អ្នកសិក្សាស្រាវជ្រាវចិនបានសម្រេចជាផ្លូវការក្នុងការប្រើថ្នាំប្រឆាំងនឹងជំងឺផ្តាសាយ (Avigan) ដែលផលិតដោយក្រុមហ៊ុនមួយរបស់ជប៉ុន  Fujifilm Toyama Chemical  ក្នុងការព្យាបាលអ្នកឆ្លងវីរុសកូវីដ១៩ នេះបើយោងតាមការចុះផ្សាយ NHK WORLD-JAPAN។

លោក Zhang Xinmin ប្រធានមជ្ឈមណ្ឌលជាតិសម្រាប់ការអភិវឌ្ឍជីវបច្ចេកវិទ្យា (Director of the National Center for Biotechnology Development) បាននិយាយនៅក្នុងសន្និសីទសារព័ត៌មានមួយនៅទីក្រុងប៉េកាំងកាលពីថ្ងៃអង្គារថាថ្នាំនេះត្រូវបានគេរកឃើញថាមានប្រសិទ្ធភាពក្នុងការសាកល្បងនៅក្នុងគ្លីនិកដោយអង្គការវេជ្ជសាស្ត្រពីរនៅក្នុងប្រទេស។

លោក បន្តថា ឱសថនេះបានសាកល្បងនៅទីក្រុង Wuhan និង Shenzhen ដែលជាមួយអ្នកជំងឺ ៣៤០ នាក់បន្ថែមនាក់នៅក្នុងទីក្រុង Wuhan និង Shenzhen ដោយបានគេរកឃើញថា៖

• អាចកាត់បន្ថយកម្តៅពីមុនជាមធ្យមរយៈពេលពី ៤,២ ថ្ងៃ មកត្រឹម ២,៥ ថ្ងៃ
• អាចបំបាត់ក្អកបានជាមធ្យម ៤,៥៧ ថ្ងៃ បើធៀបនឹងអ្នកមិនបានប្រើថ្នាំគឺ ៥,៩៨ ថ្ងៃ
• កាត់បន្ថយរយៈជំងឺជាមធ្យម ៤ថ្ងៃ បើធៀបនឹងរយៈពេលមុនជាមធ្យមរហូតដល់ ១១ ថ្ងៃឯណោះ
• ការពិសោធន៍បង្ហាញដោយកាំរស្មី X ថាចំពោះអ្នកដែលបានប្រើថ្នាំនេះមានស្ថានភាពសួត មានលក្ខណៈប្រសើរជាងរហូតដល់ ៩១% ធៀបនឹងអ្នកមិនបានប្រើប្រាស់ថ្នាំនេះដែលមានមាន ៦២%៕

អត្ថបទទាក់ទង៖ មន្ត្រីជាន់ខ្ពស់ចិន៖ ថ្នាំផ្ដាសាយ Favipiravir ប្រសិទ្ធភាពខ្ពស់​ព្យាបាល Covid19!​

ដោយ៖ Anthony