សង្ខេបព្រឹត្តិការណ៍សេដ្ឋកិច្ចប្រចាំសប្ដាហ៍ក្នុងប្រទេស
ដើមសប្ដាហ៍នេះ Bizkhmer សូមចែករំលែកនូវព្រឹត្តិការណ៍ព័ត៌មានសេដ្ឋកិច្ចសំខាន់ៗដែលកំពុងតែមានឥទ្ធិពល និងចំណាប់អារម្មណ៍យ៉ាងច្រើន ដើម្បីជាជំនួយដល់លោកអ្នកក្នុងការសម្រេចចិត្តលើមុខជំនួញ។ ខាងក្រោមនេះគឺជាព្រឹត្តិការណ៍ព័ត៌មានសំខាន់ៗចំនួន៥ពីស្ថាប័នព័ត៌មានដែលគួរឲ្យទុកចិត្ត។
១. យោងតាមកាសែត ភ្នំពេញប៉ុស្តិ៍ កាលពីថ្ងៃទី១៨ ខែតុលា ឆ្នាំ២០១៩ បានចេញផ្សាយអំពី ជីប ម៉ុង គ្រុប ទិញយកក្រុមហ៊ុនអភិវឌ្ឍន៍ ហ្គ្រេន ភ្នំពេញ៖ ក្រុមហ៊ុន ជីប ម៉ុង គ្រុប ដែលប្រតិបត្តិការស្ទើរគ្រប់វិស័យក្នុងប្រទេសកម្ពុជាបានទិញយកគម្រោងអភិវឌ្ឍន៍ក្រុងរណប ហ្គ្រេន ភ្នំពេញក្នុងតម្លៃមិនត្រូវបានបញ្ចេញមួយ។ នេះបើយោងតាមសេចក្តីប្រកាសរបស់ ហ្គ្រេន ភ្នំពេញ ដែលបានចុះកាលបរិច្ឆេទកាលពីថ្ងៃទី ១៦ ខែតុលា ឆ្នាំ ២០១៩។ សូមចុចទីនេះដើម្បីអានព័ត៌មានលម្អិត
២. ដោយឡែក កាសែតកោះសន្តិភាព កាលពីថ្ងៃទី១៦ ខែតុលា ឆ្នាំ២០១៩ បានចេញផ្សាយអំពី ការវិនិយោគតំបន់មាត់សមុទ្រកើនឡើងដល់ជាង២,៦ ពាន់លានដុល្លារក្នុងនោះខេត្តព្រះសីហនុជាប់លេខ១៖ បើយោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា ហៅកាត់ថា CDC បានបង្ហាញថា ចាប់តាំងពីឆ្នាំ២០១៦ ដល់ដំណាច់ខែសីហា ឆ្នាំ ២០១៩នេះ ការវិនិយោគនៅក្នុងខេត្តព្រះសីហនុ ខេត្តកោះកុង និងខេត្តកំពត មានទុនវិនិយោគប្រមាណ២,៦ពាន់លានដុល្លារអាមេរិក ដែលស្មើនឹងប្រមាណ១១,៥ភាគរយនៃទំហំវិនិយោគសរុបនៅកម្ពុជា។ ក្នុងរបាយការណ៍នោះដែរបានបង្ហាញថា ការវិនិយោគ នៅខេត្តកោះកុងមានទំហំវិនិយោគប្រមាណ ៤៧០លានដុល្លារអាមេរិក ខេត្តព្រះសីហនុ មានទំហំវិនិយោគចំនួន ២ពាន់លានដុល្លារអាមេរិក និងខេត្តកំពត មានទំហំវិនិយោគប្រមាណជាង១០០លានដុល្លារអាមេរិក ។ សូមចុចទីនេះដើម្បីអានព័ត៌មានលម្អិត
