ការផ្តល់នូវបទបង្ហាញ ដែលមានភាពស្វាហាប់ មានប្រសិទ្ធិភាព និងអាចទាក់ទាញទស្សនិកជនឲ្យចាប់អារម្មណ៍ទៅលើអ្នកគឺមិនមែនជារឿងដែលពិបាកបន្តទៀតទេ បើអ្នកបានត្រៀមខ្លួនជាស្រេចមុនពេលអ្នកចាប់ផ្ដើមធ្វើ បទបង្ហាញ។

ខាងក្រោមនេះជាកម្រងសំណួរមួយចំនួន ដែលអ្នកគួរតែសួរខ្លួនឯង និងរៀបចំចម្លើយជាស្រេចមុនពេលការធ្វើបទបង្ហាញរបស់អ្នកចូលមកដល់។

១) តើអ្វីទៅជាគោលបំណងនៃបទបង្ហាញរបស់អ្នក?

២) តើទស្សនិកជនរបស់អ្នកជាអ្នកណា?​ មិត្តភក្ដិ គ្រូ បុគ្គលដែលមានវ័យចាស់ជាង និងបទពិសោធន៍ច្រើនជាង ឬសហគមន៍?

៣) គួរប្រើភាសាគួរសមបែបណា នៅពេលធ្វើបទបង្ហាញ ដើម្បីតម្រូវតាមការចង់បាន និងទទួលបានរបស់ទស្សនិកជន?

៤) តើអ្នកចង់អោយទស្សនិកជនដឹងពីអ្វីខ្លះ?

៥)​ ហេតុអ្វីបទបង្ហាញនេះសំខាន់សម្រាប់ទស្សនិកជន? តើទស្សនិកជននឹងទទួលបានអត្ថប្រយោជន៍អ្វីខ្លះពីបទបង្ហាញនេះ?

៦)​ តើអ្វីជាគំនិតសំខាន់ និងសំខាន់បំផុតនៅក្នុងបទបង្ហាញ?

៧) តើអ្នកចង់អោយទស្សនិកជនធ្វើអ្វី ឬចៀសវាងធ្វើអ្វី នៅចុងបញ្ចប់នៃបទបង្ហាញ?

៨) តើអ្នកចង់អោយទស្សនិកជនមានអារម្មណ៍បែបណា ដើម្បីអាចចងចាំសារដ៏សំខាន់នេះ?

៩)​ តើបន្ទាត់ពាក្យ និងពាក្យស្លោកណា ដែលអាចសង្ខេបគំនិតសំខាន់នៃបទបង្ហាញនេះ?

១០) តើមានអ្វីទៀតដែលយើងអាចធ្វើបាន ដើម្បីធ្វើឱ្យការធ្វើបទបង្ហាញនេះក្លាយជាពេល“ អស្ចារ្យ” ដែលមិនអាចបំភ្លេចបាន?

១១) តើអ្នកអាចដឹងថាអ្នកបានសំរេចគោលដៅរបស់អ្នកយ៉ាងដូចម្តេច? មានយុទ្ធសាស្រ្តដូចម្ដេចខ្លះ?

១២)​ តើអ្នកខ្លួនឯង នឹងទទួលបានអ្វីត្រឡប់មកវិញបន្ទាប់ពីការធ្វើបទបង្ហាញនេះ?

ដោយ៖ សុធារ៉ា

ប្រភព៖ Entrepreneur