យោងតាម​ប្រភព​អនាមិក​មួយ​ជាមួយ​គេហទំព័រ Cnet បាន​រាយការណ៍​ថា ក្រុមហ៊ុន Apple កំពុង​ធ្វើការ​លើ​ឧបករណ៍ AR / VR ​ដាច់​ដោយ​ឡែក​លក្ខណៈ​ដំណើរការ​បាន​ជា​លក្ខណៈ standalone AR/VR headset។ ឧបករណ៍​នេះ នឹង​ប្រើ​អេក្រង់​រហូត​ដល់ 8K display ចំនួន២ ​ហើយ​នឹង​មិន​ចាំបាច់​ភ្ជាប់​ជាមួយ​កុំព្យូទ័រ ឬ​ស្មាតហ្វូន​នោះ​ឡើយ។ ​ឧបករណ៍​ពាក់​នឹង​ក្បាល Headset នេះ​នឹង​មាន​លេខ​កូដ T288 ដែល​ត្រូវ​គេ​រាយការណ៍​ថា នឹង​បង្ហាញ​ខ្លួន​ក្នុង​ឆ្នាំ២០២០។ ទោះជា​យ៉ាងណា បច្ចុប្បន្ន​នេះ​គ្រាន់តែ​ជា​ដំណាក់កាល​ដំបូង​នៃ​ការ​អភិវឌ្ឍន៍​គម្រោង​ប៉ុណ្ណោះ មាន​ន័យ​ថា កាលបរិច្ឆេទ​បង្ហាញ AR / VR headset អាច​នឹង​មាន​ការ​ផ្លាស់ប្ដូរ​ក៏​ថា​បាន។​ សូម​អាន៖ Apple ​ត្រៀម​ផលិត​​បន្ទះ​អេក្រង់​ថ្មី MicroLED Display ​បំពាក់​លើ Apple Watch ​ជំនាន់​ថ្មី និង​ AR Wearable ពេល​ខាង​មុខ ​ទោះបី​ជា ការ​បែកធ្លាយ​អនាមិក​កើត​ឡើង​ជា​ញឹកញាប់​មិន​គួរ​ឱ្យ​ទុកចិត្ត ​តែ​វា​នៅ​តែ​ត្រូវការ​សន្និដ្ឋាន​ថា គម្រោង​អាច​នឹង​មាន​ពិត ដែល Apple ត្រៀម​ផលិត standalone AR/VR hybrid ​ដោយ​ឈរ​លើ​មួយ​ចំណុច អំពី​ការ​បង្ហាញ​ទឹកចិត្ត​ដ៏​រីករាយ​របស់​នាយក​ប្រតិបត្តិ​ Apple លោក Tim Cook ដោយ​​ហាក់​លើក​ទឹកចិត្ត​ឱ្យ​មាន​ការ​អភិវឌ្ឍន៍​កាន់តែ​សំបូរបែប។

នៅ​ក្នុង​បទសម្ភាសន៍​មួយ​ជាមួយ​ឯកអគ្គរដ្ឋទូត​ឆ្នាំ​មុន លោក Cook ​បាន​ថ្លែង​ថា លោក​ចាត់ទុក AR ជា​គំនិត​ដ៏​ធំ​មួយ​ដូច​ជា​ស្មាតហ្វូន​ដែរ ហើយ​លោក​គិត​ថា AR នឹង​នាំ​មក​នូវ​របត់​ផ្លាស់ប្ដូរ​ធំ គឺ​ធំ​អស្ចារ្យ​នា​អនាគត​ឆាប់ៗ​ខាង​មុខ។ លោក​មាន​អារម្មណ៍​រំភើប​ទៅ​នឹង​អ្វី​ដែល​ក្រុមហ៊ុន Apple បាន​ធ្វើ ហើយ​ជួយ​សម្រួល​ដល់​ជីវិត​រស់នៅ​បាន​កាន់តែ​ច្រើន​សំបូរបែប៕ សូម​អាន៖ Apple នឹង​ចេញលក់​​ IPhone ស៊ីម២ ​ចុង​ឆ្នាំ​នេះ​​ជាមួយ​តម្លៃ​ចាប់ពី $៦៥០ ​ដោយ៖ រឹទ្ធិរាជ