តើអ្នកដឹងទេថា ប្រភេទស្នេហាបែបណាអាចបន្តគង់វង្សយូរអង្វែងហើយមានឥទ្ធិពលខ្លាំង?
តើធ្វើយ៉ាងណាទើបដឹងថា គូស្នេហ៍កំពុងស្រឡាញ់គ្នាអាចនៅបន្តបានយូរអង្វែងតទៀត? តើធ្វើម៉េចទើបដឹងថានេះជាស្នេហាពិតក្នុងជីវិតតែ១? អ្នកទាំងអស់គ្នាតែងតែមានមន្ទិលសង្ស័យចង់ដឹងរឿងរ៉ាវទាំងនេះ។ ដូច្នេះហើយ អ្នកទាំងអស់គ្នាគួរចំណាយពេលបន្តិចដើម្បីអានអត្ថបទខាងក្រោមនេះ ដើម្បីធ្វើជាគន្លឹះសម្រាប់គិតតទៀត៖
១) ស្នេហាដែលមិនដែលយកទោសពៃរ៍គ្នា៖ តើអ្នកមានដែលសង្កេតមើលទេ ថាតើដៃគូអ្នកតបតនឹងជម្លោះរាល់ដងយ៉ាងណាដែរ? ស្ងប់ស្ងាត់ , លួងលោម, សើច, បញ្ចេញយោបល់ល្អៗ, ឬក៏ទិញរបស់លួងចិត្ត? បើសិនជាគេជាមនុស្សដែលដោះស្រាយនិងសម្រួលបញ្ហាដោយសន្តិវិធីយ៉ាងរហ័ស នោះស្នេហាអ្នកពិតជាគង់វង្សហើយ។
២) ស្នេហាដែលទុកចិត្តគ្នាបំផុត៖ ការទុកចិត្តនរណាម្នាក់មិនមែនជារឿងងាយៗទេ។ លុះត្រាតែអ្នកស្គាល់គ្នា និងមើលចិត្តគ្នាច្បាស់សិន ទើបហ៊ានទុកចិត្តមិនសង្ស័យ។ ស្រឡាញ់គ្នាបានយូរលុះត្រាអ្នក ហ៊ាននិយាយការពិត និងមិនលាក់បាំងគ្នាមិនថាបញ្ហា មិនថាទុក្ខ។
៣) ចែករំលែកតម្លៃដល់គ្នា៖ តម្លៃមិនមែនត្រឹមតែជាទឹកប្រាក់ តែក៏ជាកិត្តិយស មិនថាធំមិនថាតូច វាក៏នៅតែជាតម្លៃរបស់មនុស្ស។ ដូចនេះតើដៃគូអ្នកតែងតែផ្ដល់តម្លៃដល់អ្នកជាប្រចាំដែរទេ? តើគេឈឺចាប់ជំនួសអ្នកឬអត់ ពេលអ្នកមិនត្រូវបានការផ្ដល់តម្លៃណាមួយសមរម្យនោះ ?
៤) គិតវិជ្ជមានលើអ្នករហូត៖ តើរកបានទេ មនុស្សដែលគិតតែល្អមកលើអ្នក? ជាការពិតណាស់ មនុស្សតែងមានកំហុស តែបើគេគិតថាវាមិនខុស វានឹងមិនខុសឡើយ។ កំហុសវាជាអ្នកបង្រៀនមនុស្ស ដូចនេះចាំបាច់អី យកវាដាក់ខ្លួនហើយធ្វើឲ្យស្នេហាក្ដៅក្រហាយទៅវិញនោះ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ lifehack.org
