តាមការសិក្សាថ្មី១៖ ទូរស័ព្ទប៉ះពាល់ដល់ការងារ ទោះបីជាបិទសំឡេងក៏ដោយ
ថ្មីៗនេះ Harward បានធ្វើការស្រាវជ្រាវមួយដោយរកឃើញថា «ទូរស័ព្ទអាចប៉ះពាល់ដល់ការងាររបស់អ្នកដោយមិនដឹងខ្លួន បើទោះបីជាវាត្រូវបានបិទសំឡេងហើយក៏ដោយ»។ នេះបើតាមការចុះផ្សាយរបស់គេហទំព័រវេទិកាសេដ្ឋកិច្ច។
មនុស្សជាច្រើននាក់ បានចូលរួមនៅក្នុងការពិសោធន៍មួយនេះ។ នៅក្នុងការសិក្សា មនុស្សត្រូវបានបែងចែកជាពីរក្រុម គឺថាមួយក្រុមអនុញ្ញាតឲ្យមានទូរស័ព្ទនៅក្បែរខ្លួន មិនថានៅលើតុធ្វើការឬដាក់ក្នុងហោប៉ៅនោះទេ។ ឯមួយក្រុមទៀត ត្រូវទុកទូរស័ព្ទនៅបន្ទប់ផ្សេងមួយទៀត។ បើទោះបីជាទូរស័ព្ទត្រូវបិទសម្លេងដូចគ្នា តែលទ្ធផលគឺមិនដូចគ្នាឡើយ។ លទ្ធផលបានបង្ហាញឲ្យឃើញថាមនុស្សអាចធ្វើការបានល្អជាងនៅពេលដែលទូរស័ព្ទនៅកន្លែងផ្សេងមួយទៀត។
ពេលដែលអ្នកស្រាវជ្រាវសាកសួរអ្នកចូលរួម«តើពួកគេគិតថាទីតាំងនៃការដាក់ទូរស័ព្ទអាចប៉ះពាល់ដល់ការងាររបស់ពួកគេដែរឬទេ?» គ្រប់គ្នាឆ្លើយថា« អត់ទេ។» នេះបង្ហាញយ៉ាងច្បាស់ថាយ៉ាងពិតទៅ មនុស្សមិនទាំងដឹងថាវាអាចប៉ះពាល់ផង។ ដូច្នេះហើយ អ្នកគួរតែដាក់ទូរស័ព្ទនៅកន្លែងផ្សេងពេលដែលអ្នកធ្វើការប្រសិនអ្នកមិនចង់ឲ្យការងាររបស់អ្នកប៉ះពាល់៕ បានអានហើយឬនៅ? មួយខែៗអស់លុយទូរស័ព្ទច្រើនណាស់មែនទេ? ខាងក្រោមនេះជាមធ្យោបាយអាចជួយសន្សំថវិកា ប្រសិនបើអ្នកមិនទាន់ចេះប្រើ
ដោយ៖ អ៊ឹង មុយយូ
