រឿងទាំងនេះហើយដែលអ្នកមិនដឹងខ្លួនថា រាល់ថ្ងៃកំពុងតែធ្វើខុស!
អាចថាអ្នកមិនចង់ធ្វើអ្វីមួយខុសទេ តែដោយសារតែអ្នកមិនចាប់អារម្មណ៍លើទង្វើនោះ ហើយវាក៏ក្លាយទៅជាទម្លាប់មួយសម្រាប់អ្នកធ្វើរៀងរាល់ថ្ងៃតែម្ដង។ អ្នកមិនដឹងឡើយ ថាកំហុសនោះមានអ្វីខ្លះ ដូចនេះអ្នកគួរអានអត្ថបទខាងក្រោមនេះសិនទៅ៖
១) ភ្ញាក់ពីដំណេកភ្លាមទាញទូរស័ព្ទដៃមកមើលភ្លាម
ប្រសិនបើអ្នកងើបភ្លាម ហើយកាន់ទូរស័ព្ទដៃភ្លាមនោះ អ្នកនឹងមិនអាចបញ្ឈប់វាបានជារៀងរហូត។ វាហាក់ដូចជាដាក់ទណ្ឌកម្មខ្លាំងដល់ខ្លួនឯងព្រោះថា ពេលអ្នកងើបពីដំណេកភ្លាមអ្នកគួរតែស្រូបយកខ្យល់អាកាសបរិសុទ្ធ ហាត់ប្រាណ ពិសាអាហារឆ្ងាញ់ៗ វិញទៅមិនល្អជាង ហេតុអ្វីចាំបាច់ឆែកទូរស័ព្ទមុនគេធ្វើអី។
២) ពិសាកាហ្វេព្រឹកពេក
អ្នកប្រហែលមិនដឹងឡើយ ថា អ្នកអាចផឹកកាហ្វេបាន ចាប់ពីម៉ោង ៩និង៣០នាទីព្រឹកទៅ ព្រោះថាបើអ្នកផឹកមុនម៉ោងបានកំណត់នោះ វាអាចឲ្យអ្នកមានសុខភាពខ្សោយ ឆាប់ធុញថប់ មួម៉ៅ និងញ័រប្រាណខុសប្រក្រតី។
៣) ពិសាអាហារពេលល្ងាចយឺតពេក
ពិសាអាហារយឺតពេលពេក អាចប៉ះពាល់ខ្លាំងដល់ដំណេករបស់អ្នក។ អ្នកត្រូវចេះ លៃលកពេលវេលាឲ្យបានសមរម្យ យ៉ាងហោចណាស់ ត្រូវពិសាអាហារឲ្យបានមុន៣ម៉ោងមុនពេលចូលដំណេក។ បើអ្នកចូលដំណេកម៉ោង១១ វាល្អណាស់ដែលអ្នកគួរតែពិសាឲ្យបានម៉ោង៨។
៤) ចំណាយពេលយប់របស់អ្នក ប្រើទូរស័ព្ទរហូត
អ្នកអាចប្រើវាបាន តែកុំឲ្យហួសហេតុខ្លាំងពេក ព្រោះថាអ្នកធ្វើការពេញមួយថ្ងៃហត់ខ្លាំងណាស់ ដូចនេះវាគួរតែជាពេលសម្រាប់អ្នកសម្រាក។ ចុះហេតុអ្វីមកត្រូវប្រើពេលសម្រាកមកចុចទូរស័ព្ទទៅវិញ?
ប្រែសម្រួល៖ ព្រំ សុវណ្ណកណ្ណិកា
ប្រភព៖ www.businessinsider.com
