បើខ្វះធាតុ៣សំខាន់នេះ អ្នកនឹងគ្មានថ្ងៃអាចរក្សាពាក្យថា«មិត្តភាព»បានឡើយ
មនុស្សមួយចំនួន មានមិត្តភ័ក្ដិរាប់អានគ្នា រាប់សិបឆ្នាំឯណោះ តើអ្នកមានឆ្ងល់ទេ ហេតុអ្វីពួកគេរក្សាមិត្តភាពបានយូរដល់ម្ល៉ឹង? ឯមនុស្សមួយចំនួន វិញទៀត មិត្តភ័ក្ដិធ្លាប់តែច្រើនតែពេលត្រូវការរកមួយគ្មាន តើវាមកពីអ្វីវិញ? ខាងក្រោមនេះជាអ្វីដែលអ្នកគួរដឹង៖
១) លះបង់ពេលវេលា៖ ត្រូវហើយ បើមនុស្សម្នាក់ៗ បើមិនមានពេលសម្រាប់គ្នាផង តើ ចង់ឲ្យមិត្តភាពគង់វង្សម្ដេចបាន? មិនថាអ្នករវល់យ៉ាងណាទេ បើអ្នកអាចឆ្លៀតបានមួយភ្លែត ក៏ជឿថាមិត្តភក្ដិរបស់អ្នកអស់ចិត្ត ហើយអរគុណការចំណាយពេលបន្តិចបន្តូចនោះដែរ។
២) បង្កើនភាពជិតស្និទ្ធគ្រប់ពេល៖ បើអ្នកផ្ដល់ភាពជិតស្និទ្ធមិនដូចមុនផង តើអ្នកអាចបន្តមិត្តភាពបានយូរប៉ុណ្ណាទៅ? ភាពជិតស្និទ្ធមិនគួរកាត់បន្ថយទេ វាគួរតែកើនឡើងវិញ បានត្រូវព្រោះថាអ្នកស្គាល់គ្នាយូរមកហើយ មិនមែនទើបតែស្គាល់ឯណា។
៣) មានរឿងអីក៏ដោយត្រូវតែជួយគ្នា៖ ជួយគ្នានេះ គឺជួយដោយសុទ្ធចិត្ត និងភាពស្មោះត្រង់។ មិត្តភ័ក្ដិ អាចទាល់ខ្លាំងហើយ ទើបគេដាច់ចិត្តសុំជំនួយពីអ្នក ដូចនេះ បើអ្នកមិនបានជួយច្រើន តែយ៉ាងណាក៏ជួយបានខ្លះៗ ដើម្បីសម្រាលបន្ទុកគ្នាដែរ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifehack
