តោះមកសាកវិធីទំាង៥នេះ ដើម្បីឲ្យអ្នកទទួលបានភាពរីករាយនៅក្នុងជីវិត
ជាការពិតណាស់តម្រូវការរបស់មនុស្សម្នាក់ៗតែងតែនាំមកនូវភាពតានតឹងមកដល់ជីវិតរបស់អ្នកទៅវិញ ព្រោះថាអ្នកទាន់យល់ច្បាស់ពីតម្រូវការពិតប្រាកដនៅក្នុងជីវិត ហើយថែមទាំងធ្វើឲ្យជីវិតរបស់អ្នកមិនមានភាពរីករាយនិងពោរពេញទៅដោយទុកកង្វល់ថែមទៀតផង។ អត្ថបទខាងក្រោមនេះ និងបង្ហាញអ្នកអំពីវិធីងាយៗ ទាំង៥ដើម្បីឲ្យជីវិតរបស់អ្នកមានភាពរីករាយ និងពោរពេញទៅដោយខ្លឹមសារ៖
១) ផ្ដោតទៅលើខ្លួនរបស់អ្នក៖ ពិតណាស់នៅពេលដែលអ្នកជួបរឿងរ៉ាវផ្សែងៗ តែងតែចៀសមានផុតពីពាក្យសម្ដីផ្សែងៗពីអ្នកដទៃ ដែលពេលខ្លះវាអាចជាការណែនាំឬជាការផ្តល់ជាយោបល់ទៅកាន់អ្នកដើម្បីជាគំនិតមួយជំនួយដល់អ្នក ប៉ុន្តែទីបំផុតខ្លួនរបស់អ្នកទេជាអ្នកសម្រេចសេចក្តីទាំងឡាយ និងជាអ្នកដែលកំណត់ថាតើអ្វីដែលនាំមកនូវសេចក្តីសុខ និងភាពរីករាយដល់ខ្លួនរបស់អ្នក។
២)ទុកពេលវេលាសម្រាប់សម្រាកលំហែអារម្មណ៍៖ ការបង្កើតឲ្យមានពេលវេលាសម្រាប់លំហែទាំងកាយនិងអារម្មណ៍ ពិតជាសំខាន់ព្រោះមនុស្សម្នាក់ៗខិតខំបំពេញភារកិច្ចផ្សែងៗយ៉ាងសកម្ម ហេតុនេះហើយការមានពេលវេលាសម្រាប់លំហែគឺ ពិតជាវិធីនិងគំនិតល្អខ្លាំងណាស់សម្រាប់ជីវិតរបស់អ្នក ម្យ៉ាងទៀតដើម្បីឲ្យនៅក្នុងជីវិតរបស់អ្នក ទទួលបានភាពរីករាយ និងបទពិសោធន៍ថ្មីៗ។
៣) ធ្វើដំណើរទៅក្រៅប្រទេស៖ ការធ្វើដំណើរទៅក្រៅប្រទេសហាក់បីមិនសូវមានភាពងាយស្រួលប៉ុន្មានទេ ប៉ុន្តែផ្ទុយទៅវិញវាបានផ្តល់នូវក្តីសង្ឃឹមដល់អ្នកព្រោះថានៅពេលដែលអ្នកមានគោលដៅថាអ្នកត្រូវតែចេញទៅក្រៅស្រុកនោះការខិតខំធ្វើការរបស់អ្នកមិនបានផ្តល់ជាសម្ពាធអ្វីធ្ងន់ដល់ជីវិតរបស់អ្នកឡើយព្រោះថាអ្នកធ្វើវាដើម្បីទទួលបានភាពរីករាយនៅក្នុងជីវិតរបស់អ្នក ។
៤) ត្រូវកត់ត្រានូវកំណត់ហេតុនៃពេលវេលារីករាយរបស់អ្នក៖ អ្នកគួរតែមានកំណត់ហេតុដែលរៀបរាប់អំពីពេលវេលាដែលអ្នកទទួលបានភាពរីករាយដូចជាការថតរូបទុក ដែលវាអាចរំលឹកអ្នកអំពីកន្លែងដែលមានអារម្មណ៍រីករាយ។ពិសេសវានឹងក្លាយទៅជាពេលវេលាមួយដែលធ្វើឲ្យជីវិតរបស់អ្នកពោរពេញទៅដោយអត្ថន័យ។
៥) ត្រូវតែមានភាពច្បាស់លាស់សម្រាប់ជម្រើសរបស់អ្នក៖ ត្រូវចាំថាមនុស្សមិនមានឱកាសល្អច្រើនដងច្រើនសារនោះទេសម្រាប់ជីវិតមនុស្សម្នាក់ៗ ហេតុនេះហើយអ្នកត្រូវរៀនបង្កើតឱកាសសម្រាប់ខ្លួនឯងដើម្បីទទួលបានអ្វីដែលខ្លួនស្រលាញ់ពេញចិត្ត និងហ៊ានទទួលខុសត្រូវលើអ្វីដែលខ្លួនបានសម្រេច។ អ្នកត្រូវចាំថាវាគឺជាជីវិតរបស់អ្នកហេតុនេះហើយអ្នកត្រូវតែមានការសម្រេចចិត្តផ្ទាល់ខ្លួនដែលអ្នកមិនមានភាពស្តាយក្រោយ។
ប្រែសម្រួលដោយ៖ អ៊ុន ស្រីនាង
