គន្លឹះសំខាន់ៗ៣យ៉ាងរបស់សហគ្រិនជោគជ័យ ក្នុងការគ្រប់គ្រងពេលវេលា
មិនថាអ្នកជាមនុស្សពូកែឬឆ្លាតវៃយ៉ាងណាក៏ដោយ អ្នកមានពេលត្រឹមតែ២៤ម៉ោងប៉ុណ្ណោះក្នុងមួយថ្ងៃ មិនថាអ្នកមានការងារត្រូវបំពេញច្រើនយ៉ាងណាក៏ដោយ។ តើអ្នកគិតថាអ្វីទៅដែលជាកត្តាចម្បងក្នុងការគ្រប់គ្រងពេលវេលាដ៏ល្អ?
ខាងក្រោមនេះជាគន្លឹះ៣សំខាន់ៗដែលសហគ្រិនកំពូលតែងតែអនុវត្ត។
១) អ្នកមិនអាចធ្វើអ្វីបានជោគជ័យតែម្នាក់ឯងនោះទេ៖ សហគ្រិនភាពប្រៀបបានទៅនឹងក្រុមកីឡាមួយក្រុមអញ្ចឹង។ យើងមិនអាចពឹងពាក់ទៅលើតែគ្រូបង្វឹក ឬក៏មេក្រុមដ៏ល្អម្នាក់នោះទេ ផ្ទុយទៅវិញគឺយើងត្រូវការសមាជិកដ៏សកម្ម និងមោះមុតជាច្រើននាក់ដើម្បីធ្វើឲ្យការងារមួយបានជោគជ័យ។
២) បំពេញការងារចាំបាច់មុន៖ ជារៀងរាល់ថ្ងៃ មុននឹងបំពេញការងារអ្វីមួយ អ្នកគួរតែសួរខ្លួនឯង២សំនួរ។ តើវាសំខាន់ទេ? តើវាបន្ទាន់ទេ? ជាទូទៅ យើងគួរតែធ្វើការងារណាដែលសំខាន់និងបន្ទាន់មុនរួចសឹមធ្វើការងារដែលចាំបាច់ដែរតែមិនសូវជាបន្ទាន់តាមក្រោយ។
៣) កំណត់និងគ្រប់គ្រងការប្រើប្រាស់បណ្ដាញទំនាក់ទំនងសង្គម៖ ភាគច្រើនមនុស្សដែលខ្ជិល ឬចូលចិត្តពន្យារពេលបំពេញការងាររបស់ខ្លួនតែងត្រូវបានបង្វក់ដោយបណ្ដាញទំនាក់ទំនងសង្គមដូចជា Facebook, Instagram, Twitter, etc។ ហេតុដូចនេះ យើងគួរតែព្យាយាមកំណត់ថាតើយើងគួរចំណាយពេលវេលាប៉ុណ្ណាទៅលើពួកវាដោយមិនធ្វើឲ្យប៉ះពាល់ដល់ការសិក្សា ឬការងាររបស់យើង៕
ប្រែសម្រួលដោយ៖ តូច ម៉ាយ៉ារស្មី ប្រភព៖ inc-asean.com
