ចំណុចសំខាន់៣យ៉ាង ដែលជួយឲ្យអ្នករកផ្លូវក្លាយជាអ្នកមានដូចគេ
ពិតប្រាកដណាស់មនុស្សគ្រប់រូប តែងតែប្រាថ្នាចង់ក្លាយទៅជាអ្នកមានរស់នៅស្រណុក យ៉ាងណាមិញទន្ទឹមនឹងការចង់ក្លាយទៅជាអ្នកមាននោះ មនុស្សយើងម្នាក់ៗក៏បានខិតខំប្រឹងប្រែងធ្វើការងារយ៉ាងស្វះស្វែងដោយមិនខ្លាចនឿយហត់ផងដែរ។ ប៉ុន្តែតើការខិតខំប្រឹងប្រែងរបស់អ្នកនោះមានចំណុចដែល អាចនាំអ្នកក្លាយទៅជាអ្នកមានដែរឬទេ។ដូចនេះហើយអត្ថបទខាងក្រោមនេះនិងបង្ហាញអ្នកអំពីចំណុចសំខាន់៣ដែលនាំអ្នកក្លាយទៅជាអ្នកមាន៖
១) បន្ថយការចំណាយ ហើយពង្រឹងការសន្សំ៖ នៅក្នុងចំណុចនេះគឺពិតជាសំខាន់ខ្លាំងណាស់ ព្រោះថាតើអ្នកដឹងទេថាសម្រាប់ការចំណាយប្រាក់របស់មនុស្សភាគច្រើនគឺពិតជាមានភាពខ្ជះខ្ជាយខ្លាំងណាស់ដោយមនុស្សភាគច្រើននៅតែមិនទាន់បែងចែកដាច់នៅការចំណាយអ្វីដែលចាំបាច់បំផុតសម្រាប់ការរស់នៅរបស់គេ។ សម្រាប់ការចំណាយអ្នកត្រូវតែមានការកំណត់យ៉ាងច្បាស់លាស់ថា អ្នកត្រូវតែចំណាយទៅលើអ្វីដែលអ្នកខ្វះខាត់ហើយវាចាំបាច់បំផុតសម្រាប់ការរស់នៅ ហើយរាល់ចំណូលដែលអ្នកទទួលបានត្រូវមានកំណត់ច្បាស់លាស់ថាតើអ្នកត្រូវសន្សំចំនួនប៉ុន្មាន ពិសេសនេះអ្នកគួរតែលៃយ៉ាងអ្នកឲ្យការសន្សំច្រើនជាងចំណាយ។
២) ការពារខ្លួនរបស់អ្នក និងទ្រព្យសម្បត្តិ៖ ជាការពិតណាស់ខណៈពេលដែលអ្នកប្រឹងប្រែងយ៉ាងស្វាហាប់ ក្នុងការរកប្រាក់ចំណូលជារៀងរាល់ថ្ងៃនេះ តើអ្នកមានដែលគិតអំពីការសន្សំប្រាក់សម្រាប់ស្ថានភាពបន្ទាន់ដែរឬទេ? ការសន្សំប្រាក់សម្រាប់ស្ថានភាពបន្ទាន់គឺជារឿងដែរសំខាន់ព្រោះថា ជីវិតមនុស្សយើងម្នាក់ៗមិនអាចដឹងមុនទេថានិងជួបរឿងអ្វីខ្លះទៀតនៅពេលខាងមុខ ហេតុនេះហើយអ្នកគួរតែមានប្រាក់សន្សំ សម្រាប់ធានារ៉ាប់រងអាយុជីវិត និងសុខភាព។
៣) បង្កើតទ្រព្យសម្បត្តិរបស់អ្នកទៅលើការវិនិយោគ៖ ការដែលអ្នកទទួលបានប្រាក់ចំណូលពីការធ្វើការ ហើយនោះ អ្នកក៏បានលៃលកទុកដាក់វាសម្រាប់សន្សំផងដែរ ហើយប្រសិនបើមានឱកាសណាមួយដែរវាសមល្មមដែលអ្នកបានឃើញមុខជំនួញដែរអ្នកគិតថា វានិងផ្តល់ឲ្យអ្នកនូវប្រាក់ចំណូលកើនទ្វេដងអ្នកគួរតែហ៊ានវិនិយោគទៅវា ។
ប្រែសម្រួលដោយ៖ អ៊ុន ស្រីនាង
