ទស្សនៈទានខ្លីៗទាក់ទងនឹង «វិបត្តិ»
វិបត្តិប្រៀបដូចជាស្រមោលអន្ទោលតាមប្រាណ គ្មានអ្នកណាម្នាក់អាចគេចវេសពីវាបានឡើយ។ ប៉ុន្តែយើងអាចស្វែងយល់ពីវា ឬ ប្រើវាដើម្បីកែប្រែខ្សែរជីវិតរបស់យើងឲ្យប្រសើរឡើងបាន ជំនួសអោយការដែលត្រូវមករងទុក្ខវេទនាដោយសារតែវិបត្តិ។ ខាងក្រោមនេះគឺជា សម្រង់ទស្សនៈទានខ្លីៗ ស្តីអំពី “វិបត្តិ” ដែលផ្លាស់ប្តូរការយល់ឃើញរបស់អ្នកចំពោះវាបាន៖
- “វិបត្តិទាំងអស់សុទ្ធតែជារឿងល្អ ព្រោះវាដាស់អ្នកឲ្យភ្ញាក់ដឹងខ្លួនឡើង។” Ryan Reynolds
- “គ្រប់វិបត្តិសុទ្ធជាឱកាស។” Maxwell Maltz
- “ក្នុងវិបត្តិ យ៉ាងហោចណាស់ក៏មានគុណសម្បត្តិម៉្យាងនៅក្នុងនោះដែរ គឺវាធ្វើឲ្យយើងបានគិតពិចារណា។” Jawaharlal Nehru
- “វិបត្តិ គឺជាផ្នែកមួយនៃជីវិត។ គ្មានជីវិតណាមួយ ដែលគ្មានវិបត្តិនោះទេ។” Jack Nicklaus
- “វិបត្តិ ប្រៀបដូចជាថ្នាំព្យាបាលរបួសអីចឹង វាធ្វើឲ្យអ្នកឈឺចាប់ តែវាព្យាបាលមុខរបួសរបស់អ្នកឲ្យជាសះស្បើយ។” Bryant McGill
- “កុំចាំទាល់តែមានវិបត្តិកើតឡើង ទើបនឹកឃើញរកវិធីទប់ស្កាត់។” Phil McGraw
- “ប្រវត្តិសាស្រ្តរំលឹកពីជនផ្ដាច់ការងើបឡើងក្នុងកំឡុងពេលដែលមានវិបត្តិសេដ្ឋកិច្ចធ្ងន់ធ្ងរ។” Robert Kiyosaki
- “មិនបាច់រត់ពួនវិបត្តិទេ គ្មានអ្នកណាពួនវាជិតឡើយ។” Bear Bryant
- “តាមពិតទៅ កាន់តែជួបវិបត្តិសេដ្ឋកិច្ច កាន់តែមិនសូវពិបាកលើកទឹកចិត្តបុគ្គលិកវិញ ព្រោះ ពួកគេនឹងកាន់តែគិតគូរពីវិបត្តិសេដ្ឋកិច្ចផ្ទាល់ខ្លួនរបស់ពួកគេ។” Reid Hoffman
- “គ្រប់វិបត្តិទាំងឡាយ តែងតែធ្វើឲ្យអ្នកប្រសើរឡើងជាងមុនជានិច្ច ទាំងផ្នែកគុណធម៌ ភាពក្លាហាន ការយល់ដឹង និង សេចក្តីស្រលាញ់។” Amit Ray
- “កាលពីមុនយើងមានជម្រើសពីរដើម្បីឆ្លើយតបនឹងវិបត្តិ៖ ប្រឈមមុខ ឬគេចវេស។ ប៉ុន្តែសម័យកាលនេះ យើងមានជម្រើសទីបីមួយទៀតគឺប្រឈមមុខ គេចវេស ឬក៏សើចសប្បាយ។” Robert Orben
- “ការបាត់បង់សតិពេលដែលជួបវិបត្តិ ជាការធ្វើឲ្យខ្លួនឯងក្លាយទៅជាវិបត្តិ។” Redwine
- “ពេលខ្លះអ្នកត្រូវជួបវិបត្តិសិន ទើបអ្នកអាចស្គាល់ពីខ្លួនឯង ស្គាល់ពីអ្វីដែលអ្នកចង់បានពិត ប្រាកដក្នុងជីវិត” Jodi Picoult ៕
អត្ថបទទាក់ទង៖ កម្រងសម្ដីដកស្រង់ចំនួន១០ឃ្លា ដែលអាចពញ្ញាក់ស្មារតីទៅលើការយល់ឃើញរបស់អ្នកចំពោះជីវិត
ដោយ៖ ជា ឧត្តម្ភ
