អធិរាជចក្រភពរ៉ូម Marcus Aurelius៖ «សុភមង្គលនៃជីវិតរបស់អ្នក អាស្រ័យលើគុណភាពនៃការគិតរបស់អ្នក»
«សុភមង្គលនៃជីវិតរបស់អ្នក អាស្រ័យលើគុណភាពនៃការគិតរបស់អ្នក»។ នេះជាគិតរបស់ អធិរាជចក្រភពរ៉ូម Marcus Aurelius (សោយរាជ្យពីឆ្នាំ១៦១ ដល់ ១៨០) ដែលក្នុងន័យនេះ ចង់បញ្ជាក់ថា ការគិត គឺជាកូនសោដ៏សំខាន់បំផុតដើម្បីឆ្ពោះទៅរកការបើកកំណប់នៃសុភមង្គល។
មុននឹងសកម្មភាពកើតឡើង គឺអ្នកចាប់ផ្ដើមពីការគិតសិន ដូច្នេះហើយបើអ្នកគិតថា អ្វីៗគឺមិនអាចទៅរួច នោះអ្នកនឹងគ្មានថ្ងៃអាចសម្រេចវាបានឡើយ ហើយបើអ្នកគិតថា ជីវិតរបស់អ្នកនឹងគ្មានថ្ងៃមានភាពរុងរឿង និង សុភមង្គលទេនោះវាគ្មានរឿងល្អណាមួយកើតឡើងឡើយ។ អ៊ីចឹងបានជាគេនិយាយថា អ្វីៗគឺកើតចេញពីការគិតរបស់អ្នក សូម្បីតែសុភមង្គលដែលមនុស្សគ្រប់គ្នាប្រាថ្នាចង់បាន។ បើអ្នកតែងត្អូញត្អែរថា ខ្លួនគ្មានសុភមង្គលទាល់តែសោះក្នុងជីវិតនេះ អ្នកគួរចាប់ផ្ដើមឆែកមើលការគិតរបស់ខ្លួនឯងឡើងវិញ ថាតើគិតយ៉ាងម៉េចបានជា ស្ថានការណ៍វាអាក្រក់ដល់ថ្នាក់ហ្នឹង?
ដោយ៖ រតនា វិចិត្រ
