ព្រឹត្តិការណ៍សំខាន់ៗជុំវិញកូវី១៩ បន្ទាប់ពីមានអ្នកឆ្លងជាង ១លាននាក់នៅជុំវិញពិភពលោក!
ចាប់តាំងពីការកកើតឡើងនៃកូវីដ១៩ ក្នុងទីក្រុងវូហានមក មានប្រទេសនិងដែនដីជាង ២០០ ពោលគឺនៅសល់ដែនដី និងប្រទេសតិចតួចបំផុត ដែលមិនទាន់បានឆ្លងកូវីដ១៩ ហើយទិន្នន័យអ្នកឆ្លងសរុបកើនឡើងដល់ជាង ១លាននាក់ហើយគិតត្រឹមចុងសប្ដាហ៍នេះនៅទូទាំងពិភពលោក។ តាមសេចក្ដីរាយការណ៍ព័ត៌មាន ប្រទេសចិនហាក់មានភាពធូរស្រាលទាំងអ្នកឆ្លង និងចំនួនអ្នកស្លាប់ ប៉ុន្តែសហរដ្ឋអាមេរិក និងអឺរ៉ុប បានធ្លាក់ទៅក្នុងស្ថានភាពមួយដែលមានចំនួនអ្នកឆ្លង និងស្លាប់ច្រើនជាងគេ បើធៀបនឹងប្រទេសចិន និងបណ្ដាធំៗនៅអាស៊ី។
ដូច្នេះស្របពេលដែលចំនួនអ្នកឆ្លងនៅជុំវិញពិភពលោក យើងនឹងធ្វើសេចក្តីសង្ខេបព្រឹត្តិការណ៍សំខាន់ៗពីការរាតត្បាតដោយកូវីដ១៩៖
ចំនួនករណីដែលបានបញ្ជាក់ជាសកលនៃចំនួនឆ្លង មួយលាននាក់៖ យ៉ាងហោចណាស់មានមនុស្សមួយលាននាក់នៅជុំវិញពិភពលោកបានឆ្លងជំងឺនេះ ចាប់តាំងពីការផ្ទុះឡើងមក។ នេះបើយោងតាមតួលេខដែលប្រមូលបានដោយអ្នកស្រាវជ្រាវមកពីសាកលវិទ្យាល័យ Johns Hopkins ។
ចំនួនអ្នកស្លាប់ទូទាំងពិភពលោកកើនដល់ជាង ៥ ម៉ឺននាក់៖ យោងតាមអ្នកស្រាវជ្រាវដដែលបានឲ្យដឹងថាចំនួនអ្នកស្លាប់ដែលបានបញ្ជាក់មានចំនួនលើសពី ៥០ ០០០ នាក់ (គិតត្រឹមថ្ងៃទី៤ មេសា នេះកើនដល់ ៥៩ ១៧៩នាក់)។ ប្រទេសអ៊ីតាលីនៅតែជាប្រទេសដែលរងផលប៉ះពាល់ខ្លាំងបំផុត (គិតទៅលើចំនួនអ្នកស្លាប់) ពីការផ្ទុះឡើងនៃជំងឺនេះ ដោយមានអ្នកស្លាប់ចំនួន ១៤ ៦៨១ នាក់បន្ទាប់មកគឺប្រទេសអេស្ប៉ាញដែលមានអ្នកស្លាប់ ១១ ១៩៨ នាក់។ សហរដ្ឋអាមេរិក គឺជាប្រទេសដែលរងផលប៉ះពាល់អាក្រក់បំផុតទី ៣ ដោយមានអ្នកស្លាប់សរុប ៧ ៤០២ នាក់។
រដ្ឋមន្រ្តីសុខាភិបាលអង់គ្លេសកំណត់គោលដៅនៃការធ្វើតេស្ត ១០ម៉ឺននាក់ក្នុងមួយថ្ងៃ៖ រដ្ឋលេខាធិការក្រសួងសុខាភិបាលលោក Matt Hancock បានមានប្រសាសន៍ថា រដ្ឋាភិបាលនឹងបង្កើតការធ្វើរោគវិនិច្ឆ័យមួយដែលមានលក្ខណៈជាឧស្សាហកម្ម ដែលឈានដល់ការធ្វើតេស្តមនុស្ស ១០ម៉ឺនដងក្នុងមួយថ្ងៃៗនៅចុងខែនេះ ខណៈដែលលោកបានបង្ហាញយុទ្ធសាស្រ្ត របស់គាត់។
ចំនួនអ្នកស្លាប់នៅមន្ទីរពេទ្យអង់គ្លេសកើនឡើងដល់ ២ ៩២១ នាក់៖ យោងតាមនាយកដ្ឋានសុខាភិបាលអង់គ្លេសបានឲ្យដឹងថាអ្នកជំងឺសរុបចំនួន ២ ២២១ នាក់បានស្លាប់នៅក្នុងមន្ទីរពេទ្យបន្ទាប់ពីបានធ្វើតេស្តរកឃើញវីរុសនេះគិតត្រឹម។ ហើយមនុស្ស ១៦៣ ១៩៤ នាក់ត្រូវបានសាកល្បងដោយមានការធ្វើតេស្តវិជ្ជមានចំនួន ៣៣ ៧១៨ករណី។ តួលេខគិតត្រឹមថ្ងៃទី២ ខែមេសាកន្លងទៅ។
