លោក ប៉ោ លីម នាយកគ្រប់គ្រង Starbucks Cambodia និយាយអំពីស្ថានភាពនៃការប្រកួតប្រជែងអាជីវកម្មកាហ្វេនៅកម្ពុជា
ឧស្សាហកម្មកាហ្វេនៅកម្ពុជាត្រូវបានគេមើលឃើញថា កំពុងមានការប្រកួតប្រជែងគ្នាខ្លាំងមែនទែន ស្របពេលដែលការទិញសិទ្ធិប្រកបអាជីវកម្មកាហ្វេបន្ត (Franchise) កាន់តែមានការផុលផុសឡើងៗ ជាពិសេសនៅរាជធានីភ្នំពេញ តែម្ដង។ ក្នុងកិច្ចពិភាក្សាស្តីពី «ឱកាសពី Starbucks: ភ្ជាប់ជាមួយអ្វីមួយកាន់តែធំ» នៅថ្ងៃទី០៩ ខែមីនា កន្លងទៅ លោក ប៉ោ លីម អ្នកគ្រប់គ្រងទូទៅរបស់ Starbucks Cambodia បានផ្ដល់បទសម្ភាសន៍ពិសេសជាមួយ BizKhmer ដូចខាងក្រោម៖
BizKhmer៖ សព្វថ្ងៃនេះ យើងសង្កេតឃើញថា អាជីវកម្មកំពុងតែរីកដូចផ្សិតជាពិសេសនៅក្នុងរាជធានីភ្នំពេញតែម្ដង។ តើលោកមើលឃើញយ៉ាងម៉េចដែរ ជុំវិញអ្នកញ៉ាំកាហ្វេនៅកម្ពុជាសព្វថ្ងៃ?
លោក ប៉ោ លីម៖ បើយើងមើលពីអាជីវកម្មនៅកម្ពុជានាពេលសព្វថ្ងៃ យើងសង្កេតឃើញថា មានការរីកចម្រើនខ្លាំងមែនទែន រហូតទៅដល់គ្រប់គ្នាមិនអាចរំពឹងទុកទៅទៀត។ ទន្ទឹមនឹងការរីកចម្រើននេះដែរ យើងក៏សង្កេតឃើញផងដែរថា មានមួយចំនួនបានបិទទ្វាទៅវិញផងដែរ។
BizKhmer៖ ទន្ទឹមនឹងអាជីវកម្មកាហ្វេរីកខ្លាំងដូចផ្សិត ក៏មានជាច្រើនដែរដែលបានបិទទ្វាទៅវិញ? តើលោកមើលឃើញថា មកពីមូលហេតុអ្វីដែរ?
លោក ប៉ោ លីម៖ ការបើកអាជីវកម្មមួយដែលពុំមានគោលការណ៍ និងគោលដៅច្បាស់លាស់ និងពុំមានចំណង់ (Passion) គឺជាមូលហេតុមួយ ហើយមួយផ្នែកទៀតនោះគឺការមិនបានសិក្សាពីទីផ្សារ និងអតិថិជនគោលដៅ ច្បាស់លាស់ មិនថាកាហ្វេតម្លៃថ្លៃ ឬមិនថ្លៃនោះទេ ព្រោះថាអាជីវកម្មនីមួយៗគឺមានការចំណាយច្រើន។
BizKhmer៖ បើប្រៀបធៀបនឹងប្រទេសជិតខាងមានវៀតណាម និងថៃជាដើម តើអ្នកញ៉ាំកាហ្វេនៅកម្ពុជា យ៉ាងម៉េចដែរ?
លោក ប៉ោ លីម៖ នៅប្រទេសវៀតណាមយើងឃើញថា មាន coffee culture ខ្លាំងជាងគេ ពោលគឺមានតាំងពីយូរលង់ណាស់មកហើយ គឺមានតាំងពីរោងកុនដាក់កាហ្វេជាដើម។ ប៉ុន្តែយើងសង្កេតឃើញថា មានការផ្លាស់ប្ដូរមកកាហ្វេទំនើប និងកេរ្តិ៍ឈ្មោះល្បីៗច្រើននាពេលបច្ចុប្បន្ន។ ដោយឡែកនៅថៃវិញ មានកាហ្វេមានគុណភាពខ្ពស់ច្រើនមែនទែន រហូតហៀរមកដល់ទីផ្សារនៃប្រទេសកម្ពុជាយើងផងដែរ។
BizKhmer៖ ចាប់តាំងពីដំណើរការនៅកម្ពុជាឆ្នាំ២០១៥ មក រហូតមកដល់ពេលនេះ Starbucks កម្ពុជា ដែលស្ថិតនៅក្រោមក្រុមហ៊ុន Starbucks ធំនៅហុងកុង បានពង្រីកសាខាបាន ១០ហើយ។ តើសន្ទុះនៃអ្នកញ៉ាំកាហ្វេ Starbucks យ៉ាងណាដែរ?
