ការបញ្ចប់យ៉ាងលឿនមិនមែនជារឿងសំខាន់នោះទេ តែអ្វីដែលសំខាន់ គឺបញ្ចប់ដោយភាពជោគជ័យ
ក្នុងនាមជាអ្នកជំនួញ មិនប្រាកដថាគំនិតដែលគិតចេញមកត្រូវ និងទទួលបានជោគជ័យរហូតនោះទេ។ ហើយមនុស្សជាច្រើនឲ្យតម្លៃទៅលើរយៈពេលនៃការសម្រេចកិច្ចការ តែតាមការពិតទៅ អ្វីដែលគួរផ្តល់ឱ្យតម្លៃគឺការបញ្ចប់ទៅវិញទេ។
តើអ្វីដែលជួយអ្នកដើរដល់ទីបញ្ចប់បានទៅ? ការធ្វើជាប្រចាំ គឺជាគន្លឹះ។
យើងសុទ្ធតែដឹងពីរឿងអណ្ដើកនិងទន្សាយដែលមានក្នុងរឿងព្រេងនិទានខ្មែរ។ បើនិយាយពីល្បឿនវិញ អណ្ដើកគ្មានថ្ងៃឈ្នះទន្សាបានឡើយ ក៏ប៉ុន្តែ ដោយសារតែគាត់បន្តការរត់វាជំរុញឲ្យអណ្ដើកឈ្នះទន្សាយក្នុងការប្រកួត ជាពិសេសគឺការប្រើប្រាជ្ញាក្នុងការប្រកួតនោះ។ ប្រសិនឆ្លុះបញ្ចាំងអត្ថន័យនៃរឿងនេះ ហើយយកមកអនុវត្តក្នុងជីវិតប្រចាំថ្ងៃ អ្នកនឹងសម្រេចកិច្ចការបានច្រើននិងអាចយកឈ្នះគូប្រកួតទៀតផង។
គន្លឹះមួយផ្សេងទៀត គឺធ្វើកិច្ចការដែលលំបាកមុន។ បញ្ចប់វាឲ្យកាន់តែឆាប់កាន់តែល្អ។ ក្រោយពេលអ្នកសម្រេចកិច្ចការលំបាក កិច្ចការបន្ទាប់ មកនឹងមានភាពងាយស្រួល។ អ្នកមិនត្រឹមតែសម្រេចកិច្ចការបានច្រើនប៉ុណ្ណោះទេ អ្នកថែមទាំងមានកម្លាំងចិត្តក្នុងការបំពេញការងារថែមទៀតផង។ មិនថា អ្នកធ្វើអ្វីនោះទេ អ្នកត្រូវប្រាកដថា អ្នកនឹងសម្រេចបាននូវអ្វីដែលអ្នកបាននិយាយពីព្រោះថា មនុស្សនឹងងាយឱ្យតម្លៃទៅលើអ្នក ដោយលទ្ធផលចុងក្រោយរបស់អ្នក៕
ប្រែសម្រួល៖ អុឹង មុយយូ ប្រភព៖ addicted2success.com
