សៀវភៅ​ ១០ ក្បាលជូនចំពោះអ្នកដែលមានបំណងប្រាថ្នាចង់ក្លាយជាមហាសេដ្ឋី​



អ្នកមានក្តីសុបិន និងគោលដៅធំ ហើយអ្នកប្រាថ្នាចង់ក្លាយជាសហគ្រិនជោគជ័យ​ អ្នកគ្រប់គ្រងអាជីវកម្ម និងបានចូលជាសមាជិកក្លឹបមហាសេដ្ឋី។​ ប៉ុន្តែអ្នកដឹងពីរបៀបក្លាយជាមហាសេដ្ឋីទេ? ដំបូន្មានល្អបំផុតដែលមនុស្សគ្រប់គ្នាអាចផ្តល់ឲ្យអ្នកដើម្បីធ្វើឲ្យគំនិតរបស់អ្នករីកចម្រើននោះគឺតាមរយៈការអាន។​

អ្នកត្រូវបណ្ដុះគំនិតប្រកបដោយជោគជ័យ​ និងរៀនពីរបៀបដើម្បីអភិវឌ្ឍផលិតផលត្រឹមត្រូវនៅក្នុងទីផ្សារត្រឹមត្រូវ។ ប្រសិនបើអ្នកយកចិត្តទុកដាក់ខ្ពស់ក្នុងការក្លាយជាសេដ្ឋីអ្នកត្រូវតែឆ្លាតក្នុងការវិនិយោគប្រាក់របស់អ្នក និងធ្វើការសម្រេចចិត្តហិរញ្ញវត្ថុឲ្យបា​នល្អ។ អ្នកត្រូវតែដឹងពីរបៀបដើម្បីទទួលបានអំណាច និងនាំខ្លួនឯងទៅលើពិភពជំនួញ។

ខាងក្រោមនេះជាបញ្ជីសៀវភៅទាំង ១០​ ក្បាលដែលផ្តល់ឲ្យអ្នកនូវចំណេះដឹង​ ហើយមានន័យថាធ្វើឲ្យក្លាយជាមហាសេដ្ឋីជោគជ័យម្នាក់៖

១) Principles និពន្ធដោយលោក Ray Dalio
គោលការណ៍នៃសៀវភៅនេះពន្យល់ពីវិធីរៀបចំជីវិតរបស់អ្នកជុំវិញគោលការណ៍រឹងមាំអាចធ្វើឲ្យដំណើរការនៃការសម្រេចចិត្តរបស់អ្នកមានភាពសាមញ្ញា និងធ្វើអ្វីដែលអ្នកមិននឹកស្មានដល់។ វាក៏បានផ្តល់ឲ្យអ្នកនូវឧបករណ៍ដើម្បីវិភាគ និងទទួលបានជោគជ័យ ជាពិសេសអនុញ្ញាតឲ្យអ្នករស់នៅក្នុងជីវិតដែលល្អបំផុត។

២)​ Money: Master the Game និពន្ធដោយលោក Tony Robbins
នេះជាសៀវភៅដែលមនុស្សគ្រប់គ្នាគួរអាន ឬក៏អ្នកដែលចង់ឲ្យលុយធ្វើការឲ្យពួកគេ និងសម្រេចនូវសេរីភាពផ្នែកហិរញ្ញវត្ថុពិតៗ។ របៀបដែលលុយនឹងដើរតាមជំហានចាំបាច់របស់អ្នក ដែលលោក Tony នឹងបង្ហាញពីមេរៀនមួយយ៉ាងលម្អិតអំពី សេរីភាពហិរញ្ញវត្ថុ។

