​តើ​ក្រុមហ៊ុន​ធំៗ​របស់​អាមេរិក​ជិត ​២០០​​​​ផ្លាស់ប្ដូរ​រោងចក្រ​ខ្លួន​ពី​ ចិន​ ទៅ​ឥណ្ឌា​ មែន?​



នេះ​គ្រាន់​តែ​ជា​សំណួរ​ដែល​ទទួល​បាន​ការ​ចាប់​អារម្មណ៍​ពី​សេចក្ដី​រាយការណ៍​របស់​សារព័ត៌មាន​ The Economic Times ​ ចុះផ្សាយ​ដែល​ថា​ ​ក្រុមហ៊ុន​អាមេរិក​ធំ​ៗ​ប្រមាណ​ជិត ២០០​​បាន​និង​កំពុង​ស្វះស្វែង​ចង់​ផ្លាស់ប្ដូរ​ទីតាំង​ផលិតកម្ម​របស់​ខ្លួន​ពី​ប្រទេស​ចិន​ ទៅ​ប្រទេស​ឥណ្ឌា​វិញ។  ក្រុមហ៊ុនអាមេរិក​ជា​ច្រើន​បានដាក់​ជា​សំណួរ​តាមរយៈ វេទិកា​យុទ្ធសាស្ត្រ​ និង​ភាព​ជា​ដៃគូ​រវាង​សហរដ្ឋ​អាមេរិក​ និង​ឥណ្ឌា (USISPF) ថា​តើ​ឥណ្ឌា​បង្កើត​នូវ​ជម្រើស​ផ្សេងៗ (alternatives) ​ប្ដូរ​ពីការវិនិយោគ​នៅ ចិន មក​ ឥណ្ឌា​  វិញ​ដោយ​របៀបណា? 

​​​បើ​តាម​ប្រភព​ដដែល​ អះអាង​ថា​ ​មាន​ឱកាស​​​​ដ៏​អស្ចារ្យ​ (fantastic opportunity) សម្រាប់​ ក្រុមហ៊ុន​អាមេរិក​ទាំង​អស់​នោះ​ ប្រសិន​បើ​ពួក​គេ​​​បង្កើត​នូវ​ជម្រើស​ថ្មី​មួយ​ទៀត​ជា​មួយ​នឹង​មហា​យក្ស​ចិន។ ​​​​​​​ប្រធាន​​វេទិកា​យុទ្ធសាស្ត្រ​ និង​ភាព​ជា​ដៃគូ​រវាង​សហរដ្ឋ​អាមេរិក​ និង​ឥណ្ឌា​ (US-India Strategic and Partnership Forum-USISPF) ​លោក​ Mukesh Aghi ​បាន​ថ្លែង​ថា​ ​ក្រុមហ៊ុន​​សហរដ្ឋ​អាមេរិក​បាន​ជជែក​អំពី​បញ្ហា​នេះ​ ដើម្បី​បង្កើត​ជម្រើស​ថ្មី​មួយ​ទៀត​លើ​ការ​វិនិយោគ​នៅ​ប្រទេស​ឥណ្ឌា។ ​

លោក​ Aghi បាន​បន្ថែម​ទៀត​ថា​ ​ការ​ផ្ដល់​អនុសាសន៍​របស់​វេទិកា​ USISPF ចំពោះ​រដ្ឋាភិបាល​ថ្មី​​របស់​ឥណ្ឌា​ នឹង​អាច​ជួយ​បង្កើន​ល្បឿន​នៃ​កំណែទម្រង់​ និង​នាំ​មក​នូវ​តម្លាភាព​ក្នុង​ដំណើរការ​នៃ​ការ​សម្រេច​ចិត្ត។ លោក​បាន​ថ្លែង​ដូច្នេះ​ថា ៖«​ខ្ញុំ​គិត​ថា​ វា​សំខាន់។ យើង​នឹង​ផ្ដល់​នូវ​គំនិត​ក្នុង​ការ​នាំ​មក​នូវ​តម្លាភាព​នៅ​ក្នុង​ដំណើរការ​នេះ​ និង​ដើម្បី​ធ្វើ​ឱ្យ​មាន​ពិគ្រោះយោបល់​ច្រើន​ឡើង​ ​ពី​ព្រោះ​ពី​ ១២​ទៅ​ ១៨​ខែ​ យើង​នឹង​ស្វះស្វែង​រក​ក្រុមហ៊ុន​អាមេរិក​ឱ្យ​ពិចារណា​ទៅ​លើ​ការ​សម្រេច​ចិត្ត​នេះ​ មិន​ថា​ទម្រង់​ជា​ពាណិជ្ជកម្ម​ ឬ​ការ​​កិច្ច​ការ​ទិន្នន័យ​ (data localization) ដែល​ចាំ​បាច់​ចំពោះ​លក្ខខណ្ឌ​ក្នុង​ស្រុក​ជា​ជាង​សកលលោក»

