កម្រងគតិទាំង ១០ឃ្លាដែលរៀបរាប់ពីខ្លឹមសារនៃជីវិត
១) «មនុស្សនិយាយថាអ្វីដែលយើងទាំងអស់គ្នាកំពុងតែស្វែងរកគឺជាអត្ថន័យសម្រាប់ជីវិត។ ខ្ញុំមិនគិតថានេះគឺជាអ្វីដែលយើងកំពុងតែស្វែងរកនោះទេ។ ខ្ញុំគិតថាអ្វីដែលយើងកំពុងតែស្វែងរកគឺជាបទពិសោធន៍នៃការមានជីវិត»។ Joseph Campbell
២) «សេចក្ដីស្លាប់ពុំមែនជាការបាត់បង់ដ៏ធំបំផុតនៅក្នុងជីវិតនោះទេ។ ការបាត់បង់ដ៏ធំបំផុតគឺជាអ្វីដែលបានស្លាប់នៅខាងក្នុងយើងនៅពេលយើងកំពុងនៅរស់នៅឡើយ»។ Norman Cousins
៣) «ជីវិតគឺជាសំណួរ ហើយថាតើយើងរស់នៅយ៉ាងដូចម្ដេចនោះគឺជាចម្លើយ»។ Gary Keller
៤) «ពួកយើងសុទ្ធតែខុសគ្នា។ ដូច្នេះហើយចូរកុំវាយតម្លៃ តែព្យាយាមស្វែងយល់វិញ»។ Roy T. Bennett
៥) «បុគ្គលដែលផ្ដោតទៅលើភាពភ័យខ្លាចតែងតែគណនា រៀបចំផែនការ រៀបចំទុកដាក់ និងការពារ។ ជីវិតរបស់គេទាំងមូលត្រូវបានបាត់បង់ដោយសារតែបែបនេះ»។ Osho
៦) «ខ្វាយខ្វល់ពីអ្វីដែលអ្នកដទៃគិត ហើយអ្នកនឹងក្លាយជាទាសកររបស់ពួកគេអស់មួយជីវិត»។ ឡៅជឺ
៧) «ខ្ញុំគិតថាការធ្លាក់ក្នុងអន្លង់ស្នេហ៍ជាមួយជីវិតគឺជាកូនសោសម្រាប់ឆ្ពោះទៅរកភាពជាយុវវ័យជាអមត»។ Doug Hutchison
៨) «នៅក្នុងជីវិតនេះយើងមិនអាចធ្វើរឿងធំអស្ចារ្យបាននោះទេ។ ពួកយើងអាចត្រឹមតែធ្វើរឿងតូចជាមួយក្ដីស្រឡាញ់ដែលធំធេងប៉ុណ្ណោះ»។ Mother Teresa
៩) «កិច្ចការរបស់អ្នកពុំមែនដើម្បីស្វែងរកសេចក្ដីស្រឡាញ់នោះទេ តែគ្រាន់តែដើម្បីស្វែងរកនិងរករនាំងទាំងអស់នៅក្នុងខ្លួនអ្នកដែលអ្នកបានសង់ឡើងសម្រាប់ប្រឆាំងនឹងវា»។ Rumi
១០) «រឿងដែលល្អបំផុតនិងស្រស់ស្អាតបំផុតនៅក្នុងពិភពលោកនេះមិនអាចមើលឃើញឬសូម្បីតែឮ ប៉ុន្តែត្រូវទទួលអារម្មណ៍តាមរយៈបេះដូង»។ Helen Keller
ដោយ៖ ស្រីពៅ
