ចំនួនអ្នកស្លាប់ដោយសារកូវីដ១៩នៅអាមេរិកមានចំនួនច្រើនជាងទាហានខ្លួនដែលស្លាប់ក្នុងសង្គ្រាមវៀតណាម
អត្រាអ្នកស្លាប់ដោយសារវីរុសកូរ៉ូណាក្នុងសហរដ្ឋអាមេរិកកើនដល់ចំណុចមួយ ច្រើនជាងចំនួនទាហានរបស់ខ្លួនដែលបានស្លាប់បាត់បង់ជីវិតក្នុងសង្រ្គាមវៀតណាមទៅទៀត។ នេះបើយោងតាមកាសែត SCMP។
ក្នុងរយៈពេលជិត៣ខែមកនេះ ប្រជាជនអាមេរិកប្រមាណ ៥៨ ៣៥៥នាក់ បានស្លាប់ដោយសារជំងឺកូវីដ១៩ បើយោងតាមទិន្នន័យពីសកលវិទ្យាល័យចនហបឃិន (Johns Hopkins University) ធៀបនឹងតួលេខរបស់ National Archives ទាហានស្លាប់ចំនួន ៥៨ ២២០នាក់ក្នុងសង្រ្គាមវៀតណាមកាលពីជាង១ទសវត្សវិ៍មុន។
ចំនួនអ្នកស្លាប់របស់អាមេរិកបើធៀបនឹងប្រទេសវៀតណាមដែលមានករណីអ្នកឆ្លងតែ ២៧០នាក់ប៉ុណ្ណោះ និងគ្មានអ្នកស្លាប់នោះទេ។
អត្ថបទទាក់ទង៖ យ៉ាងតិច ៣ ឆ្នាំ ទើបអាមេរិកអាចស្ទួយសេដ្ឋកិច្ចរបស់ខ្លួនឡើងវិញបានបន្ទាប់ពី COVID-19
ទីក្រុងញូយ៉កនៅតែជាចំណុចឆ្លងរាលដាលខ្លាំងក្នុងសហរដ្ឋអាមេរិកដែលមានចំនួនអ្នកឆ្លងរហូតដល់ ២៩២ ០០០ករណី និងមនុស្សជិត ១៧ ៣០០នាក់បានបាត់បង់ជីវិត។
ទោះបីជាយ៉ាងក៏ដោយ លោក ដូណាលត្រាំ បានអបអរសាទររដ្ឋមួយចំនួនដែលបានបើកដំណើរការផ្នែកសេដ្ឋកិច្ចឡើងវិញក្នុងការឆ្លងរាលដាលនេះ ខណៈអភិបាលរដ្ឋមួយចំនួនព្រមានអំពីការប្រុងប្រយ័ត្នមុននឹងអនុញ្ញាតិឲ្យមានការជួបជុំនៅហាង ភោនីយដ្ឋាន និងទីកន្លែងផ្សេងៗជាដើម។
លោក ដូណាលត្រាំ បានសរសេរលើបណ្ដាញសង្គម Twitter របស់លោកក្នុងការសរសើរលោក Greg Abbott អភិបាលរដ្ឋតិចសាសដែលប្រកាសថានឹងបើកដំណើររដ្ឋឡើងវិញ។ លោកបន្តថា ការបើរដ្ឋឡើងវិញគឺជាការសម្រេចរបស់អភិបាលរដ្ឋនីមួយ ហើយលោកបានជំរុញឲ្យមានការបញ្ឈប់ការបិទទីក្រុងក្នុងប្រទេសផងដែរ។
អត្ថបទទាក់ទង៖ ពិភពលោកចំណាយលើវិស័យយោធា ១,៩លានលានដុល្លារ ក្នុងឆ្នាំ២០១៩ ក្នុងនោះអាមេរិក និងប្រទេសអាស៊ី២ចំណាយច្រើនជាងគេ
ជាមួយគ្នានោះដែរ មួយថ្ងៃមុនរដ្ឋមួយចំនួនដូចជារដ្ឋ Colorado, Montana, Tennessee បានដកការរឹតបន្ដឹងការស្នាក់នៅផ្ទះ ខណៈរដ្ឋមួយចំនួននឹងធ្វើការដកការរឹតបន្ដឹងនេះនៅប៉ុន្មានថ្ងៃទៀត៕
ដោយ៖ លង់ វណ្ណៈ
