Bill Gates៖«១០០ឆ្នាំទៅមុខទៀតមេដឹកនាំក្នុងលោកគឺសុទ្ធតែជាមនុស្សបើកអំណាចដល់ដទៃ»!
តើអ្នកណាខ្លះដែលថាមិនស្គាល់លោក Bill Gates? គ្រប់គ្នាដឹងច្បាស់ណាស់ថា អាជីវកម្ម លោក ការសិក្សា ការជួយការងារសង្គម ក៏ដូចជាភាពជាអ្នកដឹកនាំរបស់លោក ជោគជ័យនិងមានឥទ្ធិពលកម្រិតណាដែរ។ បុរសដ៏មាន ឥទ្ធិពល ម្នាក់នេះបានលើកឡើងនូវមតិមួយថា «១០០ឆ្នាំទៅមុខទៀតមេដឹកនាំក្នុងលោកគឺសុទ្ធតែជាមនុស្សបើកអំណាចដល់ដទៃ»។
មតិនេះទៀតសោត ចង់ អប់រំ មនុស្សទូទៅ ដែលជាអ្នកកំពុងដឹកនាំគេ និងអ្នករៀបនឹងដឹកនាំគេថ្ងៃអនាគត ឲ្យយល់ថា បើចង់ក្លាយជា អ្នកដឹកនាំគេបាន លុះត្រាតែអ្នកចេះផ្ដល់ឬផ្ទេរអំណាចឲ្យអ្នកដទៃ ដើម្បីធ្វើការសម្រេចចិត្ត ក៏ដូចជាធ្វើកិច្ច ការងារនានា។ កាលដែលមេដឹកនាំម្នាក់ មានចិត្តចង្អៀតចង្អល់ និងមិនហ៊ានទុកចិត្ត សមាជិកក្រុមរបស់ខ្លួន គេមិនអាចហៅខ្លួនថាជាអ្នកដឹកនាំជោគជ័យក្នុងសតវត្សថ្មីនេះបានឡើយ។ ហេតុនេះ មនុស្សទាំងឡាយ បើសិនជាចង់ក្លាយជាអ្នកដឹកនាំគេ អ្នកត្រូវរៀនបើកចិត្ត បើកគំនិត អនុញ្ញាតឲ្យអ្នកដទៃ ធ្វើអ្វីដែលគេគិតថាល្អ ហើយ គួរបើកសិទ្ធិ និងរៀនទុកចិត្ត កូនក្រុមរបស់ខ្លួន៕
ប្រែសម្រួល៖ ព្រំ សុវណ្ណកណ្ណិកា ប្រភព៖ Entreperneur
