វិធី៤យ៉ាង ជួយឲ្យអ្នកអាចសម្រេចក្ដីសុបិនរបស់ខ្លួន កាន់តែឆាប់
យើងរាល់គ្នាតែងតែជួបបញ្ហាក្នុងជីវិតរាប់មិនអស់ ហើយប្រសិនបើអ្នកមិនព្យាយាមជម្នះទេ នោះវាមានន័យស្មើនឹងការបរាជ័យដែលគ្មានថ្ងៃងើបមុខរួច ប៉ុន្តែយ៉ាងណាក៏ដោយបើអ្នកព្រមជម្នះបញ្ហាទាំងនោះ មិនយូរមិនឆាប់នោះទេ អ្នកប្រាកដជាអ្នករកផ្លូវឆ្ពោះទៅកាន់ជ័យជំនះក្នុងជីវិតបាន។ ខាងក្រោមនេះ គឺជាចំណុចសំខាន់ៗ៤យ៉ាង ដែលជួយឲ្យអ្នកអាចសម្រេចក្តីសុបិនរបស់ខ្លួនបានឆាប់៖
១)ធ្វើសកម្មភាពដែលពាក់ព័ន្ធ៖ មិនថាអ្នកកំពុងរៀនអ្វី ឬ ធ្វើអ្វីនោះទេ បើវាមិនទាក់ទងនឹងសុបិនរបស់អ្នក នោះវាមិនងាយជួយឲ្យអ្នកសម្រេចគោលដៅរបស់ខ្លួនបានឡើយ។ ដូច្នេះហើយ ប្រសិនបើអ្នកចង់សម្រេចក្តីសុបិនរបស់ខ្លួនឲ្យបានឆាប់ អ្នកត្រូវតែព្យាយាមធ្វើផ្សេងៗដែលអាចពាក់ព័ន្ធនឹងដំណើរការឆ្ពោះទៅកាន់សុបិនរបស់អ្នក។
២) ត្រូវដឹងឲ្យច្បាស់អំពីទីតាំងរបស់អ្នក៖ អ្នកត្រូវដឹងថា អ្នកកំពុងស្ថិតនៅទីណា ដើម្បីប្រាកដថា វាស៊ីគ្នាជាមួយនឹងគោលដៅរបស់អ្នកឬ អត់។ បើអ្នកមិនដឹងថាអ្នកនៅទីណាទេ នោះឱកាសគឺតិចតួចណាស់ដែលអ្នកអាចជោគជ័យ។
៣)ត្រូវបង្កើតក្រុមឆ្លាតវៃ៖ ការសហការ ការទទួលខុសត្រូវ និងការច្នៃប្រឌិត គឺជាអ្វីទាំងអស់ដែល កើតឡើងនៅក្នុងក្រុមឆ្លាតវៃ។ អ្វីទាំងនេះអាចជួយអោយអ្នកសម្រេចក្ដីសុបិនកាន់តែធំ។
៤)សៀវភៅ/អ្នកណែនាំ៖ ការរៀនតាមសៀវភៅនិងបទពិសោធន៍របស់នរណាម្នាក់ អាចជួយពន្លឿនដំណើរទៅកាន់ក្ដីសុបិនរបស់អ្នកកាន់តែឆាប់។ អ្នកណែនាំល្អ ឬ សៀវភៅល្អ អាចបង្ហាញអ្នកពីសកម្មភាពដែលអ្នកត្រូវការដើម្បីឈានទៅកាន់កម្រិតផ្សេងទៀត និង រក្សាកម្លាំងរបស់អ្នក។
ប្រែសម្រួល៖ អ៊ឺង មួយយូ ប្រភព ៖ addicted2success.com
