លោកCharlie Chaplin ហៅសាក់ ឡូ ៖ «ការស្រមៃ គឺ គ្មានបានការអ្វីទាំងអស់ បើអ្នកមិនធ្វើវា»
«ការស្រមៃ គឺ គ្មានបានការអ្វីទាំងអស់ បើអ្នកមិនធ្វើវា»។ នេះជាគតិរបស់លោក Charlie Chaplinដែលគ្រប់គ្នាស្គាល់ជាទូទៅថា សាក ឡូ គឺជាកំពូលតារាកំប្លែងដ៏ល្បីល្បាញរបស់អង់គ្លេស ចាប់ពីឆ្នាំ១៨៩៩ ដល់ ឆ្នាំ១៩៧៦។
ក្នុងន័យនេះ លោកCharlie Chaplinចង់បញ្ជាក់ថា មានក្ដីស្រមៃក្នុងការធ្វើអ្វីមួយ ឬ ក្លាយជាអ្វីមួយគឺសំខាន់ ប៉ុន្តែវានឹងគ្មានបានការអ្វីទាំងអស់ ប្រសិនបើយើងមិនព្រមចេញសកម្មភាព ដើម្បីធ្វើវារហូតទទួលបានអ្វីដែលប្រាថ្នា។ មនុស្សណាក៏មានក្ដីស្រមៃដែរ ប៉ុន្តែមិនមែនមនុស្សគ្រប់គ្នា ចេញសកម្មភាពដើម្បីសម្រេចក្តីប្រមៃនោះទេ ហើយអ្នកខ្លះទៀត គឺធ្វើមែនតែធ្វើបានបន្តិចក៏បោះបង់។ បោះបង់ព្រោះលំបាកពេក បោះបង់ព្រោះមានគេរិះគន់ បោះបង់ព្រោះមិនទុកចិត្តខ្លួនឯង និង បោះបង់ក៏ព្រោះតែគ្មាននរណាគាំទ្រ។ មិនថា ក្នុងហេតុផលណាទេ បើអ្នកមិនព្រមធ្វើវា ឬ បោះបង់ទាំងកណ្ដាលទីនោះ ក្ដីស្រមៃរបស់អ្នក គឺគ្មានបានសាច់ការអ្វីឡើយ។ដូច្នេះហើយ បើអ្នកមានក្ដីស្រមៃហើយ ត្រូវប្រាកថា ធ្វើវាឲ្យក្លាយជាការពិតផង៕
ដោយ៖ រតនា វិចិត្រ