៣) Thinking, Fast and Slow និពន្ធដោយលោក Daniel Kahneman
សៀវភៅ “Thinking, Fast and slow” របស់លោក​ Daniel Kahneman នេះបានឈ្នះរង្វាន់ណូបែល បង្ហាញពីភាពងាយស្រួលសម្រាប់មនុស្សក្នុងការឃ្លាតឆ្ងាយពីមិនពិត។​ ការពិតគឺថាមានភាពលំអៀងជាច្រើន ហើយនេះមានសារៈសំខាន់ជាពិសេសសម្រាប់សហគ្រិនដែលត្រូវដឹង ព្រោះយើងមានទំនោរចង់មើលឃើញតែអ្វីពីទស្សនៈផ្ទាល់ខ្លួន។

៤) Secrets of the Millionaire Mind និពន្ធដោយលោក T. Harv Eker
សៀវភៅនេះចង់ផ្តោតទៅលើផែនការហិរញ្ញវត្ថុដែលមាននៅក្នុងគំនិតមហាសេដ្ឋី ដែលតម្រូវឲ្យអ្នកកំណត់សម្រាប់ភាពជោគជ័យ ឬគំរូនៃការគិតរបស់អ្នកទាក់ទងជាមួយនឹងប្រាក់។​ អាថ៌កំបាំងនៃគំនិតមហាសេដ្ឋីគឺមើលពីរបៀបដែលទំនាក់ទំនងរបស់អ្នកជាមួយលុយត្រូវបានកំណត់ដោយគំរូដែលបានឆ្លុះបញ្ចាំងនៅក្នុងខ្លួនអ្នក។ ហើយឪពុកម្តាយរបស់អ្នកគឺជាគំរូដំបូងរបស់អ្នកនៅពេលនិយាយអំពីការគ្រប់គ្រងហិរញ្ញវត្ថុ។

៥)​ The Intelligent Investor និពន្ធដោយលោក Benjamin Graham
The Intelligent Investor” នឹងផ្តល់ឲ្យអ្នកនូវការយល់ដឹងដ៏រឹងមាំអំពីទ្រឹស្តីហិរញ្ញវត្ថុនាពេលបច្ចុប្បន្ន ដូច្នេះអ្នកអាចវិនិយោគដោយឈ្លាសវៃដោយគ្មានហានិភ័យនៃការបាត់បង់វាទាំងអស់។ លោក Warren Buffett បាននិយាយថាសៀវភៅនេះមានឥទ្ធិពលលើជីវិតអាជីពរបស់គាត់។ លោក Benjamin Graham បានគូសបញ្ជាក់នូវវិធីសាស្រ្តចំពោះការវិនិយោគរយៈពេលវែង និងគ្មានហានិភ័យនៅក្នុងទីផ្សារភាគហ៊ុនក្នុងឆ្នាំ ១៩៤៩ ប៉ុន្តែគំនិតនៅតែមានសុពលភាពនៅក្នុងពិភពវិនិយោគសព្វថ្ងៃ។ វិនិយោគិនវៃឆ្លាតគឺប្រើការវិភាគយ៉ាងហ្មត់ចត់ដើម្បីពិនិត្យមើលគុណតម្លៃនៃក្រុមហ៊ុន។

៦) Blue Ocean Shift និពន្ធដោយលោក Chan Kim និងលោកស្រី Renee Mauborgne
Blue Ocean Shift” ផ្តល់ជូនអ្នកនូវយុទ្ធសាស្រ្តរុករកទីផ្សារដោយបើកចំហដែលមានការប្រកួតប្រជែង ហើយវានឹងអនុញ្ញាតឲ្យអ្នកស្វែងរកទីផ្សារដែលថ្មីគ្មានការប្រកួតប្រជែងផងដែរ។ ជាពិសេសបង្រៀនអ្នកអំពីឧបករណ៍បង្កើតទីផ្សារដែលនឹងជួយអ្នកសម្រួលដល់ផ្លាស់ប្តូរមហាសមុទ្រពណ៌ខៀវដោយខ្លូនឯង។

