លោក Bill Gates ថា វ៉ាក់សាំងការពារជំងឺកូវីដ ១៩ នឹងអាចផលិតបានដោយប្រើពេលប៉ុណ្ណេះ!
«ប្រសិនបើអ្វីៗអាចដំណើរការបានល្អ យើងអាចផលិតវ៉ាក់សាំងបានដោយប្រើពេល១ឆ្នាំប៉ុណ្ណោះ តែបើយូរគឺពីរឆ្នាំ»។ នេះជាប្រសាសន៍របស់លោក Bill Gates ដែលត្រូវបានដកស្រង់ចេញផ្សាយដោយសារព័ត៌មាន Bloomberg។
យ៉ាងណាមិញ បុរសមានបំផុតលំដាប់ទី ២ នៅលើពិភពលោករូបនេះក៏បានបញ្ជាក់បន្ថែមថា ការផលិតវ៉ាក់សាំងប្រហែលជាមិនចាប់ផ្តើមនៅខែកញ្ញាដូចអ្នកខ្លះបាននិយាយនោះទេ។
ចំណែកឯលោកវេជ្ជបណ្ឌិត Anthony Fauci នាយកវិទ្យាស្ថានជាតិអាឡែរហ្សី និងជំងឺឆ្លង និងជាសមាជិកនៃក្រុមការពារជំងឺឆ្លងវីរុសសេតវិមានក៏មានគំនិតស្របគ្នាក្នុងការនិយាយរយៈពេល ១៨ខែ ដើម្បីបង្កើតការរំពឹងទុកដែលនេះវាមិនខ្ពស់ពេកទេ។
មហាសេដ្ឋីរូបនេះបានបញ្ជាក់ថា ការផ្តោតលើចំនួនតេស្តនេះ បង្ហាញពីភាពស៊ីជម្រៅ និងកំហុសដែលកើតមាននៅក្នុងប្រព័ន្ធតេស្ត ហើយរាល់ពេលដែលនរណាម្នាក់មិនទទួលបានលទ្ធផលតិចជាង ២៤ម៉ោង នោះតម្លៃនៃការធ្វើតេស្តនឹងត្រូវបានកាត់បន្ថយយ៉ាងខ្លាំង និងរយៈពេលក៏ត្រូវពន្យាផងដែរ។
គិតមកត្រឹមព្រឹកថ្ងៃទី ២៧ ខែមេសានេះ ចំនួនអ្នកឆ្លងក៏ដូចជាអ្នកស្លាប់ និងអ្នកជាសះស្បើយផងនោះមានចំនួនសរុប ២ ៩៩៥ ០៥៦ នាក់ហើយនៅទូទាំងពិភពលោក។ គ្នុងនោះអាមេរិកមានចំនួនអ្នកឆ្លង និងស្លាប់ច្រើនជាងគេដែលមកដល់ពេលនេះ មានពលរដ្ឋរបស់ខ្លួនជាង ៥៥ ០០០ ពាន់នាក់បានស្លាប់៕
ដោយ៖ Anthony
