លោក Benjamin Franklinបិតាស្ថាបនិកអាមេរិក៖ «បរាជ័យក្នុងការត្រៀមខ្លួនមានន័យថា អ្នកកំពុងត្រៀមខ្លួនដើម្បីបរាជ័យ»
«បរាជ័យក្នុងការត្រៀមខ្លួនមានន័យថា អ្នកកំពុងត្រៀមខ្លួនដើម្បីបរាជ័យ»។ នេះជាគតិរបស់លោក Benjamin Franklin បិតាស្ថាបនិករបស់សហរដ្ឋអាមេរិក ដែលក្នុងន័យនេះចង់បញ្ជាក់ថា មនុស្សដែលមិនចេះត្រៀមខ្លួនឲ្យបានល្អក្នុងការធ្វើកិច្ចការអ្វីមួយនោះ មានន័យស្មើនឹងពួកគេកំពុងត្រៀមខ្លួនយ៉ាងល្អដើម្បីបរាជ័យ។
ដើម្បីសម្រេចកិច្ចការអ្វីមួយ ឲ្យបានលទ្ធផលល្អនោះ វាមិនមែនជារឿងងាយស្រួលនោះឡើយ ព្រោះត្រូវរៀបចំផែនការ និង យុទ្ធសាស្ត្រជាច្រើន ហើយពេលខ្លះក៏នៅតែបរាជ័យ។ អ៊ីចឹងហើយសាកគិតបន្តិចមើលថា បើប្រឹងប្រែងត្រៀមខ្លួនម្ល៉ឹងហើយ ពេលខ្លះនៅតែមិនអាចសម្រេចទៀត ចុះទម្រាំតែមិនត្រៀមខ្លួន ឬ រៀបចំអ្វីសោះ តើលទ្ធផលនឹងទៅជាយ៉ាងណា។ ដូច្នេះហើយលោក Benjamin Franklin ពោលនៅឃ្លាខាងលើ។
ត្បិតការបរាជ័យ វាជារឿងដែលជៀសមិនផុត តែបើបរាជ័យក៏ត្រូវបរាជ័យឲ្យសមភ្នែកដែរ មានន័យថា ទោះបីជាបរាជ័យក៏មិនអីព្រោះថា យើងបានព្យាយាមអស់លទ្ធភាពដែរហើយ ដែលប្រសើរជាង គ្មានធ្វើអ្វីសោះ ហើយដល់ពេលលទ្ធផលចេញមក បែរជាបន្ទោសទៅលើលទ្ធផល ឬ ព្រេងសំណាងទៅវិញ។ ដូច្នេះហើយ បើចង់ក្លាយជាមនុស្ស ដែលត្រៀមខ្លួនដើម្បីតែភាពបរាជ័យទេ គឺត្រូវត្រៀមខ្លួនឲ្យបានល្អក្នុងការរៀបចំគម្រោង ឬផែនដើម្បីសម្រេចគោលដៅ៕
ដោយ៖ រតនា វិចិត្រ
