តើគួរធ្វើយ៉ាងណាដើម្បីឈ្នះគេរហូតពេលមានជម្លោះកើតឡើង?
គ្មាននរណាម្នាក់ចង់ឲ្យជម្លោះនិងវិវាទកើតមានឡើងទេ។ តែបើថ្ងៃណាមួយអ្នកស្ថិតនៅក្នុងកាលៈទេសៈនោះ ទាំងដែលខ្លួនអ្នកមិនមានអ្វីខុសសោះ អ្នកក៏មិនអាចចុះញ៉មកើតដែរ។ ហេតុនេះអ្នកទាមទារឈ្នះគេដើម្បីការពារភាពត្រឹមត្រូវរបស់ខ្លួន។ ខាងក្រោមនេះជាអ្វីដែលអ្នកគួរសាកល្បងធ្វើ៖
១) គួរតែដឹងថាគូបដិបក្ខអ្នក គិតអ្វី៖ ចង់ឈ្នះគេ អ្នកត្រូវទេដឹងថា គូបដិបក្ខអ្នកកំពុងតែគិតពីអ្វីខ្លះ។ ត្រូវតាំងខ្លួនថាជាគេ ហើយព្យាយាមគិតថាគេនឹងគិតពីអ្វីបន្ទាប់។ ការធ្វើបែបនេះគឺបង្ហាញថាអ្នកយល់ចិត្តគូបដិបក្ខអ្នក ហើយជម្លោះក៏ចុះត្រជាក់ទៅតាមហ្នឹងដែរ។
២) ត្រូវចេះទប់អារម្មណ៍អ្នកឲ្យស្រួល៖ ធានាថា ពេលមានជម្លោះម្ដងៗ អ្នកខឹង ហើយសឹងតែគិតអ្វីដែលមិនគួរគិតទៀត។ តែជម្លោះនោះវាខ្លាំងឬខ្សោយគឺស្ថិតនៅលើអារម្មណ៍អ្នកទេ។ បើអ្នកអាចទប់អារម្មណ៍បានតាមសម្រួល អ្នកអាចនឹងមានភាគរយឈ្នះកាន់តែខ្ពស់។ តែបើអ្នកបណ្ដោយឲ្យខ្លួនគិតតាមតែកំហឹងនោះ លទ្ធផលវាកាន់តែពិបាកសម្រាប់អ្នក។
៣) ត្រូវចេះគោរពគូបដិបក្ខខ្លួនផង៖ អ្នកអាចឈ្នះរាល់ជម្លោះបាន ទាល់តែអ្នកចេះគោរពគូសត្រូវ។ ទោះបីគេមានគំនិតប្រឆាំងនឹងអ្នកក្ដី ទោះគេតែងតែជំទាស់អ្នកក្ដី តែបើអ្នកនិយាយតតាំងដោយពាក្យសមរម្យ អ្នកអាចមានប្រៀបឈ្នះច្រើនជាង។
ប្រែសម្រួល៖ ព្រំ សុវណ្ណកណ្ណិកា ប្រភព៖ psychologytoday
