មើលអត្ថបទនេះទើបដឹងថា តើអ្វីទៅដែលអ្នកក្រគួររៀនសូត្រពីអ្នកមាន?
ទោះបីជាអ្នកមានកំពូលៗនៅលើពិភពលោកមានដើមកំណើតចេញមកពីប្រភពផ្សេងៗគ្នាក៏ពិតមែន ក៏ប៉ុន្តែការស្រាវជ្រាវបានបង្ហាញថា ពួកគេមានទម្លាប់ដូចគ្នាគួរឲ្យកត់សម្គាល់ដែលរួមចំណែកធ្វើឲ្យជីវិតរបស់ពួកគេខុសគ្នាខ្លាំងពីជីវិតអ្នកក្រ។ ផ្អែកលើការស្រាវជ្រាវរបស់លោក Thomas C. Corley ដែលជាអ្នកនិពន្ធសៀវភៅ "Rich Habbits” ដ៏ល្បីល្បាញរបស់អាមេរិកបានបង្ហាញពីការរកឃើញទម្លាប់ទូទៅរបស់អ្នកមានចំនួន ២៣៣ រូបដូចតទៅ៖
១.ទម្លាប់ប្រចាំថ្ងៃរបស់អ្នកមាន និងអ្នកក្រ
-អ្នកមាន ៨១% រៀបចំបញ្ជីការងារត្រូវធ្វើប្រចាំថ្ងៃ ខណៈអ្នកក្រមានត្រឹមតែ ៩%
-អ្នកមាន ៤៤% ក្រោកពីគេង៣ម៉ោងមុនធ្វើការ ខណៈដែលអ្នកក្រមានត្រឹមតែ៣%
-អ្នកមាន ៦៣% ស្ដាប់អត្ថបទអប់រំពេលកំពុងធ្វើដំណើរ ខណៈដែលអ្នកក្រមានត្រឹមតែ ៣%
-អ្នកមាន ៧៩% ចំណាយពេល ៥ ម៉ោង ឬច្រើនជាងនេះក្នុងមួយខែដើម្បីបង្កើនទំនាក់ទំនង ខណៈដែលអ្នកក្រមានត្រឹមតែ ១៦% ប៉ុណ្ណោះ
-អ្នកមាន ៨៨% ចំណាយពេលអានសៀវភៅ ៣០នាទី ឬច្រើនជាងនេះក្នុងមួយថ្ងៃ ខណៈដែលអ្នកក្រមានត្រឹមតែ ២% ប៉ុណ្ណោះ
-អ្នកមាន ៨៦% ចូលចិត្តអានសៀវភៅ ខណៈដែល អ្នកក្រមានត្រឹមតែ ២៦% ប៉ុណ្ណោះ។
២.សុខភាព
-អ្នកមាន ៧៦% ហាត់ប្រាណ ៤ថ្ងៃក្នុងមួយសប្ដាហ៍ ខណៈដែលអ្នកក្រមានត្រឹមតែ ២៦% ប៉ុណ្ណោះ។
៣.មើលទូរទស្សន៍
-អ្នកមាន ៦៤% ចំណាយពេលមើលទូរទស្សន៍ ១ ម៉ោង ឬតិចជាងនេះក្នុងមួយថ្ងៃ ខណៈអ្នកក្រមានត្រឹមតែ ២៣% ប៉ុណ្ណោះ
-អ្នកមានត្រឹមតែ ៧% មើលភាពយន្តកម្សាន្ត ខណៈដែលអ្នកក្រមានរហូតដល់ ៨០%។
៤.ការអប់រំកូនៗ
-អ្នកមាន ៧៤% បង្រៀនកូនៗឲ្យបង្កើតទម្លាប់ជោគជ័យ ខណៈដែលអ្នកក្រមានត្រឹមតែ ១% ប៉ុណ្ណោះ
-អ្នកមាន ៧០% បង្រៀនកូនៗឲ្យធ្វើការងារស្ម័គ្រចិត្ត ១០ម៉ោងក្នុងមួយខែ ឬច្រើនជាងនេះ ខណៈដែលអ្នកក្រមានត្រឹមតែ ៣%
-អ្នកមាន ៦៣% បង្រៀនកូនៗឲ្យអានសៀវភៅផ្សេងៗក្រៅពីសៀវភៅប្រលោមលោកចំនួន ២ក្បាលក្នុងមួយខែ ខណៈដែលអ្នកក្រមានត្រឹមតែ ៣% ប៉ុណ្ណោះ។
៥.ការរៀបចំគោលដៅ
-អ្នកមាន ៦៧% សរសេរគោលដៅទុក ខណៈដែលអ្នកក្រមានត្រឹមតែ ១១%
-អ្នកមាន ៨០% ផ្តោតលើការសម្រេចបានគោលដៅជាក់លាក់ណាមួយ ខណៈដែល អ្នកក្រមានត្រឹមតែ ១២% ប៉ុណ្ណោះ
-អ្នកមាន ៨៦% ផ្តល់តម្លៃលើការសិក្សារៀនសូត្រជាប្រចាំដើម្បីអភិវឌ្ឍសមត្ថភាពរបស់ខ្លួន ខណៈដែលអ្នកក្រមានត្រឹមតែ ៥% ប៉ុណ្ណោះ
-អ្នកមាន ៨៤% ជឿថា ទម្លាប់ល្អបង្កើតបានឱកាសកាន់តែច្រើន ខណៈដែល អ្នកក្រមានត្រឹមតែ ៤% ប៉ុណ្ណោះ
-អ្នកមាន ៧៦% ជឿថា ទម្លាប់អាក្រក់ផ្តល់ផលអវិជ្ជមាន ខណៈដែលអ្នកក្រមានត្រឹមតែ ៩% ប៉ុណ្ណោះ។
៦.ការកសាងទ្រព្យសម្បត្តិរបស់អ្នកមាន
-នៅក្នុងចំណោមមហាសេដ្ឋី និងសេដ្ឋីអាមេរិកទាំង ៤០០ នាក់កាលពីឆ្នាំ ២០១៣ មាន ៦៨% បានកសាងទ្រព្យសម្បត្តិក្លាយជាអ្នកមានចេញពីបាតដៃខ្លួនឯង។
យ៉ាងណាក៏ដោយសូមចាំថា ការអនុវត្តតាមទម្លាប់របស់អ្នកមានខាងលើនេះ មិនមែនមានន័យថា អ្នកនឹងជោគជ័យក្លាយជាអ្នកមានដូចពួកគេនោះឡើយ។ ក៏ប៉ុន្តែយ៉ាងហោចណាស់ ទម្លាប់ទាំងនេះគឺជាកូនសោរមួយដែលអាចជួយបំភ្លឺអ្នកថា តើអ្នកមានបានធ្វើអ្វីខ្លះទើបជីវិតរបស់ពួកគេខុសពីអ្នកក្រ?
ដោយ៖ ខេវិន
ប្រភព៖ Entrepreneur
