គំនិតរកស៊ីខ្លះៗ សម្រាប់សហគ្រិនសម័យជឿនលឿននេះ
វាមិនងាយឡើយសម្រាប់សហគ្រិននីមួយៗ ដើម្បីទទួលបានជោគជ័យក្នុងពេលសព្វថ្ងៃនេះ។ ដោយសារតែកំណើននៃភាពជឿនលឿន ព្រមទាំងធនធានមនុស្សដែលពោរពេញទៅដោយសមត្ថភាព វាហាក់ដូចជាពិបាកបន្តិចក្នុងការប្រកួតប្រជែងនឹងពួកគេ។ តែគំនិតខាងក្រោមនេះគឺជាគំនិតល្អៗខ្លះៗ ក្នុងនាមជាសហគ្រិន ត្រូវតែដឹងពីវា៖
១) ត្រូវផ្ដោតអារម្មណ៍លើការរកស៊ីឲ្យមែនទែន៖ ខ្លួនមួយមិនអាចជិះទូក២បានទេ ដូចគ្នាដែរ អ្នកមិនអាចចែកខ្លួនអ្នកទៅគិតរឿង២ ក្នុងពេលតែមួយបានដែរ។ ការងារ១ នឹងជោគជ័យ ហើយខ្លឹមប្រសិនណា អ្នកអាចមានពេលវេលាគ្រប់គ្រាន់លើវា។ ដូចនេះបើចង់ជោគជ័យ អ្នកត្រូវផ្ដោតលើកិច្ចការតែ១ទៅបានហើយ។
២) ត្រូវមានគំនិតបង្កើតអ្វីប្លែកៗ មិនមែនចាំតែរកលុយទេ៖ សហគ្រិនភាគច្រើន តែងរិះរកវិធីគ្រប់យ៉ាង ដើម្បីធ្វើយ៉ាងណាឲ្យការរកស៊ីបានជោគជ័យហើយ ទទួលបានប្រាក់ចំណេញច្រើន។ តែតាមពិតទៅ ក្រុមហ៊ុនអ្នកគង់តែបានលុយច្រើនតាមក្រោយទេ ប្រសិនណាអ្នកអាចមាន គំនិតរកស៊ីមួយណាដែលប្លែកហើយពិសេសជាងគេមុននោះ។
៣) ឆាប់វាយលុកចូលទីផ្សារដែលអំណោយផលសម្រាប់អ្នក៖ បើអ្នកមានគម្រោងចង់វាយលុកទីផ្សារណាមួយហើយ ចូរកុំបណ្ដោយឲ្យយូរកាលទៀត។ អ្នកត្រូវទាក់ទងទៅកាន់ភ្ញៀវរបស់អ្នកឲ្យបានមុន ទោះបីជាផលិតផលនោះមិនទាន់ហើយគ្រប់គ្រាន់យ៉ាងណាក្ដី។
៤) កុំភ័យខ្លាចអី៖ ប្រកួតប្រជែងនឹងខ្លួនឯង ហើយស្វែងរកអ្វីដែលថ្មីៗ ដែលអ្នកមិនដែលធ្វើ និងមិនដែលជួបពីមុនមក។ សហគ្រិនល្បីៗ ទូទាំងពិភពលោក ពួកគេសុទ្ធតែធ្លាប់ជួបការបរាជ័យសឹងរាប់មិនអស់។ ចុះអ្នកវិញ? តើចាំបាច់អីត្រូវខ្លាច?
ប្រែសម្រួល៖ ព្រំ សុវណ្ណកណ្ណិកា ប្រភព៖ asianentrepreneur
