វិធីទាំងនេះគឺអាច ជួយឲ្យអ្នកឈ្នះរាល់ការប្រលងសរសេរសំណេរ
ការប្រលងសរសេរសំណេរគឺពិតជាគួរឲ្យចាប់អារម្មណ៍ណាស់ ហើយមិនថានៅទីណាទេ គេតែងតែមានការប្រកួតប្រជែងបែបនេះជាលក្ខណៈជាតិនិងអន្តរជាតិ។ គេបង្កើតកម្មវិធីនេះ ដោយមានគោលបំណងគឺចង់ទទួលបានគំនិតនិងចង់ដងពីការយល់
១)អានពីច្បាប់ទម្លាប់ដែលគេបានដាក់សិន៖ រឿងទី១ដែលអាចជួយខ្លួនឯងឲ្យជោគជ័យបាននោះ អ្នកត្រូវអានឲ្យយល់ទាំងអស់សិនពីច្បាប់នៃការប្រលងរបស់គេ។ បើអ្នកហ៊ានតែមើលរំលង វិន័យរបស់គេមួយ អ្នកមិនអាចមានឱកាសឈ្នះបានឡើយ។
២) ប្រមូលគំនិតឲ្យបានច្រើនសិន៖ ជាទូទៅ ហើយ មុនចាប់ផ្ដើម សរសេរសំណេរ គេតែងតែប្រមូលគំនិតឲ្យបានច្រើនសិន។ ឲ្យតែអ្នកនឹងឃើញអ្វីអ្នកដាក់មក។ បន្ទាប់ពីបានគំនិតមកច្រើនសមគួរហើយ អ្នកត្រូវពិនិត្យមើលទៀតថា តើ អ្នកគួរចាប់ផ្ដើមមួយណាមុន។
៣) ទាយយកប្រធានមួយណាដែលស៊ីនឹងអ្វីដែលគេចង់បាន៖ តាមពិតទៅ ការប្រកួតប្រជែងសំណេរមួយតែងតែមានប្រធានបទគោលមួយសម្រាប់អ្នក សរសេរ។ ពេលដែលអ្នកប្រមូលគំនិតបានច្រើនហើយ អ្នកគួរតែរកប្រធានជាក់លាក់មួយសម្រាប់ យកមកសរសេរ។
៤) សេចក្ដីផ្ដើមគឺត្រូវតែទាក់ទាញឲ្យខ្លាំងជាងគេ៖ សម្រាប់អ្នកអាន បើទំព័រដំបូងគឺគួរឲ្យចាប់អារម្មណ៍ហើយនោះ ពួកគេនឹងបន្តអានទៅមុខទៀតដោយជក់ចិត្តដិតអារម្មណ៍។ ហេតុនេះវាចាំបាច់ណាស់ ដែលអ្នកគួរសរសេរយ៉ាងណាលៃលកឲ្យទំព័រខាងមុខគឺគួរឲ្យចាប់អារម្មណ៍ជាងគេជាងឯង។
៥) ត្រូវសំបូរដោយគំនិតផ្ទាល់ខ្លួន៖ បើអ្នកចម្លងឬដកស្រង់គំនិតពីអ្នកដទៃ ឬតាមបណ្ដាញគេហទំព័រដដែល អ្នកមិនបាច់សរសេរសំណេរអីល្អជាង។ អ្នកអាន គឺចង់ទទួលបានគំនិតផ្ទាល់ខ្លួន ច្រើនជាង គំនិតដែលអ្នកលួចពីអ្នកដទៃ ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ thebalance
