អត្ថប្រយោជន៍សំខាន់ៗ ដែលម្រះមានចំពោះសុខភាពអ្នក
ដោយសារតែរសជាតិល្វីងរបស់ម្រះ មនុស្សជាច្រើនមិនសូវមានចំណង់ចូលចិត្តទទួលទានម្រះធ្វើជាម្ហូបអាហារនោះទេ។ យ៉ាងណាមិញ ម្រះមានអត្ថប្រយោជន៍ច្រើនយ៉ាងជាពិសេសគឺសម្រាប់ជំនួយដល់សុខភាពរបស់អ្នក ដូចមានរៀបរាប់នៅខាងក្រោមនេះ។ នេះជាការដកស្រង់ចេញពី ayurhealthtips.com & food.ndtv.com៖
១) សម្បូរទៅដោយសារធាតុប្រឆាំងនឹងអុកស៊ីតកម្ម និងសារធាតុខនិជ ដែលអាចជួយដល់ពន្យឺតការវិវត្តទៅនៃភាពចាស់បាន
២) ដើរតួជាភ្នាក់ងារលាងសម្អាតបែបធម្មជាតិដែលអាចលាងសម្អាតសារពាង្គកាយនិងសរីរាង្គខាងក្នុងផ្សេងទៀតផងដែរ
៣) ត្រូវបានគេប្រើប្រាស់ជាឱសថបុរាណសម្រាប់ព្យាបាលភាពមិនប្រក្រតីនៃថ្លើម
៤) ជួយកសាងនូវភាពរឹងមាំដល់ប្រព័ន្ធភាពស៊ាំរបស់អ្នក ដោយសារតែមានវត្តមានរបស់សារធាតុប្រឆាំងអុកស៊ីតកម្មដែលធ្វើការជាដំណើរការការពារដ៏មានថាមពលខ្លាំងក្លាក្នុងការប្រឆាំងទប់ទល់នឹងជំងឺផ្សេងៗ
៥) រក្សាតុល្យភាពនៃកម្រិតជាតិស្ករក្នុងឈាមរបស់អ្នក ក៏ដូចជាបន្ថយកម្រិតជាតិកូឡេស្តេរ៉ុលផងដែរ
៦) ដោយសារតែម្រះមានសារធាតុបេតាការ៉ូទីន និងជាតិវីតាមីនA ហេតុនេះវាក៏អាចជួយដល់ភ្នែករបស់អ្នកពីបញ្ហាដូចជាភ្នែកឡើងបាយជាដើមបាន៕
ដោយ៖ ស្រីពៅ
