ពីខែមករា ដល់ថ្ងៃទី១៩ មេសា ២០២០៖ កម្ពុជាធ្វើវិភាគវត្ថុសំណាកសរុប ៩៧៩២
សេចក្ដីប្រកាសព័ត៌មានរបស់ក្រសួងសុខាភិបាលថ្ងៃនេះ ឱ្យដឹងថា ចាប់តាំងពីខែមករា ឆ្នាំ២០២០ ដល់ថ្ងៃទី១៩ ខែមេសា ឆ្នាំ២០២០ កម្ពុជាបានធ្វើវិភាគវត្ថុសំណាកសរុបចំនួន ៩៧៩២ករណីខណៈបច្ចុប្បន្នភាពកាលពីថ្ងៃចន្ទ សប្ដាហ៍មុនមាន ៨៩០៩វត្ថុសំណាក។
បើគិតជាមធ្យមក្នុង ១លាននាក់ កម្ពុជាបានធ្វើវិភាគវត្ថុសំណាក ៦១២។ បើតាមប្រភពដដែល ចំនួនវត្ថុសំណាកក្នុង១លាននាក់សម្រាប់កម្ពុជា គឺស្ថិតនៅលើបណ្ដាប្រទេសផ្សេងទៀតដូចជា ហ្វីលីពីន ៥១១សំណាក/លាននាក់ ឡាវ ១៨១សំណាក/លាននាក់ ឥណ្ឌូណេស៊ី ១៤៤សំណាក/លាននាក់ និងភូមា ៧៦សំណាក/លាននាក់៕
ដោយ៖ វីរៈស័ក្ដិ