លោក ប៉ោ លីម៖ ជាក់ស្ដែងមានការរីកចម្រើនច្រើនពីមួយថ្ងៃទៅមួយថ្ងៃនៅគ្រប់សាខាទាំងអស់។ យើងគិតថា ការពង្រីកបន្តទៅទៀតគឺ នៅតែមានសក្ដានុពលច្រើនទោះបីជាមានការប្រកួតប្រជែងខ្លាំងក៏ដោយព្រោះថា Starbucks គិតគួរច្រើនមិនថាគុណភាព បរិយាកាស ទីតាំង និងការបណ្ដុះបណ្ដាលដៃគូ (partners) របស់យើង។
BizKhmer៖ ដូចបានលើកឡើងពីខាងដើម អាជីវកម្មកាហ្វេរីកចម្រើនខ្លាំងជាពិសេសអាជីវកម្មដែលទិញ franchise ពីក្រៅស្រុក។ តើលោកមើលឃើញយ៉ាងណារវាងអាជីវកម្មកាហ្វេដែលបង្កើតម៉ាកយីហោខ្លួនឯងនិងអាជីវកម្មដែលទិញ franchise ពីគេ?
លោក ប៉ោ លីម៖ មិនថាអាជីវកម្មកាហ្វេដែលបង្កើតម៉ាកយីហោខ្លួនឯង មិនថាអាជីវកម្មកាហ្វេដែលទិញសិទ្ធិប្រកបអាជីវកម្មពីគេ គឺសុទ្ធតែល្អដូចគ្នាទេ ប៉ុន្តែសម្រាប់បងប្អូនដែលទិញសិទ្ធិបន្តពីគេ គឺត្រូវគិតលើច្រើនចំណុចដូចជា កេរ្តិ៍ឈ្មោះរបស់ក្រុមហ៊ុនស្ថិតនៅក្នុងលំដាប់ណា បទពិសោធន៍រយៈពេលប៉ុន្មានឆ្នាំលើប្រភេទអាជីវកម្មនោះ និងការគាំទ្រ (support) របស់ក្រុមហ៊ុនលក់ franchise។ ការគាំទ្រគឺចំណុចសំខាន់បំផុត មានដូចជា ការបណ្ដុះបណ្ដាលបុគ្គលិក រៀបចំប្រព័ន្ធគ្រប់គ្រង ការកសាងម៉ាកយីហោ និងជាពិសេសការគាំទ្រប្រសិនបើការលក់ធ្លាក់ចុះជាដើម។ ក្នុងចំណោមចំណុចដែលបានរៀបរាប់នេះ ការគិតគូរទៅលើម៉ាកយីហោ គឺរឹងតែចាំបាច់បំផុត។
ដោយឡែក ចំពោះការកសាងម៉ាកយីហោខ្លួនឯងវិញ ការសិក្សាទៅលើអតិថិជនគោលដៅជារឿងចាំបាច់មួយ ហើយរឹតតែចាំបាច់ទៅទៀតនោះ គឺការបង្កើតអ្វីដែលខុសប្លែកពីគេ មិនមែនដូចគេដែរនោះទេ។ កត្តាទីតាំង គឺជារឿងមិនអាចចោលបានមួយទៀត បន្ថែមពីលើគុណភាព និងសេវាកម្ម។
BizKhmer៖ ពាក់ព័ន្ធនឹងការប្រកួតប្រជែងវិញ តើលោកមានការបារម្ភដែរឬទេស្របពេលដែលមានគូប្រកួតកាន់តែច្រើនឡើងៗនៅលើទីផ្សារ?
លោក ប៉ោ លីម៖ គិតមកដល់ពេលនេះ Starbucks មានសាខានៅប្រទេសចំនួន ៧៦ និងមានហាងសរុបជាង ២៦ ៦០០។ យើងរីកចម្រើនលឿនដោយសារតែគិតទៅលើ គុណភាពកាហ្វេ គិតទៅលើដៃគូ (បុគ្គលិក) របស់យើង ការរចនា បរិយាកាស ទីតាំង និងសេវាកម្មដែលធានាយ៉ាងណា រក្សាបាននូវស្ដង់ដារពិតប្រាកដរបស់យើងនៅគ្រប់សាខាទាំងអស់។ យើងគ្មានការបារម្ភចំពោះដៃគូប្រកួតប្រជែងរបស់យើងនោះទេ៕
BizKhmer៖ ចាប់តាំងពីដំណើរការនៅកម្ពុជាឆ្នាំ២០១៥ មក រហូតមកដល់ពេលនេះ Starbucks កម្ពុជា ដែលស្ថិតនៅក្រោមក្រុមហ៊ុន Starbucks ធំនៅហុងកុង បានពង្រីកសាខាបាន ១០ហើយ។ តើសន្ទុះនៃអ្នកញ៉ាំកាហ្វេ Starbucks យ៉ាងណាដែរ?
