សង្ខេបព្រឹត្តិការណ៍សេដ្ឋកិច្ចកម្ពុជាសំខាន់ៗ
នាដើមសប្ដាហ៍នេះ Bizkhmer សូមចែករំលែកនូវព្រឹត្តិការណ៍ព័ត៌មានសេដ្ឋកិច្ចសំខាន់ៗចំនួន៥ដែលកំពុងតែមានឥទ្ធិពល និងចំណាប់អារម្មណ៍យ៉ាងច្រើន ដើម្បីជាជំនួយដល់លោកអ្នកក្នុងការសម្រេចចិត្តលើមុខជំនួញរបស់លោកអ្នក។ ខាងក្រោមនេះគឺជាព្រឹត្តិការណ៍ព័ត៌មានសំខាន់ៗពីស្ថាប័នព័ត៌មានដែលគួរឲ្យទុកចិត្ត។
ទី១ យោងតាមកាសែតភ្នំពេញប៉ុស្ដិ៍ កាលពីថ្ងៃទី១៥ ខែវិច្ឆិកា ឆ្នាំ២០១៩ បានចុះផ្សាយអំពី រដ្ឋាករទឹកចុះកិច្ចព្រមព្រៀង $១៥៦ លាន លើគម្រោងទឹកស្អាត៖ រដ្ឋាករទឹកស្វយ័តក្រុងភ្នំពេញ (PPWSA) ដែលជាក្រុមហ៊ុនចុះបញ្ជីនៅផ្សារមូលបត្រកម្ពុជា និងក្រុមហ៊ុនបារាំង Vinci Construction Grands Projects សម្រេចបានកិច្ចព្រមព្រៀងមួយមានតម្លៃ ១៥៦ លានដុល្លារកាលពីថ្ងៃព្រហស្បតិ៍សម្រាប់ការសាងសង់រោងចក្រផលិតទឹកស្អាតបាក់ខែង ដើម្បីឆ្លើយតបកំណើនតម្រូវការយ៉ាងរហ័សនៃទឹកស្អាតនៅទីក្រុងភ្នំពេញ។ សូមចុចទីនេះដើម្បីអានព័ត៌មានលម្អិត
ទី២ តាមកាសែត KhmerTime កាលពីថ្ងៃទី០៧ ខែវិច្ឆិកា ឆ្នាំ២០១៩ បានចេញផ្សាយអំពី គម្រោងអគ្គិសនីថាមពលខ្យល់សាងសង់នៅបូកគោ បានទៅដល់ក្រសួងថាមពល៖ យោងតាមមន្រ្តីថាមពលជាន់ខ្ពស់បានឱ្យដឹងថា ក្រុមហ៊ុន The Blue Circle Pte Ltd ដែលមានមូលដ្ឋាននៅប្រទេសសិង្ហបុរីនឹងជួបពិភាក្សាជាមួយរដ្ឋាភិបាលនៅខែនេះ ដើម្បីពិភាក្សាពីផែនការសាងសង់ស្ថានីយថាមពលអគ្គិសនីដោយខ្យល់នៅក្នុងខេត្តកំពត។ សូមចុចទីនេះដើម្បីអានព័ត៌មានលម្អិត
ទី៣ កាសែត រស្មីកម្ពុជា កាលពីថ្ងៃទី០៨ ខែវិច្ឆិកា ឆ្នាំ២០១៩ បានចេញផ្សាយអំពី ចំណាយទុនវិនិយោគ ៨ លានដុល្លារ ពង្រីកចំណតយន្តហោះថ្មី ” B ” បន្ថែម៖ ក្រុមហ៊ុនអាកាសយានដ្ឋានកម្ពុជា បានដាក់ទុនវិនិយោគ ចំនួន ៨ លានដុល្លារអាមេរិក ដើម្បីពង្រីកចំណតយន្តហោះថ្មី ” B ” បន្ថែមទៀត នៅក្នុងអាកាសយានដ្ឋាន អន្តរជាតិភ្នំពេញ ក្នុងគោលបំណងឆ្លើយតបនឹងកំណើន នៃជើងហោះហើរ កំណើននៃអ្នកដំណើរ ក៏ដូចជាអ្នកទេសចរ ហើយក៏ដើម្បីត្រៀមសម្រាប់ព្រឹត្តិការណ៍អន្តរជាតិធំៗ ដែលកម្ពុជាធ្វើជាម្ចាស់ផ្ទះ នៅបណ្ដាឆ្នាំក្រោយ ដែលការអភិវឌ្ឍរបស់ក្រុមហ៊ុននេះ បានធ្វើឡើង តាមការណែនាំដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ សូមចុចទីនេះដើម្បីអានព័ត៌មានលម្អិត
ទី៤ សារព័ត៌មាន ខ្លីខ្លី កាលពីថ្ងៃទី១៨ ខែវិច្ឆិកា ឆ្នាំ២០១៩ បានចេញផ្សាយអំពី សម្តេច ហ៊ុន សែន បង្ហើបថា ខេត្តស្វាយរៀងមានតំបន់ប្រេង៖ ក្នុងពិធីប្រគល់សញ្ញាប័ត្រដល់និស្សិតសាកលវិទ្យាល័យធនធានមនុស្ស នាព្រឹកថ្ងៃទី១៨ ខែវិច្ឆិកា ឆ្នាំ២០១៩ សម្តេចនាយករដ្ឋមន្រ្តី ហ៊ុន សែន បានបង្ហើបឱ្យដឹងថា ក្នុងខេត្តស្វាយរៀង ក៏មានតំបន់ប្រេងកាតផងដែរ។ សូមចុចទីនេះដើម្បីអានព័ត៌មានលម្អិត
ទី៥ តាម Bizkhmer កាលពីថ្ងៃទី១២ ខែវិច្ឆិកា ឆ្នាំ២០១៩ បានចេញផ្សាយអំពី ភ្នាក់ងារអភិវឌ្ឍបារាំងបង្ហាញបំណងចង់វិនិយោគប្រព័ន្ធទឹកស្អាតនៅព្រះសីហនុ៖ ភ្នាក់ងារអភិវឌ្ឍបារាំងដែលសហការជាមួយកម្ពុជា លើគម្រោងទឹកស្អាតនៅរាជធានីភ្នំពេញ និងខេត្តសៀមរាប មានបំណងចង់មកវិនិយោគទឹកស្អាតនៅខេត្តព្រះសីហនុបន្ថែម។ នេះបើតាមការលើកឡើងពី លោកជំទាវ EVA NGUYEN BINH ឯកអគ្គរដ្ឋទូតបារាំងប្រចាំកម្ពុជា នៅក្នុងជំនួបជាមួយជាមួយឯកឧត្ដម គួច ចំរើន អភិបាលខេត្តព្រះសីហនុ កាលពីថ្ងៃទី៥ ខែវិច្ឆិកា ឆ្នាំ២០១៩ កន្លងទៅ ។ សូមចុចទីនេះដើម្បីអានព័ត៌មានលម្អិត
ដោយ៖ ជួប ស្រីរ័ត្ន
