ហេតុអ្វី បច្ចេកវិទ្យាអាចកំណត់ពីវាសនាជោគជ័យ ឬមិនជោគជ័យក្នុងជីវិតអ្នកទាំងបច្ចុប្បន្ន និង អនាគត?
បច្ចេកវិទ្យាគឺមានសារៈសំខាន់នៅគ្រប់វិស័យ នេះហើយជាមូលហេតុធ្វើអោយអ្នកយល់ពីរបៀបដែលវាធ្វើការនិងដើម្បីទទួលជោគជ័យ។ បច្ចុប្បន្ននេះ ប្រសិនបើអ្នកមិនមានចំណេះដឹងផ្នែកបច្ចេកវិទ្យា (យ៉ាងហោចណាស់កម្រិតមូលដ្ឋាន) វាពិតជាមានការលំបាកក្នុងការធ្វើការ ការប្រាស្រ័យទាក់ទង សិក្សា និង ធ្វើជំនួញ។
វាគ្រាន់តែជាថ្ងៃធម្មតាមួយនៅក្នុងជីវិតរបស់អ្នក ដែលផ្ដើមវាដោយការឆែកមើលនៅក្នុង Facebook របស់អ្នកដើម្បីអានព័ត៌មាន ឬក៏មើលអ្វីៗថ្មីដែលបានមកពីមិត្តភ័ក្ដិរបស់អ្នក។ តើអ្នកមានដឹងទេថាជាមធ្យមប្រជាជននៅក្នុងប្រទេសកម្ពុជាចំណាយពេលប្រហែល ២ ម៉ោងក្នុងមួយថ្ងៃទៅលើ Facebook (ឧទាហរណ៍វាច្រើនជាងការប្រើប្រាស់នៅសហរដ្ឋអាមេរិករហូតដល់៣ដង)ដោយការបង្ហោះរូបភាព ចែករំលែកlinks ការទំនាក់ទំនងជាមួយមនុស្សជាច្រើនទៀត ពួកយើងចូលរួមបង្កើតនិងដោះស្រាយជាមួយលំហូរថេរនៃព័ត៌មាន។ ហើយព័ត៌មានវិទ្យាមានន័យថាជាការដោះស្រាយជាមួយនឹងចំនួនដ៏ធំនៃព័ត៌មានដែលបានមកពីគ្រប់កន្លែងនិងពីមនុស្សគ្រប់គ្នាហើយវាត្រូវបានគេហៅថាទិន្នន័យ។
IT តំណាងអោយ Information Technology (ព័ត៌មានវិទ្យា)។ ដំបូងឡើយវាពណ៌នាពីវិធីដែលយើងគ្រប់គ្រងនិងដំណើរការព័ត៌មាន។ នៅក្នុងក្រុមហ៊ុនដ៏ធំមួយ ឬ អង្គការ វាត្រូវបានគេផ្ដោតសំខាន់ទៅលើផ្នែករឹងនៃ hardware ប៉ុន្តែវាក៏សំដៅទៅលើ computer network និងទូរគមនាគមន៍ផងដែរ។ សព្វថ្ងៃនេះITកំពុងសំដៅទៅដល់ទិដ្ឋភាពដ៏ទូលំទូលាយនៃការរស់នៅរបស់ពួកយើងហើយពួកយើងត្រូវតែទទួលស្គាល់នូវការអភិវឌ្ឍន៍ដ៏ជឿនលឿននៃព័ត៌មានវិទ្យានិងឥទ្ធិពលរបស់វា។
ពួកយើងប្រើប្រាស់ព័ត៌មានវិទ្យាជានិច្ចដូចជាអ្នកបើកទូរស័ព្ទដៃរបស់អ្នកនៅពេលព្រឹកអ្នកទទួលបាន ព័ត៌មានពីអ៊ីនធឺណិត ហ្វេសប៊ុក ព័ត៌មានតាមគេហទំព័រ និងអ្វីដែលច្រើនជាងនេះទៅទៀត។
