នាយកដ្ឋានប្រយុទ្ធនឹងជំងឺឆ្លង បង្ហើបមួយក្បាច់ដើម្បីសម្គាល់អាល់កុលឬជេលសុទ្ធឬអត់
នាយកដ្ឋានប្រយុទ្ធនឹងជំងឺឆ្លងកម្ពុជា CDC បានបង្ហើបគន្លឹះដ៏ងាយស្រួលមួយក្បាច់ដើម្បីសម្គាល់ថា តើអាល់អុល ឬជេលនោះសុទ្ធល្អ ឬមិនសុទ្ធល្អ។
វិធីដ៏ងាយស្រួលនោះ លោកអ្នកគ្រាន់តែមើលទៅលើសម្បកដប ប្រសិនបើមានការទទួលស្គាល់ពីក្រសួងនោះ នឹងមានផ្ទាំងអក្សរ ដែលមានបិទឈ្មោះក្រុមហ៊ុន និងមានលេខសម្គាល់ដូចមានបង្ហាញរូបខាងលើស្រាប់ (សូមពិនិត្យមើលរូប)។
តាមរយៈសេចក្តីជូនដំណឹងកាលពីថ្ងៃទី១៧ ខែមេសា ឆ្នាំ២០២០ កន្លងទៅថ្មីៗនេះ ក្រសួងពាណិជ្ជកម្ម បានឱ្យដឹងថា កន្លងមកអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) នៃក្រសួងពាណិជ្ជកម្ម បានសហការជាមួយស្ថាប័នពាក់ព័ន្ធចុះត្រួតពិនិត្យគុណភាព អាល់កុលលាងសម្អាតដៃ ដែលកំពុងតែចរាចរ និងចែកចាយនៅទីផ្សារ និងនៅតាមទីកន្លែងផ្សេងៗទៀត បានរកឃើញមានការលួចបន្លំប្រើប្រាស់នូវសារធាតុមេតាណុល យកមកធ្វើអាល់កុលលាងសម្អាតដៃ សរហូតជាង ៨០តោន៕
ដោយ៖ រតនៈវិភូ