៣. សារព័ត៌មានខ្លីខ្លី កាលពីថ្ងៃទី១៧ ខែតុលា ឆ្នាំ២០១៩ បានចេញផ្សាយអំពីកម្ពុជា-ប៊ុលហ្គារី ចុះកិច្ចព្រមព្រៀង ស្តីពីកិច្ចសហប្រតិបត្តិការសេដ្ឋកិច្ច វិទ្យាសាស្រ្ត និងបច្ចេកទេស៖ នៅថ្ងៃទី១៦ ខែតុលា ឆ្នាំ២០១៩ លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម តំណាងរាជរដ្ឋាភិបាលកម្ពុជា បានចុះហត្ថលេខាលើកិច្ចព្រមព្រៀង ស្តីពីកិច្ចសហប្រតិបត្តិការសេដ្ឋកិច្ច វិទ្យាសាស្រ្ត និងបច្ចេកទេស ជាមួយលោក Emil Karanikolov រដ្ឋមន្រ្តីក្រសួងសេដ្ឋកិច្ច នៃសាធារណរដ្ឋប៊ុលហ្គារី ដើម្បីបង្កើនការទំនាក់ទំនង និងមិត្តភាពជាប្រពៃណីរវាងភាគីទាំងពីរ ជាពិសេសការលើកកម្ពស់កិច្ចសហប្រតិបត្តិការក្នុងវិស័យ សេដ្ឋកិច្ច វិទ្យាសាស្រ្ត និងបច្ចេកទេស ដែលផ្តល់ផលប្រយោជន៍ទៅវិញទៅមក។ សូមចុចទីនេះដើម្បីអានព័ត៌មានលម្អិត
៤. មួយវិញទៀតយោងតាមកាសែត Dap news កាលពីថ្ងៃទី២២ ខែតុលា ឆ្នាំ២០១៩ បានចេញផ្សាយអំពី អ្នកជំនាញ៖ ការផ្គត់ផ្គង់ ទីកន្លែងតាំងពិព័រណ៍ ផលិតផលនានា នៅកម្ពុជា នៅមិនទាន់អាចឆ្លើយតប នឹងតម្រូវការ៖ ការផ្គត់ផ្គង់ទីតាំង សម្រាប់ព្រឹត្តិការណ៍ ពិព័រណ៍ផលិតផល នានានៅកម្ពុជា នាពេលបច្ចុប្បន្ននេះ ត្រូវបានអ្នកជំនាញអះអាងបញ្ជាក់ប្រាប់ថា នៅមិនទាន់អាចផ្គត់ផ្គង់ តម្រូវការទីផ្សារបានគ្រប់គ្រាន់នៅឡើយទេ ខណៈដែលអ្នកវិនិយោគមួយចំនួន ធំហាក់ព្រងើយ កន្តើយមិនចាប់អារម្មណ៍ នឹងមុខជំនួញមួយនេះ។ សូមចុចទីនេះដើម្បីអានព័ត៌មានលម្អិត
៥. ចុងក្រោយ សម្រាប់គេហទំព័រBizkhmer កាលពីថ្ងៃទី២៥ ខែតុលា ឆ្នាំ២០១៩ បានចេញផ្សាយអំពី ក្រុមហ៊ុនជប៉ុនមួយ គ្រោងបង្កើតរោងចក្រច្នៃគ្រាប់ស្វាយចន្ទីស្តង់ដារអន្តរជាតិនៅកម្ពុជា៖ នៅក្នុងជំនួបជាមួយឯកឧត្ដម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី២៤ ខែតុលា ឆ្នាំ២០១៩កន្លងទៅ លោក Murayama Tsetuo នាយកក្រុមហ៊ុន Top Planning Japan Co., Ltd បានបង្ហាញពីឆន្ទៈចង់បង្កើតរោងចក្រកែច្នៃគ្រាប់ស្វាយចន្ទីរបស់កម្ពុជាក្នុងកម្រិតស្តង់ដារអន្តរជាតិ។ នេះបើយោងតាមការផ្សាយរបស់ក្រសួងកសិកម្ម រុក្ខាប្រមាញ់ និងនេសាទ។ សូមចុចទីនេះដើម្បីអានព័ត៌មានលម្អិត
ដោយ៖ ជួប ស្រីរ័ត្ន
