មេដឹកនាំអហិង្សារបស់ឥណ្ឌា ៖«ទីណាមានសេចក្ដីស្រលាញ់ ទីនោះមានជីវិត»
មនុស្សត្រូវការសេចក្ដីស្រលាញ់ មិនមែនសេចក្ដីស្អប់នោះទេ។ ប៉ុន្តែអ្វីដែលសំខាន់នោះ គឺមនុស្សមួយចំនួនមិនដែលចេះស្រលាញ់អ្នកដទៃ តែទាមទារឲ្យគេស្រលាញ់ ចូលចិត្ត និង ធ្វើអំពើល្អដាក់ខ្លួន។ ដូច្នេះហើយបានជា មិនអាចមានលទ្ធផលល្អ។ សេចក្ដីស្រលាញ់ គឺពិតជាមានសារសំខាន់ខ្លាំងណាស់ សម្រាប់មនុស្សគ្រប់រូប ព្រោះថាបើគ្មានសេចក្ដីស្រលាញ់ក្នុងខ្លួនទេ គឺពិភពលោកនេះពិតជាពិបាករកឃើញនូវសេចក្ដីសុខខ្លាំងណាស់។
បើតាមលោក Mahatma Gandhi ដែលជាមេដឹកនាំអហិង្សារបស់ឥណ្ឌា បានពោលថា៖ «ទីណាមានសេចក្ដីស្រលាញ់ ទីនោះមានជីវិត»។ សេចក្ដីស្រលាញ់នេះ គឺមានច្រើនសណ្ឋានខ្លាំងណាស់ មិនថាសេចក្ដីស្រលាញ់ចំពោះគ្រួសារ ចំពោះសង្គមជាតិ មិត្តភ័ក្ដិ ឬ ដៃគូជីវិតនោះទេ។ បើអ្នកគ្មានសេចក្ដីស្រលាញ់ក្នុងខ្លួនទេ អ្នកនឹងមិនអាចមានសេចក្ដីសុខ និង សេចក្ដីស្ងប់ក្នុងខ្លួននោះទេ។ ដូច្នេះហើយ ត្រូវព្យាយាមបណ្ដុះសេចក្ដីស្រលាញ់ឲ្យច្រើនតាមតែអាចធ្វើទៅតាម ហើយព្យាយាមជម្រុះចោលគំនុំគំកួនចោល នោះអ្នកនឹងឃើញពិភពលោកពោរពេញទៅដោយភាពស្រស់បំព្រង៕
ដោយ៖ រតនា វិចិត្រ
