អត្រាសម្លាប់ខ្លួននៅសហរដ្ឋអាមេរិកកើន ៣៥%ចាប់ពីឆ្នាំ១៩៩៩មក
អត្រាធ្វើអត្តឃាតនៅសហរដ្ឋអាមេរិកបន្តកើនឡើងយ៉ាងគំហុក ពោលគឺ ប្រមាណ ៣៥%ក្នុងរយៈពេល ពីរ ទសវត្សរ៍គិតចាប់ពីឆ្នាំ១៩៩៩ ដល់ឆ្នាំ២០១៨។ នេះបើយោងតាមរបាយការណ៍សង្ខេបចេញផ្សាយដោយមជ្ឈមណ្ឌលជាតិស្ថិតិសុខាភិបាលរបស់សហរដ្ឋអាមេរិកកាលពីថ្ងៃពុធ ម្សិលមិញ។
របាយការណ៍ដែលត្រូវបានដកស្រង់យកមកចុះផ្សាយដោយសារព័ត៌មាន CNN បានឱ្យដឹងថា អត្រាសម្លាប់ខ្លួននៅអាមេរិកមានប្រមាណ ១០,៥ករណីក្នុងចំណោមមនុស្ស ១សែននាក់ កើនដល់ ១៤,២ករណីក្នុងចំណោម ១សែននាក់នៅឆ្នាំ២០១៨។
អត្ថបទទាក់ទង៖
- តើប្រមុខរាជរដ្ឋាភិបាលជួបសន្ទនាអ្វីខ្លះតាមទូរស័ព្ទជាមួយរដ្ឋមន្ត្រីការបរទេសអាមេរិកព្រឹកនេះ?
-
ផលិតផលវៀតណាម កំពុងអង្រួនចិត្តនិងទទួលបានការពេញនិយមនៅសហរដ្ឋអាមេរិក
ដោយឡែក រវាងបុរស និងស្ត្រី ឬ ក្មេងប្រុស និងក្មេងស្រី បុរសមានអត្រាខ្ពស់ជាងគេពោលគឺ ខ្ពស់ជាងស្ត្រី ប្រមាណពី ៣,៥ ដង ទៅដល់ ៤,៥ដងក្នុងរយៈពេល២០ឆ្នាំចុងក្រោយនេះ ហើយតំបន់មានចំនួនធ្វើអត្តឃាដខ្ពស់គឺនៅទីជនបទដាច់ស្រយាល៕
ដោយ៖ រតនៈវិភូ
ប្រភព៖ CNN
