កម្រង​សម្ដី​ចំនួន ​១០​ឃ្លា ដែល​ធ្វើឲ្យ​អ្នក​រិះគិត​ស៊ីជម្រៅ​អំពី​ជីវិត​



នៅ​ក្នុង​ជីវិត​យើង មាន​ពេល​ខ្លះ​យើង​ស្រាប់តែ​បាន​ជួប​ជាមួយ​នឹង​ពាក្យ​សម្ដី​ដែល​មាន​តម្លៃ​មួយ​ម៉ាត់ ដែល​អាច​ជួយ​ដោះស្រាយ​បញ្ហា​ស្មុគស្មាញ​នៅ​ក្នុង​ជីវិត​របស់​យើង ឬ​បាន​ធ្វើឲ្យ​ជីវិត​យើង​ផ្លាស់ប្ដូរ​ទាំងស្រុង​ទៀត​ផង។ ខាងក្រោម​នេះ​គឺជា​សម្រង់​សម្ដី​ចំនួន​ ១០​ឃ្លា ដែល​ធ្វើឲ្យ​អ្នក​រិះគិត​ស៊ីជម្រៅ​អំពី​ជីវិត​អ្នក៖

១) «ការ​ប្រកាន់​យក​នូវ​កំហឹង​ប្រៀប​ដូច​ជា​ការ​ចាប់​កាន់​ធ្យូង​ភ្លើង​ដ៏​ក្ដៅ​មួយ​ជាមួយ​នឹង​គោលបំណង​គប់​ដាក់​ទៅ​អ្នកដទៃ តែ​គឺ​អ្នក​ខ្លួនឯង​នេះ​ហើយ​ដែល​ជា​អ្នក​រលាក។» ព្រះពុទ្ធ

២) «នៅ​ពេល​ដែល​អ្នក​ចេះ​តែ​គិត​អំពី​អ្នកដទៃ និង​អ្វី​ដែល​ពួកគេ​គិត​បែប​ណា​ចំពោះ​អ្នក មាន​អារម្មណ៍​បែប​ណា​ចំពោះ​អ្នក និង​រំពឹង​បែប​ណា​ចំពោះ​អ្នក នោះ​អ្នក​នឹង​វិលវល់​នៅ​ក្នុង​វដ្ដ​មួយ​ដែល​អ្នក​ព្យាយាម​ធ្វើ​យ៉ាងណា​ដើម្បី​ឲ្យ​គេ​ពេញចិត្ត​អ្នក។ អ្នក​ឃើញ​ខ្លួនឯង​នៅ​ក្នុង​កែវ​ភ្នែក​ពួកគេ ហើយ​អ្នក​នឹង​ភ្លេច​ថា​ខ្លួនឯង​ជា​នរណា។» Michael Soll

៣) «ស្រឡាញ់​អ្នកដទៃ ដូច្នេះ​ហើយ​ពួកគេ​នឹង​មាន​អារម្មណ៍​ល្អ​ប្រសើរ​ជាង​មុន ហើយ​អ្នក​នឹង​មើល​ឃើញ​ខ្លួនឯង​នៅ​ក្នុង​កែវ​ភ្នែក​របស់​ពួកគេ។» Debasish Mridha

៤) «មនុស្ស​យើង​ម្នាក់ៗ​សុទ្ធតែ​ត្រូវ​បាន​ប្រទាន​ពរ​ទៅ​តាម​លក្ខណៈ​ពិសេស​រៀងៗ​ខ្លួន​និង​លក្ខណៈ​សំខាន់​រៀងៗ​ខ្លួន។ វា​គឺជា​សិទ្ធិ​របស់​យើង​ហើយ​ក៏​ជា​ការ​ផ្សងព្រេង​របស់​យើង​ដើម្បី​ស្វែងរក​ពន្លឺ​ដ៏​ពិសេស​របស់​ខ្លួនឯង។» Mary Dunbar

៥) «ភាព​ស្រស់​ស្អាត​គឺជា​ការ​ធ្វើ​ជា​ខ្លួនឯង។ អ្នក​មិន​ចាំបាច់​ត្រូវការ​ការ​ទទួល​ស្គាល់​ពី​អ្នកដទៃ​នោះ​ទេ។ អ្នក​ត្រូវ​ទទួល​ស្គាល់​ខ្លួនឯង។» Thich Nhat Hanh

៦) «មនុស្ស​គ្រប់​គ្នា​សុទ្ធតែ​គិត​ថា​អ្នក​បាន​សាង​កំហុស​ជាច្រើន​កាល​នៅ​ក្មេង។ ប៉ុន្តែ​ខ្ញុំ​មិន​គិត​ថា​ពួក​យើង​សាង​កំហុស​តិច​ជាង​មុន​អ្វី​នោះ​ឡើយ​នៅ​ពេល​ពួក​យើង​ធំ​ទៅ។» Jodi Picoult

៧) «មនុស្ស​ភាគច្រើន​មិន​បាន​ចម្រើន​គំនិត​នោះ​ទេ។ មនុស្ស​ភាគច្រើន​គ្រាន់តែ​ចម្រើន​វ័យ​ប៉ុណ្ណោះ។ ពួកគេ​រក​ឃើញ​កន្លែង​ចត​ឡាន​របស់​ពួកគេ មាន​មោទនភាព​ចំពោះ​កាត​ឥណទាន​របស់​ពួកគេ រៀបការ និង​មាន​កូន ហើយ​ពួកគេ​ហៅ​បែប​នេះ​ថា​ជា​ភាព​ចាស់ទុំ។ តាម​ពិត​វា​គ្រាន់តែ​ជា​ការ​ចម្រើន​វ័យ​ប៉ុណ្ណោះ។» Maya Angelou

៨) «ខណៈ​ពេល​ដ៏​សំខាន់​បំផុត​នៅ​ក្នុង​ដំណើរការ​នៃ​ការ​ចម្រើន​គំនិត គឺជា​ពេល​ដែល​អ្នក​រក​ឃើញ​នូវ​ស្នូល​នៃ​ភាព​ខ្លាំងក្លា​នៅ​ក្នុង​ខ្លួន​អ្នក​ដែល​អាច​ទ្រាំទ្រ​បាន​ជាមួយ​រាល់​ការ​ឈឺចាប់​ទាំងអស់។» Max Lerner 

៩) «ខួរក្បាល​ទូលំទូលាយ​ជាង​មេឃ​ទៅ​ទៀត។» Emily Dickinson

១០) «អ្នក​មាន​សេរីភាព​ក្នុង​ការ​ជ្រើសរើស​តែ​មិន​មាន​សេរីភាព​ក្នុង​ការ​រត់​គេច​ពី​លទ្ធផល​ដែល​ចេញ​ពី​ការ​ជ្រើសរើស​របស់​អ្នក​នោះ​ឡើយ។» អនាមិក

ដោយ​៖ ស្រីពៅ

X
5s