ប៉ុន្តែនេះគ្រាន់តែជាផ្នែកមួយនៃITដែលអាចមើលឃើញភាគច្រើនតែប៉ុណ្ណោះ។ អ្វីដែលពួកយើងពុំទាន់ដឹងច្បាស់នោះគឺ IT មានកម្មវិធីជាច្រើននៅលើវិស័យផ្សេងៗគ្នា។ នៅក្នុងវិស័យឱសថ ឧទាហរណ៍ IT ត្រូវបានគេប្រើប្រាស់សម្រាប់ផលិតបេះដូងសិប្បនិម្មិតនិងគ្រឿងជំនួយដល់ជនពិការ។
Computer science អនុញ្ញាតអោយពួកយើងសន្សំនូវអ្វីបន្ថែមទៅលើជីវិត។ នៅក្នុងវិស័យហិរញ្ញវត្ថុ ពួកយើងហៅវាថា “fintech” បច្ចេកវិទ្យាហិរញ្ញវត្ថុ ។ ក្រុមហ៊ុន Fintech ជាច្រើនដែលមានដូចជា “Wings” ត្រូវបានផ្ដល់នូវសេវាកម្មហិរញ្ញវត្ថុ online អាចរកបានដោយផ្ទាល់នៅលើ smartphones។ យោងទៅតាមកាសែត “Phnom Penh Post” fintech អាចជាអ្នកផ្លាស់ប្ដូរល្បែងនៅក្នុងសេដ្ឋកិច្ចរបស់កម្ពុជា។
វាអាចផ្លាស់ប្ដូរពីររបៀបដែលយើងគ្រប់គ្រងសាច់ប្រាក់នៅក្នុងជីវិតប្រចាំថ្ងៃរបស់យើង និងបញ្ជីទៅលើ សិល្បៈ តន្ត្រី ស្ថាបត្យកម្ម ក៏ដូចជាភោជនីយដ្ឋានមួយចំនួនដែលប្រើប្រាស់គ្រឿងយន្តដើម្បីបម្រើម្ហូបដល់អតិថិជន។ វាហាក់ដូចជាថាមនុស្សជាតិនឹងធ្វើការតាមម៉ាស៊ីនដើម្បីសម្រេចបានគោលដៅរបស់ខ្លួន។
ដូចនេះ IT បានក្លាយទៅជាផ្នែកដ៏ធំមួយនៃជីវិតរស់នៅប្រចាំថ្ងៃ។ ខ្សែភាពយន្តជាច្រើននៅថ្ងៃអនាគតនិងកម្មវិធីទូរទស្សន៍បានបង្កើតពិភពលោកអោយទៅជាកន្លែងដែលយើងបាត់បង់ការគ្រប់គ្រងនូវអ្វីគ្រប់បែបយ៉ាងហើយមនុស្សយន្តជាអ្នកគ្រប់គ្រងជីវិតរបស់ពួកយើង។
ទោះបីជារឿងទាំងនោះត្រូវបានគេបំផ្លើសយ៉ាងណាក៏ដោយ ប្រាជ្ញាសិប្បនិម្មិតគឺបានក្លាយទៅជាការពិតហើយឥឡូវនេះ។ វាមានន័យថាពួកយើងត្រូវស្វែងយល់ពីរបៀបដែលវាធ្វើការនិងរបៀបនៃការប្រើប្រាស់វា។
បើមិនដូច្នោះទេយើងនឹងក្លាយជាអ្នកប្រើប្រាស់នៅក្នុងពិភពលោកមួយដែលយើងពុំទាន់យល់ច្បាស់។ ប្រសិនបើពួកយើងចង់អោយកូនៗក្លាយទៅជាតួអង្គនៃពិភពលោកនេះ ពួកគេត្រូវតែទទួលបានការអប់រំអំពីព័ត៌មានវិទ្យា។ ចំណេះដឹង IT មិនមែនជាឯកសិទ្ធិនោះទេប៉ុន្តែវាចាំបាច់សម្រាប់មនុស្សគ្រប់រូបដែលចង់ក្លាយជាអ្នកបង្កើតភាពជោគជ័យដោយខ្លួនឯង៕
អត្ថបទដោយ៖ កញ្ញា Carla Sab
IT Academy STEP Cambodia
www.cambodia.itstep.org
www.facebook.com/itstepcambodia
