សង្ខេបព្រឹត្តិការណ៍សេដ្ឋកិច្ចសំខាន់ប្រចាំសប្ដាហ៍
ដើមសប្ដាហ៍នេះ Bizkhmer សូមចែករំលែកនូវព្រឹត្តិការណ៍ព័ត៌មានសេដ្ឋកិច្ចសំខាន់ៗដែលកំពុងតែមានឥទ្ធិពល និងចំណាប់អារម្មណ៍យ៉ាងច្រើន ដើម្បីជាជំនួយដល់លោកអ្នកក្នុងការសម្រេចចិត្តលើមុខជំនួញ។ ខាងក្រោមនេះគឺជាព្រឹត្តិការណ៍ព័ត៌មានសំខាន់ៗចំនួន៦ពីស្ថាប័នព័ត៌មានដែលគួរឲ្យទុកចិត្ត។
ទី១៖ កាលពីថ្ងៃទី១៧ ខែកញ្ញា ឆ្នាំ២០១៩ កាសែតកោះសន្តិភាពបានចេញផ្សាយអំពី វិនិយោគិនចាប់ផ្ដើមងាកទៅតំបន់ជាយរាជធានីសម្រាប់ការវិនិយោគរបស់ខ្លួនខណៈកណ្ដាលក្រុងចង្អៀត៖ ខណៈការអភិវឌ្ឍន៍រាជធានីភ្នំពេញមានសន្ទុះហក់ឡើងយ៉ាងឆាប់រហ័សនឹកស្មានមិនដល់ដែលបានធ្វើឲ្យតម្លៃដីធ្លីនៅតំបន់មាសក្នុងទឹកដីខណ្ឌចំការមន និងខណ្ឌដូនពេញជាដើម ដែលស្ថិតនៅចំកណ្តាលក្រុងមានតម្លៃចូលខ្ទង់ម៉ឺនដុល្លារក្នុងមួយម៉ែត្រការ៉េ អ្នកវិនិយោគិនទាំងក្នុងនិងក្រៅស្រុកហាក់ចាប់ផ្ដើមចាប់អារម្មណ៍ខ្លាំងលើការ វិនិយោគនៅតំបន់ជាយរាជធានី ខណៈកណ្ដាលក្រុងក៏ចាប់ផ្ដើមចង្អៀត តម្លៃដីខ្ពស់កប់ពពកហើយមានទំហំតូចៗ ។ សូមចុចទីនេះដើម្បីអានព័ត៌មានលម្អិត
ទី២៖ ដោយឡែកយោងតាមកាសែត រស្មីកម្ពុជា កាលពីថ្ងៃទី១៩ ខែកញ្ញា ឆ្នាំ២០១៩ បានចេញផ្សាយអំពី កំណើនប្រជាសាស្ត្រនិងហេដ្ឋារចនាសម្ព័ន្ឋល្អកំពុងជំរុញការវិនិយោគនៅក្នុងខណ្ឌសែនសុខ៖ កំណើនប្រជាសាស្ត្រ និងភាពល្អប្រសើរនៃហេដ្ឋារចនាសម្ព័ន្ឋរបស់រដ្ឋាភិបាលបាន និងកំពុងធ្វើឲ្យតំបន់ផ្លូវហាណូយ ក្លាយជាតំបន់ពាណិជ្ជកម្មថ្មីមួយ នៅភាគខាងលិចរាជធានីភ្នំពេញ។ សូមចុចទីនេះដើម្បីអានព័ត៌មានលម្អិត
ទី៣៖ មួយវិញទៀតយោងតាមកាសែត ភ្នំពេញប៉ុស្តិ៍កាលពីថ្ងៃទី ១៧ ខែកញ្ញា ឆ្នាំ២០១៩ បានចេញផ្សាយអំពី CRF: តម្លៃនាំចេញអង្ករទៅអឺរ៉ុបអាចធ្លាក់ ១០ ភាគរយ៖ សហព័ន្ធស្រូវអង្ករកម្ពុជាបានព្យាករថា តម្លៃនៃការនាំចេញអង្ករទៅកាន់អឺរ៉ុប អាចធ្លាក់ចុះប្រមាណ ១០ ភាគរយសម្រាប់ឆ្នាំ ២០១៩។ លោក សុង សារ៉ន ប្រធានសហព័ន្ធស្រូវអង្ករកម្ពុជា (CRF) បានឲ្យដឹងតាមរយៈ Facebook របស់លោកថា ការនាំចេញអង្ករទៅទីផ្សារអឺរ៉ុបមានតម្លៃជាង ២០០ លានដុល្លារកាលពីឆ្នាំ ២០១៨ ខណៈនៅឆ្នាំ ២០១៩ នេះ CRF ព្យាករថា តម្លៃនាំចេញទៅទីផ្សារនេះនឹងធ្លាក់មកនៅប្រហែល ១៨០ លានដុល្លារ ដោយសារវិធានការការពារដែលបានដាក់ចេញដោយសហភាពអឺរ៉ុប កាលពីដើមឆ្នាំនេះ។ សូមចុចទីនេះដើម្បីអានព័ត៌មានលម្អិត
