ជំហានសំខាន់ៗ ៤យ៉ាងដើម្បីស្វែងរកគោលដៅក្នុងជីវិតរបស់អ្នក
ប្រភពរូបពី Pexels
ពិតណាស់មានមនុស្សជាច្រើនដែលកំពុងតែជួបបញ្ហាក្នុងការស្វែងរកគោលដៅក្នុងជីវិតរបស់ពួកគេ ដោយពួកគេមិនដឹងនិងមិនយល់ថាតើអ្វីទៅជាគោលបំណងក្នុងជីវិតរបស់ពួកគេនោះឡើយ ព្រោះថាការរស់នៅដ៏មានតម្លៃប្រកបទៅដោយសេចក្តីថ្លៃថ្នូរនិងសមជាមនុស្ស មនុស្សយើងម្នាក់ៗតែងតែរស់នៅភ្ជាប់ជាមួយនិងគោលបំណងនៃជីវិត។
ហេតុនេះហើយអត្ថបទខាងក្រោមនេះនិងធ្វើការជួយបង្ហាញផ្លូវដល់អ្នកនៅ ៤ជំហានសំខាន់ៗ ដើម្បីជួយឲ្យអ្នកស្វែងរកងគោលបំណងជីវិតរបស់អ្នកបានយ៉ាងងាយស្រួល៖
ជំហានទី១"ស្វែងរកអ្វីដែលធ្វើឲ្យមានការជំរុញចិត្តដល់អ្នក"
ពិតណាស់មនុស្សម្នាក់ៗកើតមកតែងតែជួបប្រទះនូវបទពិសោធន៍ជីវិតខុសៗគ្នា។តើអ្នកធ្លាប់រងការឈឺចាប់ អយុត្តិធម៌ឬមិនសប្បាយចិត្តដោយសារអ្វីមួយដែរឬទេ? តើអ្នកធ្លាប់ទទួលការប៉ះទង្គិចនឹងរឿងអស់នោះខ្លាំងរហូតដល់វាជាកត្តាដែលជំរុញអ្នកដែរឬទេ? ជារឿយៗគោលបំណងដ៏មានឥទ្ធិពលមួយអាចមកពីការឈឺចាប់ដ៏ខ្លាំង។ឧទាហរណ៍៖ អ្នកកើតមកក្នុងគ្រួសារក្រីក្រលំបាកមួយដែលស្ថានភាពគ្រួសាររបស់អ្នកមានភាពលំបាកខ្វះខាតច្រើន។ មានមនុស្សជាច្រើនដែលបានមើលងាយគ្រួសាររបស់អ្នកដោយសារតែគ្រួសាររបស់អ្នកក្រីក្រ។ ពាក្យសម្ដីគ្រប់ម៉ាត់របស់ពួកគេបានធ្វើឲ្យអ្នកទទួលបានមកនូវការឈឺចាប់ និងបានជះឥទ្ធិពលយ៉ាងខ្លាំងដល់អារម្មណ៍អ្នក។ ប៉ុន្តែទាំងអស់នេះហើយដែលជាគ្រឿងជំរុញឲ្យអ្នកមានការខិតខំប្រឹងប្រែង រៀនសូត្រដើម្បីទទួលបានការងារល្អនិងជៀសឲ្យផុតពីភាពក្រីក្រនិងការមើលងាយពីអ្នកដទៃ។
ជំហានទី២"ស្វែងយល់ពីអ្វីដែលជួយអ្នក"
ពិតណាស់បន្ទាប់ពីអ្នកស្វែងរកអ្វីដែលធ្វើឲ្យមានការជំរុញចិត្តដល់អ្នកហើយជំហានបន្ទាប់ទៀតគឺអ្នកស្វែងយល់ពីអ្វីដែលអាចជួយអ្នកបានក្នុងការសម្រេចគោលដៅ។ អ្នកត្រូវរៀនសង្កេតមើលខ្លួនឯងថាតើអ្នកមានមាននិស្ស័យចូលចិត្តចូលចិត្តធ្វើអ្វី ឬមានភាពប៉ិនប្រសព្វទៅលើអ្វីឬមានសមត្ថភាពជំនាញខាងអ្វី។ កត្តាទាំងអស់នេះដែលអាចជួយអ្នកបានពីការស្វែងរកគោលបំណងក្នុងជីវិតរបស់អ្នក។
ជំហានទី៣"ស្វែងរកអ្នកដែលអ្នកចង់ធ្វើការលះបង់និងជួយ"
ដើម្បីស្វែងរកគោលបំណងជីវិតរបស់អ្នកសូមសួរខ្លួនឯងថាតើអ្នកចង់ជួយអ្នកណា? មានវិធីជាច្រើនដើម្បីដោះស្រាយបញ្ហាហើយវាអាស្រ័យលើអ្នកដើម្បីរកឱ្យឃើញថាអ្នកណាដែលអ្នកចង់ជួយ និងការខិតខំប្រឹងទាំងឡាយដើម្បី។ ពិតណាស់ប្រសិនបើអ្នករកមើលឃើញមនុស្សមនុស្សដែលអ្នកចង់ជួយ ហើយវាហាក់បីជាអ្នកអាចរកឃើញគោលបំណងរបស់អ្នកបានយ៉ាងងាយស្រួល។
ជំហានទី៤"ស្វែងយល់ពីរបៀបដែលអ្នកចង់ជួយ"
សួរខ្លួនឯងថាតើអ្នកចូលចិត្តធ្វើអ្វី? ហើយតើអ្នកអនុវត្តចំណង់ចំណូលចិត្តនេះយ៉ាងដូចម្តេចទៅនឹងគោលបំណងរបស់អ្នក? ដើម្បីស្វែងរកគោលបំណងរបស់អ្នកអ្នកត្រូវរកវិធីដែលអ្នកអាចប្រើចំណង់ចំណូលចិត្តនិងជំនាញរបស់អ្នកឲ្យបានល្អបំផុតដើម្បីសម្រេចបាននូវគោលដៅតែមួយគត់របស់អ្នកនិងដោះស្រាយបញ្ហាតែមួយគត់របស់អ្នកបានយ៉ាងពេញចិត្ត៕
ប្រែសម្រួលដោយ៖ អ៊ុន ស្រីនាង
