បើមានចំណុចអវិជ្ជមានទាំងនេះ មានន័យថា អ្នកគ្មានថ្ងៃអាចសម្រេចក្ដីសុបិនរបស់ខ្លួនបានឡើយ
ជាការពិតណាស់ សុបិនណាក៏អាចក្លាយជាការពិតបានដែរបើអ្នកមិនបោះបង់ តែបើអ្នកមានក្ដីសុបិនហើយ តែសុខចិត្តអង្គុយចាំតែពេលវេលាល្អ ទើបចាប់ផ្ដើមអនុវត្ត នោះក្ដីសុបិននឹងគ្មានថ្ងៃលេចចេញជារូបរាងឡើយ។ សញ្ញាទាំងនេះហើយ ដែលបង្ហាញច្បាស់បានថា «អ្នកនឹងគ្មានថ្ងៃសម្រេចក្ដីសុបិនអ្នកបាន។»
១) «ចាំអ្នកដទៃ យល់ស្របនឹងក្ដីស្រមៃរបស់អ្នកសិន»៖ តើវាត្រឹមត្រូវដែរឬទេ ដែលអ្នកអង្គុយចាំអ្នកដទៃ យល់ព្រមពីក្ដីស្រមៃអ្នកសិននោះ? ទាល់តែគេសម្រេចចិត្តថា ព្រម ទើបអ្នកចាប់ផ្ដើមសកម្មភាពអ្នកមែនទេ? តាមពិតទៅគ្មាននរណាម្នាក់មកខ្វាយខ្វល់នឹងរឿងរបស់អ្នកឡើយ ព្រោះថា ខ្លួនគេក៏មានរឿងត្រូវគិតដែរ។ ដូចនេះបើអ្នកមានក្ដីស្រមៃហើយនោះ អ្នកគួរចាប់ផ្ដើមសកម្មភាពទៅ ទើបវាឆាប់ជោគជ័យ។
២) «មិនបានបង្កើតការងារដែលអ្នកត្រូវធ្វើជាប្រចាំ»៖ ជោគជ័យថ្ងៃស្អែក អាចមានបានលុះត្រាអ្នក បានធ្វើអ្វីមួយនៅថ្ងៃនេះសិន។ អ្នកគួរតែបង្កើតការងារធ្វើជារៀងរាល់ថ្ងៃ ដែលការងារនោះត្រូវពាក់ព័ន្ធនឹងក្ដីស្រមៃរបស់អ្នកផងដែរ។
៣) «គិតថាខ្លួនឯងមិនអាចធ្វើឲ្យក្ដីស្រមៃក្លាយជាការពិតបានទេ»៖ សឹងគ្រប់ពេលទៅហើយ មនុស្សគ្រប់រូបតែងមានចិត្តមួយគិតថា «ខ្លួនឯងគ្មានសមត្ថភាពថានឹងអាចឲ្យក្ដីស្រមៃខ្លួនបានជោគជ័យឡើយ។» ពេលដែលអ្នកចាប់ផ្ដើមគិតបែបនេះ អ្នកនឹងបោះបង់ការងារចោលម្ដងបន្តិចៗ រួចហើយងាកទៅរកការងារផ្សេងដែលមិនមែនជាក្ដីស្រមៃរបស់ខ្លួនទៅវិញ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ addicted2success