ទី៤៖ ចំណែកសារព័ត៌មាន Dap news កាលពី១០ ខែកញ្ញា ឆ្នាំ២០១៩ បានចេញផ្សាយអំពី បណ្ឌិត គីម ហ៊ាង បង្ហាញសុទិដ្ឋិនិយមចំពោះអតិថិជនថៃ-វៀតណាម ក្នុងទីផ្សារខុនដូកម្ពុជា៖ លោកបណ្ឌិត គីម ហ៊ាង ប្រធានក្រុមហ៊ុន Keller Williams Cambodia និងជាអគ្គនាយកក្រុមហ៊ុន KW Khmer Real Estate បានបង្ហាញសុទិដ្ឋិនិយមខ្ពស់ ចំពោះអតិថិជនជនជាតិថៃ និងវៀតណាម សម្រាប់ទីផ្សារខុនដូនៅកម្ពុជា ដែលលោកកំពុងធ្វើការកៀគរ និងបង្កើតទីផ្សារថ្មី ជាមួយអតិថិជន ស្ថិតនៅក្បែរខាងប្រទេសកម្ពុជានេះ ។ សូមចុចទីនេះដើម្បីអានព័ត៌មានលម្អិត
ទី៥៖ យោងតាមសារព័ត៌មានខ្លីខ្លី កាលពីថ្ងៃទី២០ ខែកញ្ញា ឆ្នាំ២០១៩ បានចេញផ្សាយអំពី ឥណ្ឌូណេស៊ី ចង់វិនិយោគផ្លូវដែក និងកំពង់ផែនៅកម្ពុជា៖ លោក Budi Karya Sumadi រដ្ឋមន្រ្តីក្រសួងដឹកជញ្ជូននៃសាធារណរដ្ឋឥណ្ឌូណេស៊ី បានសម្តែងនូវបំណងពង្រីកអាជីវកម្ម និងវិនិយោគលើវិស័យផ្លូវដែក និងកំពង់ផែនៅកម្ពុជា ព្រោះប្រទេសឥណ្ឌូណេស៊ីមានរោងចក្ររដ្ឋដ៏ធំផលិតទូ និងក្បាលរថភ្លើង ដែករ៉ៃ និងគ្រឿងបង្គុំផ្សេងៗ សម្រាប់បម្រើឲ្យការលើកកម្រិត និងសាងសង់ផ្លូវដែក។ ចំពោះកំពង់ផែវិញ ប្រទេសឥណ្ឌូណេស៊ីមានរោងចក្ររដ្ឋធំៗផលិតនាវា គ្រឿងឧបករណ៍សម្ភារៈបរិក្ខារកំពង់ផែ។ សូមចុចទីនេះដើម្បីអានព័ត៌មានលម្អិត
ទី៦៖ ចុងក្រោយគឺពីគេហទំព័រ Bizkhmer កាលពីថ្ងៃទី១៧ ខែកញ្ញា ឆ្នាំ២០១៩ បានចេញផ្សាយអំពី តំបន់ខ្លាញ់ទាំង៦នេះនឹងក្លាយជាទីតាំងក្ដៅសម្រាប់ការអភិវឌ្ឍន៍ក្នុងឆ្នាំ២០៣០៖ លោក ហឹម សីហា ប្រធានផ្នែកស្រាវជ្រាវនៃក្រុមហ៊ុន Vtrust Appraisal នៅក្នុងកម្មវិធី «ទុនគំនិតនៃការស្វែងយល់ពីសេដ្ឋកិច្ចក្នុងវិស័យអចលនទ្រព្យ» កាលពីព្រឹកថ្ងៃទី១៨ ខែសីហា ឆ្នាំ២០១៩ កន្លងទៅបានបង្ហាញនូវតំបន់សំខាន់ចំនួន៦ដែលនឹងក្លាយជាទីតាំងក្ដៅ នឹងមាននិន្នាការខ្ពស់សម្រាប់ការអភិវឌ្ឍន៍នៅឆ្នាំ២០៣០ខាងមុខនេះ។ សូមចុចទីនេះដើម្បីអានព័ត៌មានលម្អិត
ដោយ៖ ជួប ស្រីរ័ត្ន
