តើគួរបង្វឹកខួរក្បាលរបស់អ្នកយ៉ាងណា ដើម្បីកុំឲ្យខ្លួនឯងក្លាយជាមនុស្សធ្លាក់ទឹកចិត្ត?
មនុស្សណាម្នាក់ក៏ធ្លាប់មិនសប្បាយចិត្តនិងកើតទុក្ខដែរ។ ក្នុងឆាកជីវិត វាជៀសមិនផុតពីរឿងទាំងនេះនោះទេ ព្រោះរឿងអាក្រក់គឺតែងតែកើតមានឡើង។ ប៉ុន្តែ អ្នកអាចគ្រប់គ្រងបានដោយអនុវត្តចំណុចខាងក្រោមនេះ៖
១) ជៀសវាងភាពឥតខ្ចោះ៖ តាមការសិក្សារកឃើញថា ការចង់បានភាពឥតខ្ចោះអាចនាំឲ្យកើតទុក្ខ និង នាំឲ្យធ្លាក់ទឹកចិត្តដោយសារតែពេលខ្លះមនុស្សមិនអាចសម្រេចគោលដៅដែលខ្លួនឯងចង់បាន។
២) គំនិតអវិជ្ជមាន៖ មនុស្សជោគជ័យគិតថាប្រសិនជាពួកគេចង់រីករាយ ពួកគេមិនត្រូវមានគំនិតអវិជ្ជមាននិងគិតវិជ្ជមាន។ គិតបែបនេះ គឺត្រឹមត្រូវ ប៉ុន្តែក្នុងជីវិតជាក់ស្តែងគឺវាពិតជាពិបាកក្នុងការមិនគិតទាល់តែសោះពីរឿងអវិជ្ជមាន ប៉ុន្តែបើអ្នកជ្រុលជាបានគិតទៅហើយ យ៉ាងណាក៏ដោយកុំជ្រុលលង់ក្នុងគំនិតទាំងនោះ ពោលគឺត្រូវព្យាយាមដកឃ្លា និង គិតអ្វីដែលល្អវិញ ទើបមានផលល្អក្នុងជីវិត បើមិនអ៊ីចឹងហើយ អ្នកនឹងក្លាយជាមនុស្សដែលធ្លាក់ទឹកចិត្តក្នុងកម្រិតធ្ងន់ធ្ងរមិនខាន។
៣) ដើរទៅមុខ៖ ប្រសិនជាអ្នកបន្តកើតទុក្ខ វាក៏មិនជួយអ្វីដល់អ្នកដែរ។ ជីវិត ត្រូវតែដើរទៅមុខជានិច្ច។ អ្នកក៏ត្រូវដើរទៅមុខដូចគ្នា។ បំភ្លេចរឿងមិនសប្បាយចិត្តហើយធ្វើអ្វីថ្មី៕
ប្រែសម្រួល៖ អឺុង មុយយូ ប្រភព៖ www.powerofpositivity.com
