នារសៀលថ្ងៃទី ២៣ ខែធ្នូ ឆ្នាំ ២០២០ ក្រុមហ៊ុន BizKhmer Digital Media និងក្រុមហ៊ុន CamboJob បានរៀបចំកម្មវិធីចុះចុះហត្ថ​លេខា​ផ្លាស់​ប្តូរសេវាកម្រវាងគ្នានិងគ្នា ដោយមានការអញ្ជើញចូលរួមពីភាគីនៃក្រុមហ៊ុន BizKhmer Digital Media ដឹកនាំដោយលោក យ៉ន សុភារិទ្ធ ស្ថាបនិក BizKhmer Digital Media និងភាគីក្រុមហ៊ុន CamboJob ដឹកនាំដោយកញ្ញា ប៊ុន យូហៀក នាយកគ្រប់គ្រងប្រតិបត្តិការក្រុមហ៊ុន CamboJob ។

កញ្ញា ប៊ុន យូហៀក នាយកគ្រប់គ្រងប្រតិបត្តិការក្រុមហ៊ុន CamboJob បានលើកឡើងថា៖ «ការចុះអនុស្សារណៈក្នុងក្នុងថ្ងៃនេះ ក្រុមហ៊ុន CamboJob សង្ឃឹមថានឹងអាចពង្រីកខ្លួនកាន់តែធំជាងមុន ហើយតាមរយៈសេវាកម្ម Digital Marketing នេះនឹងទទួលបានអ្នកគាំទ្រកាន់តែច្រើន។ នៅក្នុង​ឆ្នាំ ២០២១ ខាងមុខ CamboJob ក៏​រំពឹង​នឹង​ទទួល​បានការ​គាំ​ទ្រពីអ្នក​ប្រើ​ប្រាស់ក្នុង App របស់ CamboJob រហូតដល់​ប្រមាណ​ជាង១លាន​នាក់​ដែរ»។ បន្ថែមពីនេះ ក្រុមហ៊ុន CamboJob ក៏បានថ្លែងអំណរគុណចំពោះជំនឿទុកចិត្តពីក្រុមហ៊ុន BizKhmer Digital Media រហូតឈានដល់ការចុះអនុស្សារណៈជាមួយគ្នាក្នុងថ្ងៃនេះ ហើយក៏សង្ឃឹមថានឹងបន្តកិច្ចសហប្រតិបត្តិការជាមួយគ្នាបានយ៉ាងល្អទៅថ្ងៃខាងមុខ។

ជាមួយគ្នានេះដែរ លោក យ៉ន សុភារិទ្ធ ស្ថាបនិក BizKhmer Digital Media បានមានប្រសាសន៍ថា នេះគឺជាភាពសោមនស្សថ្មីមួយសម្រាប់ក្រុមហ៊ុនទាំងពីរដែលបានចាប់ដៃសហការគ្នា ដើម្បីទទួលបានភាពរីកចម្រើនទៅជាមួយគ្នា។ លោកជឿជាក់ថាកិច្ចសហការមួយនេះនឹងបង្កើតជា Synergy មួយ (ចំណុចរួមគ្នា) ដែលជាការផ្តល់ជូនយ៉ាងសម្បូរបែប និងជូនកាន់តែពិសេសទៅកាន់អតិថិជនទាំងពីរក្រុមហ៊ុន ក៏ដូចជាឲ្យមានប្រសិទ្ធភាពជាងមុនកាន់តែខ្លាំង។ «កម្មវិធីចុះហត្ថលេខាផ្លាស់ប្ដូរសេវាកម្មរវាងក្រុមហ៊ុន BizKhmer Digital Media និងក្រុមហ៊ុន CamboJob នេះគឺដើម្បីបង្កើនការផ្ដល់នូវសេវាកម្ម Digital Marketing ឲ្យកាន់តែសម្បូរបែប និងផ្ដល់នូវគុណតម្លៃកាន់តែច្រើនជូនអតិថិជនរបស់ក្រុមហ៊ុនទាំងពីរ។ ការណ៍នេះនឹងបង្កើតបាននូវកម្លាំងស្នូលនៃឯកទេសនិងជំនាញកាន់តែធំ កាន់តែខ្លាំង និងកាន់តែរឹងមាំនៅលើពិភពឌីជីថលក្នុងកាលៈទេសៈនៃការប្រកួតប្រជែងកាន់តែតានតឹង» លោក​បាន​មានប្រសាសន៍​បន្ថែម​យ៉ាង​ដូច្នេះ។

គួរបញ្ជាក់ផងដែរថា BizKhmer Digital Media ជាក្រុមហ៊ុនដែលផ្តល់សេវាកម្មលើ Digital Marketing។ ក្រុមហ៊ុននេះ បានចាប់ដំណើរការអាជីវកម្មតាំងតែពីឆ្នាំ ២០១៨ មកម្ល៉េះ ហើយក៏ជាក្រុមហ៊ុនដែលមានភាពសម្បូរបែបផ្គត់ផ្គង់សេវាកម្ម Digital Marketing ដូចជា Google Ads Facebook Marketing SMS Marketing E-mail Marketing ផ្តោតយកចិត្តទុកដាក់ខ្ពស់លើ Technology tool និងបច្ចេកទេសមួយចំនួនទៀត។ ក្រុមហ៊ុនក៏មានគម្រោងក្នុងការដាក់ចេញ និងផ្តល់ជូនសេវាកម្មថ្មីៗជាច្រើនផ្សេងទៀតសម្រាប់អតិថិជននៅឆ្នាំថ្មីខាងមុខដែលទាក់ទងទៅនឹងសេវាកម្ម Digital Marketing។

ដោយឡែក CamboJob ជាក្រុមហ៊ុនផ្តល់សេវាកម្មស្វែងរកបុគ្គលិកដែលចាប់ដំណើរការអាជីវកម្មនៅក្នុងខែមិថុនា ឆ្នាំ២០១៩ ចាប់ផ្តើមដំបូងជាគេហទំព័រភាសាចិន ហើយមាន Visitor ប្រមាណជា ១០ម៉ឺននាក់។ ក្រោយមក ការផ្សព្វផ្សាយបានធ្វើឡើងតាមរយៈ Channel ជាច្រើនរបស់ក្រុមហ៊ុនមានដូចជា Facebook Telegram និង Tik Tok បន្ថែមពីគេហទំព័រ ជាហេតុនាំឲ្យ CamboJob ទទួលបានការគាំទ្រច្រើនជាងមុនដែលនាំឲ្យចំនួនអ្នកគាំទ្រឡើងដល់ជាង ៤លាននាក់នាពេលបច្ចុប្បន្ន៕