វៀតណាមមានរោងចក្រ ៤០ផលិតម៉ាសបាន ៧លានក្នុងមួយថ្ងៃ
បើតាមការប្រកាសរបស់រដ្ឋាភិបាលវៀតណាមឱ្យដឹងកាលពីថ្ងៃព្រហស្បតិ៍ សប្ដាហ៍កន្លងទៅ បានឱ្យដឹងថា វៀតណាមមានសហគ្រាស និងរោងចក្រសរុប ៤០ទូទាំងប្រទេសដែលមានសមត្ថភាពផលិតម៉ាសសរុបបាន ៧លានក្នុងមួយថ្ងៃ។
នេះជារបត់ថ្មីមួយដែលវៀតណាម បាននិងកំពុងប្រឹងប្រែងធានាឱ្យបាននូវបរិមាណម៉ាសសម្រាប់ការស្តុកទុកនៅក្នុងប្រទេស ក៏ដូចជានាំចេញ និងក៏ចូលរួមចំណែកដល់ការផ្ដល់ជំនួយដល់បណ្ដាប្រទេសជាមិត្ត និងបណ្ដាប្រទេសដែលកំពុងទទួលរងគ្រោះធ្ងន់ធ្ងរដូចនៅអឺរ៉ុប និងអាមេរិកផងដែរ។
អ្វីដែលកាន់តែចាប់អារម្មណ៍ ក្រុមហ៊ុនធំបំផុតរបស់វៀតណាមសែស្រឡាយ Vingroup កំពុងតែបង្វែផលិតកម្មរបស់ខ្លួនមកផលិតផលម៉ាស៊ីនជំនួយការដកដង្ហើម (ventilators) និងទែរម៉ូមែត្រដែលជាការផ្លាស់ប្ដូរដំបូងបំផុតសម្រាប់សហគ្រាសធំបំផុតរបស់វៀតណាមនាពេលនេះ។
នាយកប្រតិបត្តិរបស់ក្រុមហ៊ុន Vingroup លោក Nguyen Viet Quang បានអះអាងថា ម៉ាស៊ីនជំនួយការដកដង្ហើម ៥០០០នឹងត្រូវបញ្ជូនទៅកាន់ក្រសួងសុខាភិបាលសប្ដាហ៍ក្រោយ ហើយក្រុមហ៊ុនសង្ឃឹមថា នឹងផលិតរាប់ពាន់ទៀតសម្រាប់រយៈពេល ១ខែដើម្បីត្រៀមជួយ និងផ្គត់ផ្គង់តម្រូវការសកល៕
ដោយ៖ រតនៈវិភូ