លោក ប៉ោ លីម៖ ជាក់ស្ដែងមានការរីកចម្រើនច្រើនពីមួយថ្ងៃទៅមួយថ្ងៃនៅគ្រប់សាខាទាំងអស់។ យើងគិតថា ការពង្រីកបន្តទៅទៀតគឺ នៅតែមានសក្ដានុពលច្រើនទោះបីជាមានការប្រកួតប្រជែងខ្លាំងក៏ដោយព្រោះថា Starbucks គិតគួរច្រើនមិនថាគុណភាព បរិយាកាស ទីតាំង និងការបណ្ដុះបណ្ដាលដៃគូ (partners) របស់យើង។
BizKhmer៖ ដូចបានលើកឡើងពីខាងដើម អាជីវកម្មកាហ្វេរីកចម្រើនខ្លាំងជាពិសេសអាជីវកម្មដែលទិញ franchise ពីក្រៅស្រុក។ តើលោកមើលឃើញយ៉ាងណារវាងអាជីវកម្មកាហ្វេដែលបង្កើតម៉ាកយីហោខ្លួនឯងនិងអាជីវកម្មដែលទិញ franchise ពីគេ?
លោក ប៉ោ លីម៖ មិនថាអាជីវកម្មកាហ្វេដែលបង្កើតម៉ាកយីហោខ្លួនឯង មិនថាអាជីវកម្មកាហ្វេដែលទិញសិទ្ធិប្រកបអាជីវកម្មពីគេ គឺសុទ្ធតែល្អដូចគ្នាទេ ប៉ុន្តែសម្រាប់បងប្អូនដែលទិញសិទ្ធិបន្តពីគេ គឺត្រូវគិតលើច្រើនចំណុចដូចជា កេរ្តិ៍ឈ្មោះរបស់ក្រុមហ៊ុនស្ថិតនៅក្នុងលំដាប់ណា បទពិសោធន៍រយៈពេលប៉ុន្មានឆ្នាំលើប្រភេទអាជីវកម្មនោះ និងការគាំទ្រ (support) របស់ក្រុមហ៊ុនលក់ franchise។ ការគាំទ្រគឺចំណុចសំខាន់បំផុត មានដូចជា ការបណ្ដុះបណ្ដាលបុគ្គលិក រៀបចំប្រព័ន្ធគ្រប់គ្រង ការកសាងម៉ាកយីហោ និងជាពិសេសការគាំទ្រប្រសិនបើការលក់ធ្លាក់ចុះជាដើម។ ក្នុងចំណោមចំណុចដែលបានរៀបរាប់នេះ ការគិតគូរទៅលើម៉ាកយីហោ គឺរឹងតែចាំបាច់បំផុត។
ដោយឡែក ចំពោះការកសាងម៉ាកយីហោខ្លួនឯងវិញ ការសិក្សាទៅលើអតិថិជនគោលដៅជារឿងចាំបាច់មួយ ហើយរឹតតែចាំបាច់ទៅទៀតនោះ គឺការបង្កើតអ្វីដែលខុសប្លែកពីគេ មិនមែនដូចគេដែរនោះទេ។ កត្តាទីតាំង គឺជារឿងមិនអាចចោលបានមួយទៀត បន្ថែមពីលើគុណភាព និងសេវាកម្ម។
BizKhmer៖ ពាក់ព័ន្ធនឹងការប្រកួតប្រជែងវិញ តើលោកមានការបារម្ភដែរឬទេស្របពេលដែលមានគូប្រកួតកាន់តែច្រើនឡើងៗនៅលើទីផ្សារ?
លោក ប៉ោ លីម៖ គិតមកដល់ពេលនេះ Starbucks មានសាខានៅប្រទេសចំនួន ៧៦ និងមានហាងសរុបជាង ២៦ ៦០០។ យើងរីកចម្រើនលឿនដោយសារតែគិតទៅលើ គុណភាពកាហ្វេ គិតទៅលើដៃគូ (បុគ្គលិក) របស់យើង ការរចនា បរិយាកាស ទីតាំង និងសេវាកម្មដែលធានាយ៉ាងណា រក្សាបាននូវស្ដង់ដារពិតប្រាកដរបស់យើងនៅគ្រប់សាខាទាំងអស់។ យើងគ្មានការបារម្ភចំពោះដៃគូប្រកួតប្រជែងរបស់យើងនោះទេ៕