ប្រទេសអ៊ីតាលីមានអ្នកស្លាប់ ៧៦០ នាក់បន្ថែម៖ ប្រទេសអ៊ីតាលីបានចុះបញ្ជីចំនួនអ្នកស្លាប់ ៧៦០ នាក់បន្ថែមទៀតពី Covid-19 កាលពីថ្ងៃព្រហស្បតិ៍ ច្រើនជាងថ្ងៃពុធ 33នាក់។ មនុស្សសរុបទាំងអស់ ១៤ ៦៨១ នាក់នាក់បានស្លាប់ដោយសារវីរុសនេះនៅក្នុងប្រទេសគិតមកដល់ថ្ងៃទី៤ មេសានេះ។
យ៉ាងហោចណាស់មានមនុស្សជាង ៦,៧ លាននាក់នៅសហរដ្ឋអាមេរិកបានដាក់ពាក្យសុំអត្ថប្រយោជន៍ឥតការងារធ្វើក្នុងមួយសប្តាហ៍ៗ៖ មនុស្សជាង ៦,៦៥ លាននាក់បានដាក់ពាក្យសុំអត្ថប្រយោជន៍ពីភាពគ្មានការងារធ្វើនៅសហរដ្ឋអាមេរិកកាលពីសប្តាហ៍មុន។ នេះបើយោងតាមតួលេខផ្លូវការចុងក្រោយដែលបង្ហាញពីផលប៉ះពាល់សេដ្ឋកិច្ចដ៏ធ្ងន់ធ្ងរនៃការរាតត្បាតកូវីដ១៩ ទៅលើសេដ្ឋកិច្ចអាមេរិក។
សេចក្តីរាយការណ៍ពីចំនួនអ្នកស្លាប់នៅស្កុតឡេន មានការយឺតយ៉ាវក្នុងការរាយការណ៍ជាមូលដ្ឋាន៖ រដ្ឋមន្រ្តីទីមួយលោក Nicola Sturgeon បានទទួលស្គាល់ថា ចំនួនអ្នកស្លាប់នៅស្កុតឡេនត្រូវបានគេរាយការណ៍ ពីកំហុសនៃបច្ចេកទេសក្នុងការជូនដំណឹងដល់រដ្ឋាភិបាលនៃចំនួនអ្នកស្លាប់ថ្មី។ មួយផ្នែកដោយសារតែបញ្ហានេះ មានចំនួនអ្នកស្លាប់បានកើនឡើងដល់ ៦៦% ក្នុងមួយថ្ងៃដែលកើនឡើងពី ៥០ ទៅ ១២៦ នាក់ជាប្រចាំ។
ប្រទេសអាឡឺម៉ង់មានអាជីវកម្មចំនួន ១,១ លានកំពុងសុំជំនួយពីរដ្ឋាភិបាលភ្លាមៗ៖ រហូតមកដល់ពេលនេះអាជ្ញាធរនៅប្រទេសអាឡឺម៉ង់បានទទួលពាក្យសុំចំនួន ១,១ លានសម្រាប់ជំនួយពីអាជីវកម្មដែលរកស៊ីដោយខ្លួនឯង និងអាជីវកម្មខ្នាតតូច។ €1bn (១ពាន់លានផោន) ត្រូវផ្តល់ឲ្យពួកគេរួចរាល់អស់ហើយ ហើយការទូទាត់ ១,៨លានផោនបន្ថែមត្រូវបានយល់ព្រម។
Catalonia សុំជំនួយពីកងទ័ពអេស្ប៉ាញ៖ មេដឹកនាំដែលគាំទ្រការផ្ដាច់ខ្លួនឯករាជ្យភាពនៃតំបន់ Catalonia ដែលជាតំបន់មួយនៅប្រទេសអេស្ប៉ាញ រងការវាយប្រហារដោយវីរុសនេះធ្ងន់ធ្ងរ បន្ទាប់ពីម៉ាឌ្រីដ ហើយបានបោះបង់ចោលភាពស្ទាក់ស្ទើររបស់រដ្ឋាភិបាលលោក ក្នុងការស្វែងរកជំនួយពីកងទ័ពអេស្ប៉ាញ។
អត្ថបទពាក់ព័ន្ធ៖
- ចូលរួមត្រេកអរ! កូនបារាំងអាយុ ៤ខែដែលឆ្លងកូវីដ ជាសះស្បើយហើយ
- បំរាមគោចរថ្មីមួយទៀតទៅលើប្រជាជនថៃ នឹងត្រូវបានចាប់ផ្តើមពីថ្ងៃសុក្រនេះតទៅ
ដោយ៖ Anthony
