានរបស់អ្នកដទៃមានផលប៉ះពាល់មកលើពួកគេនោះទេ។
៥) ពួកគេមិនធ្វើឲ្យខាតបង់ពេលវេលានោះទេ៖ ពួកគេស្គាល់ពីតម្លៃនៃពេលវេលានិងការងារដោយមិនយកពេលទៅចំណាយលើរឿងអត់ប្រយោជន៍នោះទេ។ តើអ្នកដែលឆ្ងល់ដែរឬទេថាមនុស្សម្នាក់ៗមានពេល២៤ម៉ោងដូចគ្នាតែហេតុអ្វីបានជាអ្នកមិនអាចបំពេញការងារច្រើនដូចជាគេ? អ្នកគួរតែអាចរកចម្លើយនេះបានដោយខ្លួនឯងហើយ។
៦) ពូកគេមិនរាប់អានជាមួយមនុស្សដែលធ្វើឲ្យគេដើរថយក្រោយនោះទេ៖ មនុស្សឆ្លាតតែងតែចង់នៅក្បែរអ្នកឆ្លាតដូចពួកគេឬក៏ឆ្លាតជាងពួកគេ មិនមែនដោយសារតែពួកគេចូលចិត្តអែបអបនោះទេគឺពួកគេចង់រៀនពីអ្នកដែលពូកែជាងខ្លួនទើបអាចអភិវឌ្ឍខ្លួនគេឲ្យល្អជាងមុនទៅទៀត។
ប្រែសម្រួល៖ តូច ម៉ាយ៉ារស្មី
ប្រភព៖ www.lifehack.org
