បើ​ទោះបី iPhone X បំពាក់​ដោយ​កាមេរ៉ា​ក្រោយ​ភ្លោះ dual-lens ដែល​មាន​សមត្ថភាព​ថត​រូប​ល្អ​ក៏​ដោយ ប៉ុន្តែ​ដើម្បី​ឱ្យ​ការ​ថត​រូប កាន់តែ​ច្បាស់ មាន​លក្ខណៈ​ដូច​អ្នក​ថត​អាជីព​នោះ ទំព័រ​នេះ យើង​សូម​លើក​យក​គន្លឹះ​ថត​រូប​នៅ​លើ​ទូរស័ព្ទ iPhone ចំនួន ៧ចំណុច​មក​បង្ហាញ​ជូន​ប្រិយមិត្ត​ដូច​ខាង​ក្រោម។ កាន់តែ​ពិសេស​នោះ គន្លឹះ ៧ចំណុច​នេះ គឺ​ត្រូវ​បាន​បង្ហាញ​ប្រាប់​ដោយ​ក្រុមហ៊ុន​ផ្ទាល់ ដែល​អ្នក​អាច​អនុវត្ត​តាម​បាន៖

  ១) ​ខិត​ជិត​វត្ថុ ឬ​កម្មបទ​ដែល​អ្នក​ចង់​ថត ដើម្បី​ឃើញ​ធំ តែ​នៅ​តែ​រក្សា​គុណភាព​ល្អ

  ២) ​ស្វែងរក​ទីតាំង​ថត ដែល​មាន​ផ្ទៃ​ក្រោយ (background) ​មិន​មាន​ភាព​ស្មុគស្មាញ​ច្រើន ជៀសវាង​ការ​ផ្ដោត​ focus ខុស​ពី​រូប​ដែល​អ្នក​ចង់​ថត។ ៣) ព្យាយាម​រក​កន្លែង​ម្លប់ និង​មាន​ពន្លឺ​ថ្ងៃ​នៅ​ពី​ក្រោយ ​រូប/កម្មបទ ដែល​អ្នក​ចង់​ថត​ ដើម្បី​បន្ថែម​សោភ័ណ​ស្អាត​លក្ខណៈ​មាន​ពន្លឺ​នៅ​ពីក្រោយ។ ៤) អ្នក​ក៏​អាច​បន្ថែម​លក្ខណៈ​ពិសេស​នៅ​លើ​រូប​ថត ដោយ​ការ​ប្រើ​មុខងារ exposure ឧទាហរណ៍​ប្រើ​វា​ទៅ​លើ​សក់ ជាដើម​ដើម្បី​ផលិត​រូប​កាន់តែ​មាន​ភាព​ប្លែក​ទាក់ទាញ។

  ៥) នៅ​ពេល​អ្នក​ថត​រូប សត្វ អ្នក​គួរ​ស្វែងរក​ទីតាំង​ទូលាយ​ល្អ និងប្រើ​មុខងារ​ថត Portrait mode ដោយ​ប្រើ telephoto lens ​ដូច្នេះ​ចម្ងាយ​ត្រូវ​រក្សា​ត្រឹម ៨ហ្វ៊ីត ឬ​ប្រហែល ២,៤ម៉ែត្រ​គឺ​ល្មម។ អ្នក​នឹង​ទទួល​បាន​រូបភាព​ស្អាត បើ​កម្មបទ​មិន​ធ្វើ​ចលនា​ទេ​នោះ។ ៦) ពន្លឺ​ស្រទន់ soft និងdiffused ក៏​នឹង​ជួយ​ធ្វើ​ឱ្យ​រូប​ដែល​ថត​ចេញ​មក មាន​ការ​ចាប់អារម្មណ៍​ទៅ​លើ​កម្មបទ​ផង​ដែរ។ ៧) ស្វែងរក​ទីកន្លែង​ថត ដែល​មិន​មាន​លក្ខណៈ​ចង្អៀត​ពេក ឬ​ការ​រំខាន ហើយ​ប្រើ​ portrait mode ​នោះ​នឹង​ជួយ​អ្នក​ផលិត​រូបថត​ដែល​មាន​លក្ខណៈ​ផុស​ឡើង​ស្អាត និង​ព្រាល​ background៕  

សូម​អាន៖ មុខងារពិសេស ៧យ៉ាងនៅលើ​កំពូល​ទូរស័ព្ទ iPhone ដែលពុំសូវមានអ្នកដឹង!   ដោយ៖ រឹទ្ធិរាជ