៧) The Millionaire Fastlane និពន្ធដោយលោក M.J. DeMarco
មនុស្សភាគច្រើនមិនងាយក្លាយជាម​ហាសេដ្ឋីទេ ពីព្រោះផ្លូវហា​ក់ទៅរកទ្រព្យសម្បត្តិទាំងនោះហាក់មិនធម្ម​តាទេ។ ប្រសិនបើអ្នកមានអារម្មណ៍ថាអ្នកកំពុងខ្ជះខ្ជាយពេលវេលានៅកន្លែងការងារដែលអ្នកស្អប់ សុបិន្តបង្កើតសហគ្រាសផ្ទាល់ខ្លួន ឬចង់ក្លាយជាសេដ្ឋីតែមិនដឹងថាត្រូវចាប់ផ្តើមនៅកន្លែងណាទេនោះ។ ដូច្នេះសៀវភៅ “The Millionaire Fastlane” នេះគឺសម្រាប់អ្នកហើយ។ បញ្ហាធំបំផុតមួយនៃការបង្កើតទ្រព្យសម្បត្តិគឺការខកខានមិនបានគ្រោងទុកជាមុន។ ទោះបីជាអ្នករកបានប្រាក់ចំណូលគួរឲ្យចាប់អារម្មណ៍ក៏ដោយ ប្រសិនបើអ្នកឧស្សាហ៍ចំណា​យទៅលើអាហារពេលល្ងាចថ្លៃៗ និងឡានទំនើបនោះប្រហែលវាជាឧបសគ្គសំខាន់មួយទៀតសម្រាប់អ្នកហើយ។

៨) The 48 Laws of Power និពន្ធដោយលោក Robert Greene
ច្បាប់អំណាចទាំ​ង​ ៤៨ នេះវាជាមូលដ្ឋានគ្រឹះនៃអំណាច ជួយអ្នកឲ្យយល់ពីររបៀបដែលថាមពលដំណើរការ របៀបប្រើវាដើម្បីផលប្រយោជន៍របស់អ្នក និងរបៀបការពារខ្លួនអ្នកនៅពេលដែលអ្នកដទៃបើអំណាចប្រឆាំងនឹងអ្នក។

៩)​ The Little Book of Common Sense Investing  និពន្ធដោយលោក John C. Bogle
The Little Book Of Common Sense Investing” ផ្តោតទៅលើប្រសិទ្ធភាព និងវិធីសាមញ្ញដើម្បីឲ្យទ្រព្យសម្បត្តិរបស់អ្នកកើនតាម​ការវិនិយោគនៅក្នុងមូលនិធិសន្ទស្សន៍តម្លៃទាប។ ដោយលោក Bogle ជាស្ថាបនិកនៃក្រុមហ៊ុន Vanguard Group និងជាអ្នកបង្កើតមូលនិធិសន្ទស្សន៍ដំបូងគេនៅលើពិភពលោក។

១០) 10X Rule និពន្ធដោយលោក Grant Cardone
ប្រសិនបើអ្នកចង់ក្លាយជាសេដ្ឋី អ្នកនឹងត្រូវការផែនការច្បាស់លាស់ដើម្បីឡើងជណ្តើរជោគជ័យ។ វិធានការ ១០X ពន្យល់ពីវិធីដែលអ្នកណាម្នាក់អាចអនុវត្តវិធានការសាមញ្ញមួយដើម្បីត្រៀមខ្លួនសម្រាប់សមិទ្ធិផល និងជោគជ័យយូរអង្វែង។ គោលការណ៍ណែនាំនៅពីក្រោយច្បាប់នេះគឺអ្នកត្រូវវិនិយោគ ១០ ដងបន្ថែមទៀត និងឈានដល់ ១០ ដងបន្ថែមទៀតជាងអ្នកដទៃដើម្បីសម្រេចគោលដៅរបស់អ្នក ឬមានន័យថាធ្វើឲ្យលើសពីអ្នកដទៃ១០ដង។

ដោយ៖​ Anthony

X
5s