មហាសេដ្ឋីអង់គ្លេស លោក Branson ប្រាប់ពីមូលហេតុមួយដែលសម្លាប់អាជីវកម្មថ្មីយ៉ាងងាយបំផុត
លោក Richard Branson មហាសេដ្ឋីរបស់អង់គ្លេស បានលើកឡើងថា ការគ្រប់គ្រងលំហូរសាច់ប្រាក់មិនបានល្អ គឺជាមូលហេតុដ៏ធំមួយដែលធ្វើឲ្យអាជីវកម្មថ្មីៗជាច្រើនបានដួលទៅវិញ បន្ទាប់ពីដំណើរការបានត្រឹមមួយរយៈប៉ុណ្ណោះ។
លំហូរសាច់ប្រាក់ (Cash Flow) គឺជាចំណុចសំខាន់បំផុតរបស់ក្រុមហ៊ុននីមួយៗ ហើយវារឹតតែសំខាន់ទៅទៀតសម្រាប់ អាជីវកម្មដែលទើបតែបង្កើតឡើងថ្មីៗ។ ជាទូទៅ អ្នកដែលបង្កើតអាជីវកម្ម គឺមិនសូវមានធនធានច្រើននោះឡើយ ហើយបទពិសោធន៍ក៏មិនសូវមាន ហើយអ្វីដែលសូវមានទៀតនោះ គឺ ការយល់ដឹងពីការគ្រប់គ្រងលំហូរសាច់ប្រាក់ឲ្យបានល្អ។ បើយោងតាមការស្រាវជ្រាវមួយ ដែលដកស្រង់ដោយសារព័ត៌មានCNBC របស់អាមេរិកបានបង្ហាញថា ៨២ភាគរយនៃក្រុមហ៊ុនថ្មីៗដែលទើបតែបង្កើតឡើងនោះ បរាជ័យដោយសារតែ ការគ្រប់គ្រងលំហូរសាច់ប្រាក់មិនបានល្អ៕
ដោយ៖ រតនា វិចិត្រ
