សង្ខេបព្រឹត្តិការណ៍សេដ្ឋកិច្ចប្រចាំសប្ដាហ៍ ក្នុងប្រទេសកម្ពុជា
ដើមសប្ដាហ៍នេះ Bizkhmer សូមចែករំលែកនូវព្រឹត្តិការណ៍ព័ត៌មានសេដ្ឋកិច្ចសំខាន់ៗដែលកំពុងតែមានឥទ្ធិពល និងចំណាប់អារម្មណ៍យ៉ាងច្រើន ដើម្បីជាជំនួយដល់លោកអ្នកក្នុងការសម្រេចចិត្តលើមុខជំនួញ។ ខាងក្រោមនេះគឺជាព្រឹត្តិការណ៍ព័ត៌មានសំខាន់ៗចំនួន៥ពីស្ថាប័នព័ត៌មានដែលគួរឲ្យទុកចិត្ត។
ទី១៖ កាលពីថ្ងៃទី០៤ ខែតុលា ឆ្នាំ២០១៩ កាសែតភ្នំពេញប៉ុស្តិ៍បានចេញផ្សាយអំពី កម្ពុជាប្រមូលពន្ធបានជាង ៤,៥ ពាន់លានដុល្លារ នៅក្នុងរយៈពេល ៩ ខែឆ្នាំនេះ៖ រដ្ឋាភិបាលបានរកចំណូលពីការប្រមូលពន្ធគយ និងពន្ធដារបានប្រមាណ ៤ ៥៦៧ លានដុល្លារ ក្នុងរយៈពេល ៩ ខែឆ្នាំ ២០១៩ នេះ។ យោងតាមរបាយការណ៍របស់អគ្គនាយកដ្ឋានពន្ធដារដែលបានចេញផ្សាយកាលពីថ្ងៃពុធបង្ហាញថា អគ្គនាយកដ្ឋានពន្ធដារប្រមូលពន្ធអាករគ្រប់ប្រភេទបាន ២ ១៨៣ លានដុល្លារ ខណៈលោកនាយករដ្ឋមន្ត្រីបានប្រកាសថា ការប្រមូលពន្ធគយក្នុងរយៈពេលនេះមានចំនួន ២ ៣៨៤ លានដុល្លារអាមេរិក។ សូមចុចទីនេះដើម្បីអានព័ត៌មានលម្អិត
ទី២៖ មួយវិញទៀត យោងតាមកាសែតកោះសន្តិភាព កាលពីថ្ងៃទី០៤ ខែតុលា ឆ្នាំ២០១៩ បានចេញផ្សាយអំពី ADB៖ កំណើនសេដ្ឋកិច្ចកម្ពុជាឆ្នាំនេះ៧ភាគរយ ខណៈឆ្នាំក្រោយនឹងអាចធ្លាក់មកត្រឹម៦,៨ភាគរយ៖ ធនាគារអភិវឌ្ឍន៍អាស៊ី ហៅកាត់ថា ADB បានចេញរបាយការណ៍ថ្មីមួយនិយាយពីកំណើនសេដ្ឋកិច្ចកម្ពុជាក្នុងឆ្នាំ ២០១៩នេះ ដោយបញ្ជាក់ថានឹងសម្រេចបាន ៧ភាគរយ ហើយឆ្នាំ ២០២០ ខាងមុខនឹងមានកំណើនចុះថយបន្តិចគឺអាចត្រឹម ៦,៨ភាគរយ។ តែយ៉ាងណាក៏ដោយ ដើម្បីឲ្យសម្រេចនូវកំណើននេះកម្ពុជាត្រូវធ្វើពិពិធកម្មសេដ្ឋកិច្ចផងដែរ ។ សូមចុចទីនេះដើម្បីអានព័ត៌មានលម្អិត
ទី៣៖ យោងតាមសារព័ត៌មាន Dap News កាលពីថ្ងៃទី០៣ ខែតុលា ឆ្នាំ២០១៩ បានចេញផ្សាយអំពី KW Cambodia និងក្រុមអចលនទ្រព្យជប៉ុន ចុះ MOU លើគម្រោងវិនិយោគ រាប់សិបលានដុល្លារនៅកម្ពុជា៖ ក្រុមហ៊ុនអចលនទ្រព្យ ដ៏ល្បីរបស់អាមេរិក នៅកម្ពុជា Keller Williams Cambodia បានចុះអនុស្សារណៈ យោគយល់គ្នា(MOU)ជាមួយក្រុមហ៊ុន អចលនទ្រព្យ ដ៏ធំរបស់ជប៉ុន CIP ដើម្បីសហការគ្នាលើគម្រោង វិនិយោគសាងសង់បុរី និងខុនដូ ដែលមានទំហំ រាប់សិបលានដុល្លារ នៅកម្ពុជា នាចុងឆ្នាំ២០២០ ខាងមុខ។ សូមចុចទីនេះដើម្បីអានព័ត៌មានលម្អិត
ទី៤៖ កាលពីថ្ងៃទី០៣ ខែតុលា ឆ្នាំ២០១៩ កាសែតរស្មីកម្ពុជាបានចេញ រយៈពេល២២ឆ្នាំ ទំហំពាណិជ្ជកម្ម រវាង ប្រទេសកូរ៉េ និងកម្ពុជា មាន ការ កើនឡើងពី ៥៤លានដុល្លារ ហូតដល់ ៩៧០លានដុល្លា៖ ស្ថានទូតកូរ៉េ ប្រចាំនៅប្រទេសកម្ពុជា បានរៀបចំប្រារព្ធនូវទិវាបុណ្យជាតិ សាធារណរដ្ឋកូរ៉េ ( The National Day of Republic of Korea (ROK) reception) កាលពីយប់ថ្ងៃពុធ ទី២ តុលា ២០១៩ នៅសណ្ឋាគារសូហ្វីតែល ភ្នំពេញ ភូគីត្រា រួមជាមួយពិព័រណ៍តាំងបង្ហាញផលិតផលកសិឧស្សាហ៍កម្មដ៏មានគុណភាព បំផុតនៅប្រទេសកូរ៉េ Agri-Food Korea 2019 ។ សូមចុចទីនេះដើម្បីអានព័ត៌មានលម្អិត
ទី៥៖ សារព័ត៌មានProperty area កាលពីថ្ងៃទី០៤ ខែតុលា ឆ្នាំ២០១៩ បានចេញផ្សាយពី ដើមខែតុលា CDC អនុម័តគម្រោងវិនិយោគចំនួន៣ មានទឹកប្រាក់ជាង ១៥លានដុល្លារ៖ ដើមខែតុលានេះ រដ្ឋាភិបាលតាមរយៈក្រុមប្រឹក្សាអភិវឌ្ឍន៍កម្ពុជា (CDC) បានអនុម័តជាផ្លូវការនូវម្រោង វិនិយោគលើរោងចក្រកាត់ដេរ និងរោងចក្រផលិតកាបូបចំនួន៣ មានទឹកប្រាក់ចំនួនជាង ១៥,៤ លានដុល្លារអាមេរិកដែលមានទីតាំងនៅភ្នំពេញ និងខេត្តកំពង់ស្ពឺ៕ សូមចុចទីនេះដើម្បីអានព័ត៌មានលម្អិត
ដោយ៖ ជួប ស្រីរ័ត្ន