ជា​ការ​ឆ្លើយ​តប​ទៅ​នឹង​របៀប​វារៈដែល​មាន​សម្រាប់​រដ្ឋាភិបាល​ថ្មី​របស់​ឥណ្ឌា​ដើម្បី​ទាក់ទាញ​ការ​វិនិយោគ​ថ្មី​ៗ​ លោក​ Aghi ​បាន​ផ្ដល់​យោបល់​ថា​  ក្រុង​​ New Delhi ​ត្រូវ​ការ​ពន្លឿន​​ការ​ធ្វើ​កំណែ​ទម្រង់​ និង​​នាំ​មក​នូវ​​តម្លាភាព​កាន់​តែ​ច្រើន​ឡើង​នៅ​ក្នុង​ដំណើរការ​របស់​ខ្លួន​ និង​ធ្វើ​ការ​ទំនាក់ទំនង​ឱ្យ​បាន​ច្រើន​ជាង​នេះ។

​​​លោក​បាន​ថ្លែង​ផង​ដែរ​ អំពី​ការ​ដាក់​ចេញ​នូវ​ផែនការ​​របស់​រដ្ឋ​ដែល​ត្រូវ​មាន​​ដំណោះស្រាយ​លើ ​បញ្ហា​ដីធ្លី​ បញ្ហា​ពន្ធ​គយ ​ដើម្បី​វិវឌ្ឍន៍​ឥណ្ឌា ​ឱ្យ​ទៅ​ជា​​ផ្នែក​មួយ​នៃ​ចង្វាក់​ផ្គត់ផ្គង់​ពិភពលោក (Global Supplied Chain)។ ​លោក​ថា​ ការ​បង្កើត​នូវ​កិច្ច​ព្រមព្រៀង​ពាណិជ្ជកម្ម​សេរី​ (Free Trade Agreement) គឺ​ជា​ចំណុច​ចាំបាច់​បំផុត​​រវាង​ ឥណ្ឌា​ និង​សហរដ្ឋ​អាមេរិក។ ​

អត្ថបទពាក់ព័ន្ធ៖

បញ្ហា​ដែល​កំពុង​បង្ក​ក្ដី​បារម្ភ​សម្រាប់​ឥណ្ឌា​នោះ​គឺ​ តម្លៃ​ទំនិញ​​របស់​ចិន​ធូរ​ថ្លៃ ដូច្នេះ​ទាល់​តែ​មាន​ពាណិជ្ជកម្ម​សេរី​ ឥណ្ឌា​ អាមេរិក ​ទើប​អាច​បញ្ចប់​​បញ្ហានេះ​បាន​តាម​រយៈរបាំងសេដ្ឋកិច្ចមួយ​ចំនួន។ ​យ៉ាង​ណា​ ខាង​ ​​វេទិកា​យុទ្ធសាស្ត្រ​ និង​ភាព​ជា​ដៃគូ​រវាង​សហរដ្ឋ​អាមេរិក​ និង​ឥណ្ឌា​ បាន​និង​កំពុង​ធ្វើ​ការ​ជា​មួយ​ក្រុមហ៊ុន​ធំៗ​របស់​សហរដ្ឋ​​អាមេរិក ដើម្បី​រៀបចំ​ឯកសារ​ដាក់​ទៅ​រដ្ឋាភិបាល​ឥណ្ឌា។

​​បើ​តាម​ ​​វេទិកា​យុទ្ធសាស្ត្រ​ និង​ភាព​ជា​ដៃគូ​រវាង​សហរដ្ឋ​អាមេរិក​ និង​ឥណ្ឌា​ ដដែល​ ឱ្យ​ដឹង​ផង​ដែរ​ថា​ រយៈពេល​ ៤​ឆ្នាំ​ចុង​ក្រោយ​នេះ​ ​ក្រុមហ៊ុន​ដែល​ជា​សមាជិក​របស់​ខ្លួន​វិនិយោគ​នៅ​ឥណ្ឌា​ក្នុង​ទំហំ​ទឹក​ប្រាក់​ប្រមាណ​តែ ៥០​ពាន់​លាន​ដុល្លារ​ប៉ុណ្ណោះ៕​

ដោយ៖ រតនៈវិភូ

 

X
5s