បុគ្គលល្បីៗ៨ រូបឲ្យនិយមន័យ «ភាពជោគជ័យ» ខ្លីៗតែខ្លឹម!
មានលុយច្រើន ឬ អំណាចដែលអ្នកយល់ថា ទើបអ្នកជាមនុស្សជោគជ័យ? នេះអាចជាស្ថានភាពដែលអ្នកកំពុងជួបនៅក្នុងសង្គមនាពេលបច្ចុប្បន្ន។ ទោះបីជាប្រិយមិត្តយល់យ៉ាងណាក៏ដោយ និយមន័យ “ជោគជ័យ” នេះត្រូវបានបុគ្គលល្បីៗនៅលើពិភពលោកចំនួន ៨ រូប បានឲ្យនិយមន័យផ្សេងទៅវិញ ពោលគឺមិនមែនលុយ ឬ អំណាចបុណ្យស័ក្ដិអ្វីឡើយ។ តើនោះជាអ្វី?
១.មហាសេដ្ឋីអង់គ្លេស Richard Branson “សម្រាប់អ្នកផ្សេងអាចយល់ថា អ្នកជោគជ័យជាមនុស្សមានលុយច្រើន និ មានគេស្គាល់ច្រើន។ ចំពោះខ្ញុំវិញ ភាពជោគជ័យពិតប្រាកដ គឺវាស់ស្ទង់លើស្នាមញញឹមរបស់អ្នកថា តើរាស់ថ្ងៃជីវិតអ្នកសប្បាយចិត្តប៉ុណ្ណា?” ។
២.លោកស្រី Huffington ស្ថាបនិករួមគេហទំព័រ Huffington Post “ជោគជ័យវាមិនមែនទាល់តែមានលុយច្រើន ឬ អំណាចបុណ្យស័ក្ដិនោះទេ។ ខ្ញុំឲ្យនិយមន័យជោគជ័យនៅលើសសរស្ដម្ភទាំង៤គឺ ត្រូវមានសុខភាពឲ្យល្អ មានឧត្ដមគតិខ្ពស់ ចំណេះដឹង និងចេះចែករំលែកឲ្យអ្នកដទៃ”។
៣.មហាសេដ្ឋីអាមេរិក Mark Cuban “ចំពោះខ្ញុំ ពាក្យថា ជោគជ័យ គឺនៅពេលក្រោកពីព្រឹកហើយខ្ញុំញញឹម ដឹងថាថ្ងៃនេះជាថ្ងៃល្អបំផុត។ វាជាអារម្មណ៍មួយដែលថា ខ្ញុំសប្បាយចិត្ត ទោះបីជាខ្ញុំកំពុងក្រ ដេកលើកម្រាលឥដ្ឋ នៅជាមួយសមាជិកគ្រួសារច្រើននាក់ក្រោមដំបូលផ្ទះតូចចង្អៀតក៏ដោយ”។
.អតីតកីឡាបាល់បោះអាមេរិក John Wooden “ខ្ញុំមិនយកខ្លួនខ្ញុំទៅប្រៀបធៀបជាមួយនឹងអ្នកណាម្នាក់ឡើយ។ ខ្ញុំធ្វើអ្វី ដែលខ្ញុំពេញចិត្ត ខ្ញុំអាចសម្រេចបានក្តីស្រលាញ់ដែលខ្ញុំចង់បាន នេះហើយជាភាពជោគជ័យ”។
៥.មហាសេដ្ឋីអាមេរិក Warren Buffett “មនុស្សខ្ញុំជោគជ័យឬអត់មិនវាស់ស្ទង់លើទឹកលុយដ៏មហាសាលរបស់ខ្ញុំទេ។ ខ្ញុំជោគជ័យ គឺនៅពេលដែលខ្ញុំធ្វើឲ្យគេមករាប់អានស្រលាញ់ខ្ញុំកាន់តែច្រើនឡើង”។
៦.មហាសេដ្ឋីអាមេរិក Bill Gates “ក្រៅពីមានទំនាក់ទំនងល្អក្នុងសង្គម អ្នកត្រូវបន្សល់ទុកកេរ្តិ៍ឈ្មោះដល់កូនចៅជំនាន់ក្រោយ។ ខ្ញុំជោគជ័យ នៅពេលខ្ញុំជួយមនុស្សឲ្យបានកាន់តែច្រើន ”។
៧.លោកអតីតប្រធានាធិបតីអាមេរិក Barack Obama “ខ្ញុំធ្លាប់បានឃើញអ្នកជិតខាងនៅ ក្នុងសហគមន៍ខ្ញុំជួបការលំបាក។ ខ្ញុំសុខចិត្តទម្លាក់ចោលពីការងារមានប្រាក់ខែច្រើន មកជួយមនុស្សក្រីក្រទាំងនោះ។ ខ្ញុំចង់ឲ្យពួកគេមានជីវភាពធូរធារពេលនោះហើយដែលខ្ញុំសប្បាយចិត្តបំផុត"។
៨. មហាសេដ្ឋី John Paul DeJoria “ជោគជ័យមិនមែនមានន័យថា អ្នកត្រូវមានលុយច្រើនប៉ុណ្ណានោះទេ។ ជោគជ័យមិនមែនថា ទាល់តែអ្នកមានតំណែងធំ ប្រាក់ខែច្រើនអីនោះទេ។ ជោគជ័យគឺថា តើអ្នកអាចធ្វើការងារដែលអ្នកស្រលាញ់បានល្អកម្រិតណា? ”៕
ប្រភព៖ businessinsider
