បើមានចំណុចទាំងនេះ អ្នកសមនឹងគេហៅថា «មនុស្សកម្ជិលអាំងផេះ»
ភាពខ្ជិលច្រអូសគឺជាទម្លាប់មួយដែល មនុស្សម្នាក់ៗ តែងតែមាន គ្រាន់តែមានតិចនិងច្រើនតែប៉ុណ្ណោះ។ ហេតុនេះបើអ្នកគិតថាអ្នកខ្ជិលខ្លាំង អ្នកគួរកែប្រែចេញទៅ ព្រោះមនុស្សដែលខាតនៅថ្ងៃមុខគឺអ្នកនោះឯង។ តើសញ្ញាអ្វីខ្លះបញ្ជាក់ថា អ្នកជាមនុស្សកម្ជិលអាំងផេះ?
១) «ពន្យារពេលមិនសំចៃ» ៖ មនុស្សដែលចូលចិត្តពន្យារពេល ចាំថ្ងៃនេះថ្ងៃនោះ មានលេសដោះសាមិនចេះអស់ជាសញ្ញាមនុស្សខ្ជិលប្រាកដណាស់។ មនុស្សខ្ជិលមិនដែលស្គាល់តម្លៃពេលវេលាទេ ដូចនេះគេពន្យារពេលលើការងារសំខាន់ៗ ហើយមកធ្វើអ្វីដែលអត់ប្រយោជន៍ទៅវិញ។
២) «គេងរាល់ពេល»៖ មនុស្សខ្ជិលស្រឡាញ់ការគេងជាងអ្វីទាំងអស់។ ការគេងនេះវានាំសុខភាពល្អមែន តែបើគេងហួសកម្រិត វាទៅជាទម្លាប់ខ្ជិលវិញហើយ។
៣) «ជាមនុស្យគគ្រិចមិនចេះអនាម័យទេ» ៖ មនុស្យខ្ជិល គឺមិនដែលនឹងឃើញចង់សម្អាត បន្ទប់ឬក៏ផ្ទះដែលគេរស់នៅឡើយ។ គេហាក់ដូចជាសុំាំនឹងភាពគគ្រិចទាំងនោះទៅហើយ។ អ្នកដែលឧស្សាហ៍ គេចេះរៀបចំផ្ទះសម្បែង ហើយមិនឲ្យធូលីសេះ សល់សូម្បីបន្តិចក៏ដោយ។
៤) «ឲ្យអ្នកដទៃ ធ្វើជំនួស» ៖ មនុស្សខ្ជិល មិនចង់ទទួលបានការងារពីនរណាឡើយ ភាគច្រើនតែងបញ្ជូនការងារបន្តទៅគេឯង។ មនុស្សខ្ជិលតែងចង់ឲ្យអ្នកដទៃ ធ្វើជំនួស ហើយមិនមែនមកពីគេធ្វើមិនបានទេ តែគេខ្ជិលតែម្ដង៕
ប្រែសម្រួល៖ ព្រំ សុវណ្ណកណ្ណិកា ប្រភព៖ businessinsider
